Para iniciar estudos en titulacións de grao a persoa interesada deberá facer a preinscrición nos prazos e seguindo o procedemento establecido.
Para o ingreso en estudos de grao nos centros universitarios, as universidades públicas integrantes do SUG constitúense nun distrito único e as competencias relativas aos procedementos de admisión, datas de realización, criterios de ponderación e baremos de adxudicación de prazas están conferidas á Comisión Interuniversitaria de Galicia (CIUG).
O alumnado que desexe iniciar estudos oficiais de grao na USC deberá realizar unha solicitude de acceso ou preinscrición a través da aplicación NERTA, agás casos excepcionais que poderán realizar a solicitude nun LERD (Lugar de Entrega e Recollida de Documentación), nos prazos e procedemento establecidos pola CIUG.