Ionización Electrónica (IE)

Localización

Edificio de apoio á investigación (CACTUS): Rúa de Constantino Candeira, 1. Campus Vida , 15782
Santiago de Compostela
Teléfonos: 881 816 242

Equipo operativo

Técnica axeitada para compostos orgánicos volátiles, apolares, peso molecular baixo (20-700 Da) e alta estabilidade térmica. Consiste na ionización por bombardeo de electróns de alta enerxía nunha fonte en condicións de alto baleiro. Os electróns arrincan electróns das moléculas da mostra, dando lugar a ións positivos e unha fragmentación intensa das moléculas.

Fig. 1.1: Esquema fonte de ionización de Ionización Electrónica. . (Fonte: Arron Stokes - Introduction to Mass Spectrometry (MS), page 2 Introduction to Mass Spectrometry (MS) - ppt download (slideplayer.com))
Nesta técnica, a enerxía empregada para ionizar a mostra e provocar a súa fragmentación é adquirida pola interacción con electróns libres emitidos dende un filamento de metal quentado electricamente. A cámara de ionización é mantida a baixa presión para minimizar as colisións ión-molécula. É unha técnica de ionización das chamadas “duras”, xa que as moléculas en fase gas nunha fonte de alto baleiro, reciben un bombardeo de electróns de alta enerxía que as fan fragmentar. Debido a isto obtense un espectro con moita fragmentación do ión molecular, dando moita información estrutural e moi pouca ou ningunha información molecular. Grazas a dita fragmentación pódese deducir o patrón de fragmentación da molécula analizada.

Aplicacións: É unha técnica especialmente utilizada para compostos apolares de volatilidade alta, peso molecular baixo (20-700 Da) e alta estabilidade térmica.

Exemplos: plaguicidas, pesticidas, PAHs, terpenos, ácidos graxos, FAMEs ....
Unidade de Espectrometría de Masas e Proteómica
Edificio de Apoio á Investigación (CACTUS)
Rúa de Constantino Candeira, 1. Campus Vida , 15782
Santiago de Compostela
881 816 242

Localización

Unidade de Espectrometría de Masas e Proteómica