Sección de Imaxen por Resonancia Magnética (MRI)

Os estudos fanse co animal anestesiado, seguindo un protocolo de indución de anestesia en cámara, mediante Isoflurano e O₂, e un mantemento de anestesia mediante máscara facial no posicionador de animais  dentro do equipo.

Os ratos vivos, que vaian someterse a estudos de imaxe e espectroscopía, permanecerán aloxados en gaiolas con filtros, en situación de corentena permanente no Animalario Experimental.

Á hora de realizar un estudo de imaxe, cada animal transportarase no mesmo día de forma individual á unidade de MRI e, unha vez finalizado o estudo, volverá á sala de corentena, manténdose as condicións ambientais e de desinfección dentro do rango recomendable e compatible co desenvolvemento das investigacións.

Os procedementos realizados na unidade de RMN, así como o transporte e a estabulación dos animais, deben cumprir os requirimentos lexislativos relativos aos animais de experimentación (Directiva 2010/63/UE, Real Decreto 1201/2005 e Decreto 296/2008), polo que antes de levar a cabo estas técnicas experimentais é necesario solicitar unha autorización previa e expresa.

Os usuarios que estean interesados na realización de estudos de resonancia magnética e espectroscopía in vivo deben poñerse en contacto coa de Sección de MRI e o Animalario de Experimentación de Lugo para poder organizar a súa programación.