Irradiador gamma (Cobalto-60)

• 1
• 2

Pechar

O feixe de radiación gamma do Laboratorio de Radiofísica está xerado por unha fonte de cobalto 60 instalada nunha unidade de terapia AECL Theratron 780.

A unidade ten capacidade de xiro isocéntrico de xeito que o feixe pódese disparar en todas as direccións contidas nun plano.

O Theratron 780 pode colimar a sección transversal do feixe en formas cadradas ou rectangulares. A taxa de dose que pode subministrar esta fonte radioactiva a un punto nun volume dun medio depende da actividade da fonte, da composición do medio, da localización do punto dentro do volume, da localización do volume respecto da fonte e da área da sección do feixe. A fonte de cobalto 60 tiña unha actividade de 5414 Ci en Decembro de 2012.

Os tamaños mínimo e máximo da sección do feixe (área de irradiación) pódense axustar entre 1 cm x 1 cm e 240 cm x 240 cm en función da distancia á fonte.