Finanzas empresariais II

Esta materia persegue os seguintes obxectivos:
. Coñecer o papel das finanzas e do departamento de finanzas no proceso de xestión do risco empresarial.
. Saber realizar unha análise dos riscos que afectan á empresa e do risco das operacións comerciais.
. Saber medir o risco de mercado e de tipos de interese e saber xestionar o risco de cambio.
. Coñecer os produtos ao dispor da empresa para levar a cabo unha política de xestión do risco e os fundamentos das empresas que operan a nivel internacional.
. Saber facer un diagnóstico da empresa en crise e desenvolver un plan de viabilidade a través dun modelo de simulación financeira.

Para iso estrutúrase en cinco temas. No primeiro abórdase a medición e modelización do risco a nivel xenérico. Posteriormente, no tema 2 analízanse os instrumentos e as técnicas de xestión do risco financeiro, entre as que se inclúen os produtos derivados. Posteriormente afóndase na análise dos diferentes riscos financeiros, en particular, do risco de crédito, de tipos de interese e de cambio e abórdanse os procesos de crise e reestruturación enfocados na elaboración do plan de viabilidade.

TEMA 1: O RISCO EMPRESARIAL
TEMA 2: PRODUTOS PARA A XESTIÓN DO RISCO EMPRESARIAL
TEMA 3: O RISCO DE CRÉDITO E A SÚA XESTIÓN
TEMA 4: XESTIÓN DO RISCO DE TIPOS DE INTERESE
TEMA 5: AS FINANZAS INTERNACIONAIS NA EMPRESA E XESTIÓN DO RISCO DE CAMBIO

RISCO FINANCEIRO
Day, A. (2012): Mastering Financial Modeling, Pearson.
Durán y Otero (2010): Análisis financiero dinámico, Cuadernos de la Fundación Mapfre
Holden, C. (2012): Excel Modeling in Corporate Finance, Pearson.
Jackson y Staunton (2005): Advanced Modelling in finance using excel and VBA , Wiley.
Jorion (2009): Financial Risk Manager Handbook, Wiley.
Lado-Sestayo, R. y de Llano-Paz, F (2021): Guía para implantar la gestión de riesgos en la empresa paso a paso. Introducción a la gestión del riesgo. Fundación INADE - Coordinador: Ángel Santiago Fernández-Castro. A Coruña (España). ISBN: 978-84-09-26841-2. Depósito Legal: VG 12-2021.
Mun, J. (2008): Modeling Risk, Wiley
Ferruz, Portillo y Sarto (2009): Dirección financiera del riesgo de interés, Pirámide
Fernández y Partal (2010): Gestión y control del riesgo de crédito en la Banca, Ed. Delta.
Charnes (2007): Financial modeling with Crystal Ball and Excel. Wiley
Scott (2010): Building financial models with Microsoft Excel : a guide for business professionals, Wiley.

PRODUTOS DERIVADOS
Castellanos E. (2012) Opciones y futuros sobre renta variable: manual práctico. Editorial BME.
Díez de Castro y Mascareñas (1994) ” Ingeniería Financiera”
Fabozzi, F (2001): Handbook of fixed income securities, McGraw Hill Profesional
Hull,J (2009): Mercados de futuros y opciones, Pearson-Prentice Hall.
Knop, R (2003): Derivados de crédito, Ediciones Pirámide.
Knop, R (2006): Manual de instrumentos derivados, EFA.
Lamothe,P et al. (2006) “Opciones financieras y productos estructurados”, (1994) “Swaps y otros derivados OTC”
Martín Marín y Trujillo Ponce (2004) “ Manual de Mercados Financieros”
Martínez Abascal y Guasch (2004): Gestión de carteras de renta fija, McGraw-Hill Profesional

RISCO DE CRÉDITO

Fabozzi, F (2001): Handbook of fixed income securities, McGraw Hill Profesional
HULL,J (2004) Opciones y futuros.Mc Graw Hill
JORION, P. (2009); Financial Risk Manager Handbook, 5th Edition, Wiley (Finance),
Knop, R (2003): Derivados de crédito, Ediciones Pirámide.
Lamothe,P et al. (2006) “Opciones financieras y productos estructurados”, McGraw Hill
Lando, D. (2004), Credit Risk Modeling: Theory and Applications, Princeton University Press.
Loffler and Posch (2007): Credit risk modeling using excel and VBA, John Wiley&Sons
Martínez Abascal y Guasch (2004): Gestión de carteras de renta fija, McGraw-Hill Profesional
Saunders, A. and Allen, L. (2002), Credit Risk Measurement: New Approaches to Value at Risk and Other Paradigms, 2nd edition, Wiley.
Tomás et al. (2008): Cómo analizan las entidades financieras a sus clientes, Gestión2000.
Garrido, V. (2012): Modificaciones estructurales y reestructuración empresarial, Dykinson.

TIPOS DE XURO
HULL,J (2010): Introducción a los mercados de futuros y opciones, Pearson Prentice Hall
JORION, P (2010): Financial Risk Management Handbook, Wiley.
Fabozzi, F (2001): Handbook of fixed income securities, McGraw Hill Profesional.
Knop, R et al. (2006): Instrumentos de renta fija, Ariel
Martínez Abascal y Guasch (2004): Gestión de carteras de renta fija, McGraw-Hill Profesional
Knop et al. (2008): Activos de renta fija. Pirámide.

TIPOS DE CAMBIO
Eiteman et al. (2010): Las finanzas de las empresas multinacionales, Ed. Pearson
Eun y Resnik (2007): Gestión financiera internacional, Mc Graw Hill
Madura, J (2003): International financial management, Thomson
Martín Marín, J.L. (2006): Finanzas Internacionales, Ed Thompson
Shapiro (2009) Multinational Financial Management,

Competencias básicas e xenerais da titulación ás que contribúe a materia:

-CG03- Capacidade para aplicar os coñecementos adquiridos á realidade empresarial.
-CG04- Capacidade de resolución de problemas en contornas novas ou pouco coñecidos.
-CG06 - Capacidade para comunicar información, ideas, problemas de dirección de empresas -de carácter xenérico ou específico- e propostas de solución
-CG07- Capacidade para deseñar proxectos de xestión integrada ou de áreas funcionais da empresa.
-CG08- Dominio de diversas ferramentas, instrumentos e métodos de xestión necesarios para dirixir unha empresa.
-CG09- Capacidade para identificar, reunir e interpretar datos relevantes sobre cuestións relacionadas coa xestión empresarial.
-CB7 - Que os estudantes saiban aplicar os coñecementos adquiridos e a súa capacidade de resolución de problemas en contornas novas ou pouco coñecidos dentro de contextos máis amplos (ou multidisciplinares) relacionados coa súa área de estudo
-CB9 - Que os estudantes saiban comunicar as súas conclusións e os coñecementos e razóns últimas que as sustentan a públicos especializados e non especializados dun modo claro e sen ambigüidades
-CB10 - Que os estudantes posúan as habilidades de aprendizaxe que lles permitan continuar estudando dun modo que haberá de ser en gran medida autodirigido ou autónomo.


- Capacidades transversais:

CT-03 capacidade de análise e síntese,
CT-04 planificación e organización
CT-06 capacidade para integrarse e traballar en equipos de composición diversa.


Resultados de aprendizaxe:

-Coñecer o papel das finanzas e do departamento de finanzas no proceso de creación de valor da empresa.
-Saber realizar unha análise dos riscos que afectan á empresa e do risco das operacións comerciais.
-Saber medir o risco de mercado e de tipos de interese e saber xestionar o risco de cambio.
-Coñecer os produtos ao dispor da empresa para levar a cabo unha política de xestión do risco e os fundamentos das empresas que operan a nivel internacional.
-Saber facer un diagnóstico da empresa en crise e desenvolver un plan de viabilidade a través dun modelo de simulación financeira.

Ao tratarse dunha materia de Master é especialmente importante que o alumnado perciba a aplicabilidade dos contidos da mesma. O desenvolvemento dos contidos teóricos irá acompañado de múltiples exemplos e da resolución de casos prácticos, cuxa resolución farase individualmente e/ou en pequenos grupos de traballo. Deste modo lograrase unha mellor comprensión por parte do alumnado e unha maior motivación, consecuencia da súa implicación no proceso de aprendizaxe. Unha parte importante da materia se impartirá no aula de informática, o que permitirá un mellor seguimento dos progresos do alumnado, así como o desenrolo de novas capacidades e destrezas. Así mesmo, fomentarase a revisión de fontes bibliográficas que axude ao alumnado a ter unha visión máis integral e favoreza o afondamento nos temas que poidan ser de máis interese.
Os/as estudantes recibirán o apoio do campus virtual da USC a través da aula virtual da materia, na que se ofrecerá a programación periódica das clases e o material de apoio correspondente, tanto para as sesión expositivas como para as interactivas.

Na primeira oportunidade, prevense dous sistemas alternativos de avaliación, tanto para alumnos que cursan por primeira vez a materia como para alumnos repetidores:
- Un sistema de avaliación continua, no que no transcurso do semestre os alumnos irán desenvolvendo diversas actividades de avaliación que lles permitirán superar a materia sen necesidade de realizar un exame final. Neste sistema inclúense tres tipos de actividades de avaliación:
o Probas teórico-prácticas en formato test: realizaranse dúas probas ao longo do curso, no horario habitual de clase, cubrindo todos os contidos da materia. Supoñerán o 30% da nota final.
o Proba en folla de cálculo: en horario de clase realizarase unha proba para avaliar a destreza no manexo da folla de cálculo para a análise de decisións de xestión financeira internacional. Supoñerá o 50% da nota final.
o Traballos relacionados co contido dos distintos temas que compoñen o programa ou outros de relevancia no ámbito da materia, para os que se fixará un prazo de entrega. Achegarán o 20% da nota final.
- Un sistema de avaliación única, consistente na realización dun exame final teórico-práctico na data oficial establecida, que supoñerá o 100% da nota final, reservado para aqueles alumnos que, por causas recollidas na Instrución nº1/2017, da Secretaría Xeral da USC, sobre dispensa de asistencia a clase en determinadas circunstancias (enfermidade, traballo, acoso…) soliciten e obteñan dispensa de asistencia a clase, así como para aqueles que non aproben baixo o sistema de avaliación continua.
En 2ª oportunidade só contémplase a avaliación a través da realización dun exame final. En calquera das modalidades será necesario obter unha nota igual ou maior que 5 para superar a materia.

Para os casos de realización fraudulenta de exercicios ou probas será de aplicación o recolleito na Normativa de avaliación do rendemento académico dos estudantes e de revisión de cualificacións.
Avaliación de competencias: as actividades alternativas integradas no sistema de avaliación contribúen de diferente xeito e con diferente intensidade á adquisición de todas as competencias mencionadas no apartado de competencias.
Nas probas teórico-prácticas avalíanse: CT3, CT4, CG03, CG04, CG08, CG09, CB7, CB10.
Na proba en folla de cálculo avalíanse: CT6, CG03, CG04, CG06, CG07, CG08, CG09, CB7, CB9, CB10.

TRABALLO PERSONAL NO AULA
Clases de aula en grupo: 10 horas
Clases de seminario en grupo: 22 horas
Titorías en grupo moi reducido: 8 horas
Avaliación no aula: 5 horas
TOTAL TRABALLO PRESENCIAL NO AULA: 45 HORAS

TRABALLO PERSONAL DO ALUMNO
Estudio autónomo, individual ou en grupo: 27,5 horas
Escritura de exercicios, conclusións ou outros traballos: 10 horas
Lecturas recomendadas, actividades en biblioteca ou similar: 20 horas
Preparación de presentacións orais, debates ou similar: 10 horas
TOTAL HORAS TRABALLO PERSONAL DO ALUMNO: 67,5

Requírense coñecementos básicos de Finanzas. Considérase fundamental a asistencia a clase como forma de comprender e asimila-lo contido da materia. Con respecto ás horas de dedicación non presencial, estímase que o alumno que ten asistido a clase deberá investir horas no repaso do visto na clase e aplicar e afianza-los coñecementos mediante a resolución de problemas, así como afondar na materia mediante a revisión bibliográfica. Con un traballo constante ó longo do cuadrimestre a preparación do exame final non debería implicar un número excesivo de horas de estudio.
Ademais, recoméndase aos alumnos que fagan uso das horas de titorías para a resolución de dúbidas ou aclaración de conceptos. Por outro lado, tendo en conta o papel fundamental que o traballo sobre a folla de cálculo xoga nesta materia, aconséllase que o alumno que non se move con soltura neste terreo procure mellora-lo seu manexo tanto co seu esforzo persoal como facendo uso das horas de titorías.