Traballos pendentes de presentar

Resumo
O suicidio é un grave problema de saúde pública cuxa prevalencia aumentou significativamente nos últimos anos, especialmente entre as persoas maiores de 65 anos. Este fenómeno multicausal implica factores biolóxicos, psicolóxicos e sociais, e presenta desafíos específicos para a súa detección e intervención. A pesar da existencia de instrumentos validados para avaliar variables como a depresión ou a funcionalidade, non existe unha escala breve e específica adaptada ás características da vellez que identifique eficazmente as situacións de risco suicida. Polo tanto, este estudo pretende sentar as bases para o desenvolvemento dunha ferramenta de cribado para esta poboación. O estudo estruturouse en dúas fases. En primeiro lugar, realizouse unha revisión sistemática da literatura científica recente para identificar os factores de risco e de protección asociados ao suicidio en adultos maiores. En segundo lugar, aplicáronse elementos do método Delphi a través dun formulario especialmente deseñado, coa participación dun panel de 15 expertos en psicoxeriatría. Estes profesionais avaliaron a relevancia dos factores identificados mediante unha escala Likert de 1 a 10. Os resultados permitiron seleccionar os elementos considerados máis significativos, que servirán de base para o desenvolvemento futuro dunha escala de cribado específica. Este traballo respondeu a unha necesidade profesional e social urxente e procurou contribuír a mellorar o benestar e previr o sufrimento nunha poboación especialmente vulnerable e a miúdo invisible.

Dirección
VICENTE ALBA, FRANCISCO JAVIER (Titoría)

Tribunal
Facal Mayo, David (Presidente/a)
Campos Magdaleno, María (Secretario/a)
PICON PRADO, EDUARDO (Vogal)

Resumo
Este traballo ten como obxectivo deseñar una proposta de intervención baseada en mindfulness para a mellora da intelixencia emocional en persoas maiores. A proposta está dirixida ao alumnado de Ategal, un centro de formación permanente para persoas de 55 ou máis anos e baséase na integración de prácticas de atención plena e psicoeducación emocional. A motivación deste traballo xorde do incremento da poboación maior e das dificultades ás que se poden enfrontar para identificar, comprender e regular ás súas emocións, o que pode repercutir negativamente no seu benestar psicolóxico e polo tanto, no mantemento dun estilo de envellecemento activo e saudable. A proposta estrutúrase en sete sesión semanais, con catro sesión deseñadas a partir do modelo MBEIT (Mindfulness-Based Emotional Intelligence Training). As sesións inclúen meditacións guiadas de respiración e escoita, dinámicas grupais e actividades individuais orientadas á toma de conciencia emocional, a aceptación de pensamentos e emocións desagradables e a orientación efectiva a acción en coherencia cos propios valores. Como método de avaliación, utilizaranse diferentes escalas como o Inventario Breve de Intelixencia Emocional para Maiores (EQ-i-M20), a Trait Meta-Mood Scale (TMMS-24), a Mindful Attention Awareness Scale (MAAS), a Escala de Ansiedade de Beck (BAI) e a Escala de Depresión Xeriátrica de Yesavage (GDS). Espérase que os resultados mostren melloras significativas na capacidade de regulación emocional, conciencia emocional e habilidades de atención plena a través da práctica de mindfulness. Este programa constitúe una proposta innovadora que busca mellorar a calidade de vida das persoas maiores mediante intervencións non farmacolóxicas destinadas a promover o benestar emocional.

Dirección
GALDO ALVAREZ, SANTIAGO (Titoría)

Tribunal
Facal Mayo, David (Presidente/a)
Campos Magdaleno, María (Secretario/a)
PICON PRADO, EDUARDO (Vogal)

Resumo
O suicidio nas persoas maiores constitúe un problema de saúde pública con importantes repercusións sociais e sanitarias, especialmente no contexto de institucionalización, onde conflúen factores de risco como o illamento, a fraxilidade e a comorbilidade médica. O presente traballo propón un estudo epidemiolóxico observacional, transversal e descritivo, dirixido a identificar os determinantes sociodemográficos, funcionais, psicolóxicos e sociais relacionados co risco de conduta suicida en residentes de cinco centros Servisenior de Galicia. O obxecto desta proposta é caracterizar o perfil de risco en función da idade avanzada, dunha funcionalidade reducida, dunha peor saúde autopercibida, da sintomatoloxía depresiva e do baixo apoio social, seguindo achados previos en poboación xeriátrica. En última instancia, os resultados contribuirán ao deseño de intervencións específicas e baseadas en evidencia centradas nas persoas maiores residentes en institucións

Dirección
Mallo López, Sabela Carme (Titoría)

Tribunal
Facal Mayo, David (Presidente/a)
Campos Magdaleno, María (Secretario/a)
PICON PRADO, EDUARDO (Vogal)