III Cineforum Empresa, Economía e Sociedade
William (Maxwell Simba) é un rapaz de 13 anos que mora nunha zona rural de Malawi. Alí as condicións económicas empeoraron debido ao mal clima. Isto ademais obrigouno a deixar a escola, dado que a súa familia non pode afrontar outro gasto que non sexa a comida. Para salvar da fame o seu pobo, este mozo cunha mente curiosa inspirarase nun libro de ciencias para construír unha turbina de vento. Con ese muíño a súa comunidade poderá regar os cultivos. A pesar das dificultades para crear esta máquina feita con chatarra, William fará todo o posíbel para salvar o seu pobo.
Este drama biográfico baseado na historia real de William Kamkwamba é o debut como director do actor Chiwetel Ejiofor (Doctor Strange), que tamén protagoniza o filme xunto a Aïssa Maïga (O médico africano), Joseph Marcell (Xente de barrio), Noma Dumezweni (O regreso de Mary Poppins) e o novo debutante Maxwell Simba como William Kamkwamba. (SENSACINE)
Esa é a temática da peza audiovisual de Chiwetel Ejiofor que se proxectará o martes 25 de marzo ás 18:00 no Salón de Graos da Facultade de Ciencias Económicas e Empresariais.
