A comisión de Normalización Lingüística da Facultade de Bioloxía lanza o seu primeiro número da revista: Xermolos de Ciencia: O Boletín Galego da Facultade de Bioloxía.
Con este boletín, que terá unha periodicidade trimestral, preténdese promover o uso do galego como lingua de comunicación científica, académica e cultural na Facultade de Bioloxía, reforzando a identidade lingüística da comunidade universitaria e visibilizando proxectos e actividades relacionadas coa bioloxía. Ademáis de en esta páxina web, distribuirase por correo electrónico institucional (a toda a comunidade universitaria da Facultade), taboleiros e redes sociais. Con esta estratexia, preténdese garantir unha ampla difusión e facilitar o acceso ao boletín para toda a comunidade universitaria
O boletín consta de 4 seccións:
Novidades e actividades: Información sobre congresos, conferencias ou eventos celebrados recentemente ou previstos para o seguinte trimestre. Notas sobre proxectos destacados da facultade ou logros de estudantes e profesorado. Publicacións relevantes do persoal investigador.
Ciencia en galego: Pequenos artigos divulgativos de 300-400 palabras sobre temas de interese en bioloxía, redactados en galego, para visibilizar o vocabulario científico na lingua. Propostas como “Sabías que...?” cun dato curioso ou descubrimento relevante explicado de forma sinxela.
Lingua e cultura: Recomendacións de libros, artigos ou recursos en galego relacionados coa bioloxía. Entrevistas curtas a profesionais ou estudantes que empregan o galego na súa práctica académica ou profesional. Reflexións sobre o uso do galego no ámbito científico.
Participa! : Convocatorias de premios, concursos ou proxectos nos que o estudantado poida participar. Espazo para que os lectores acheguen preguntas, temas ou artigos para o próximo número.