Ionización Química (IQ)

A Ionización Química realízase mediante a reacción das moléculas neutras do analito con ións procedentes da ionización previa dun gas reactivo (habitualmente, metano) por Impacto Electrónico, nunha fonte en condicións de alto baleiro. As reaccións que teñen lugar entre os ións reactivos cargados positivamente e as moléculas da mostra poden ser agrupadas principalmente en catro categorías: transferencia protónica, intercambio de carga, adición electrolífica e abstracción aniónica. O proceso de Ionización é o seguinte:

• Etapa 1: Ionización gas reactivo:

CH₄ + e^- → CH₄^+. + 2e-                             Formación de ións reactivos primarios

• Etapa 2 : Formación de ións reactivos estables:

CH₄ + CH₄^+. → CH₅⁺ + CH₃^.                   Formación de ións reactivos secundarios

CH₄ + CH₃⁺ → C₂H₅⁺ + H₂^.

• Etapa 3: Ionización das moléculas da mostra:

M + CH₅⁺ → CH₄ + [M + H]⁺                  Transferencia protónica

A + CH₄⁺ → CH₄ + A⁺                               Intercambio de carga

M + C₂H₅⁺ →  [M + C₂H₅]⁺                      Adición electrolífica

AH + CH₃⁺ → CH₄ + A⁺                             Abstracción aniónica

De maneira frecuente,  obsérvase que o espectro de masas de Ionización Química con metano combina un sinal do ión MH+ de intensidade axeitada xunto cunha fragmentación apropiada para a súa elucidación estrutural.

Aplicacións:  é unha técnica para análise de compostos orgánicos relativamente lábiles, compostos de polaridade baixa-media, de volatilidade alta, con peso molecular baixo e que teñan unha alta estabilidade térmica.

Exemplos: aldehidos, esteroides, hidratos de carbono, lípidos, aminas ...