Máster Universitario en Nanociencia e Nanotecnoloxía

Condicións de terminación:

Obrigatorias: 21
Optativas: 18
Prácticas externas 6
Traballo fin de máster: 15
Total: 60

O Mestrado en Nanociencia e Nanotecnoloxía non contempla especialidades, mais si oferece dous itinerarios que poden axudar a configurar as preferencias do alumno:

a) Itinerario orientado á formación en Tecnoloxía de Nanomateriais, que cobre: simulación computacional, nanoelectrónica, nanomagnetismo, nanofotónica, nanomecánica e nanocatálise.

b) Itinerario orientado á formación en Bio-Nanotecnoloxía, que abranxe: modelización computacional de biomateriais, nanoterapia, prevención, diagnóstico, nanoteranose (nanoteragnóstico), nanofabricación e rexeneración tisular, nanotoxicoloxía e ecotoxicoloxía.

Para obter a titulación por un itinerario o alumno deberá cursar os 18 créditos optativos do módulo correspondente. Tamén pode obter o título sen itinerario se prefire elixir materias dos dous módulos en función dos seus intereses.

Aberto a graduados en titulacións científicas e técnicas moi diversas, o Master proporciona os coñecementos complementarios necesarios para que os egresados se integren en grupos de traballo altamente competitivos adicados a investigación, a formación continuada, e/ou a regulamentación en nanociencia e nanotecnoloxía. Dirixido a profesionais que buscan continuar a súa formación nun eido altamente competitivo tanto na empresa privada como en entidades públicas, ou acceder a programas de Doutoramento para proseguir a carrera investigadora.

• Número mínimo de créditos ECTS de matrícula por estudante e período lectivo

  Condicións de terminación:

  Obrigatorias: 21
  Optativas: 18
  Prácticas externas 6
  Traballo fin de máster: 15
  Total: 60

• Acción titorial e acollida

  As Universidades participantes contan con guías do estudante que poñen a disposición do alumno de novo ingreso información orientativa sobre as dúas institucións. Na páxina web de ambas as universidades recóllese unha guía trilingüe con recomendacións sobre como acceder aos distintos centros e estudos, programas de mobilidade, calendario escolar, transporte, aloxamento, área de deportes, etc.

  Cada ano programarase unha reunión informativa que se celebrará en cada un dos dous centros implicados para os alumnos matriculados no mestrado. Esta reunión terá lugar antes de comezar as actividades académicas propiamente ditas. Ademais, na páxina web do Mestrado en Nanociencia e Nanotecnoloxía recollerase información detallada sobre horarios e lugar de impartición de cada materia, xunto co plan de acción tutorial e o programa de acollida. Especificamente, a primeira semana do curso dedicarase a orientar os estudantes de novo ingreso.

  O equipo decanal da Facultade de Farmacia da USC e/ou o equipo decanal da Facultade de Química da Uvigo, o coordinador/a e/ou o secretario/a do mestrado xunto cunha representación do profesorado organizarán un acto de recepción aos estudantes, no cal se explicará a estrutura xeral do título, os contidos e as actividades principais de cada semestre. Pedirase a cada alumno que se presente e indique brevemente a súa procedencia e a súa formación, á vez que se proporán actividades de traballo en grupo para promover a interacción dos estudantes entre si e cos profesores.

  Tamén se organizará unha xornada de divulgación das liñas de traballo dos profesores e investigadores docentes do mestrado para os alumnos teren a oportunidade de identificar posíbeis temas de interese para realizar o seu traballo fin de mestrado. Nestas xornadas contarase tamén coa participación de profesionais de sectores relacionados cos obxectivos do título e con egresados de edicións anteriores para compartiren a súa experiencia cos novos matriculados. Sempre que sexa posíbel, ofrecerase ao alumno a oportunidade de visitar os laboratorios e elixir un titor para o traballo fin de mestrado. Os alumnos que atopen dificultades para levaren a cabo esta selección contarán co asesoramento da Comisión Académica Interuniversitaria do Máster.

  Todos os profesores do mestrado estarán dispoñíbeis para os estudantes através das respectivas plataformas de docencia virtual (“Campus Virtual” USC e “Tema” Uvigo) e en persoa durante as horas de titorías estabelecidas, que se poden consultar nas correspondentes plataformas.

  Nas xornadas de acollida promoverase o contacto dos alumnos cos profesores do mestrado, de xeito que se asigne o máis axiña posíbel o titor científico a cada estudante. O titor apoiará e orientará o alumno en todas as dúbidas que teña ou nas decisións que deba tomar, principalmente en canto a elección de materias optativas ou a estancias/prácticas en empresas. A supervisión do titor plasmarase en reunións periódicas frecuentes co alumno, nas cales eventualmente participará tamén o/a coordinador/a do mestrado. O profesor titor oferece asesoramento académico en canto ás opcións e a orientación do proxecto académico e profesional, e apoio na identificación e na mellora en aspectos da formación do estudante que o requiran contando coa colaboración dos profesores do mestrado. Así mesmo, informan dos recursos e servizos que a universidade pon a disposición do estudantado e da información sobre o seu funcionamento xeral, sobre os aspectos administrativos, académicos, de xestión e de participación nas estruturas de goberno. Sempre que sexa posíbel o titor científico será o titor para o traballo fin de mestrado.

• Acceso

  Acceso

  Poderán acceder ás ensinanzas oficiais de máster:

  1. As persoas que estean en posesión dun título universitario oficial español.
  2. Aquelas que teñan un título expedido por unha institucion de educación superior do EEES que faculta no país expedidor do título para o acceso a ensinanzas de máster.
  3. Os titulados conforme a sistemas educativos alleos ao EEES sen necesidade de homologación dos seus títulos, previa comprobación pola Universidade de que os ditos títulos acreditan un nivel de formación equivalente aos correspondentes títulos universitarios españois e que facultan no país expedidor do título para o acceso a ensinanzas de posgrao.

  Admisión

  Modalidade: Criterios xerais

  Licenciado/graduado/enxeñeiro en Farmacia, Física, Química, Medicina, Veterinaria, Bioloxía, Enxeñaría Química, Enxeñaría de Materiais, Bioquímica, Enxeñaría Biomédica, Enxeñaría Industrial, Enxeñaría de Telecomunicacións, Ciencia e Tecnoloxía dos Alimentos, Ciencias Ambientais, Ciencias do Mar ou titulaciones afíns.

  Dado que a día de hoxe existen numerosas titulacións, especialmente fóra do noso país, que poden proporcionar un acceso adecuado ao mestrado pero cuxa denominación pode ser a priori moi variada, a comisión académica valorará en cada caso a titulación dos solicitantes e a súa vinculación coa temática do máster.

  Os estudantes deberán acreditar un nivel medio-alto de coñecemento de inglés, como mínimo un nivel B1 do Marco Común Europeo de Referencia de Linguas ou equivalente.

  Criterios de Selección:

  -Expediente académico e currículum vitae: 75%
  (Cualificacións de grao, formación previa no ámbito das materias do máster, participación ou asistencia a congresos relacionados, publicacións no ámbito da nanociencia e a nanotecnoloxía, experiencia profesional)
  -Carta de motivación: 10%
  -Entrevista persoal: 15%

  Información actualizada en cada convocatoria de matrícula

Modalidade: Criterios xerais

Licenciado/graduado/enxeñeiro en Farmacia, Física, Química, Medicina, Veterinaria, Bioloxía, Enxeñaría Química, Enxeñaría de Materiais, Bioquímica, Enxeñaría Biomédica, Enxeñaría Industrial, Enxeñaría de Telecomunicacións, Ciencia e Tecnoloxía dos Alimentos, Ciencias Ambientais, Ciencias do Mar ou titulaciones afíns.

Dado que a día de hoxe existen numerosas titulacións, especialmente fóra do noso país, que poden proporcionar un acceso adecuado ao mestrado pero cuxa denominación pode ser a priori moi variada, a comisión académica valorará en cada caso a titulación dos solicitantes e a súa vinculación coa temática do máster.

Os estudantes deberán acreditar un nivel medio-alto de coñecemento de inglés, como mínimo un nivel B1 do Marco Común Europeo de Referencia de Linguas ou equivalente.

Criterios de Selección:

-Expediente académico e currículum vitae: 75%
(Cualificacións de grao, formación previa no ámbito das materias do máster, participación ou asistencia a congresos relacionados, publicacións no ámbito da nanociencia e a nanotecnoloxía, experiencia profesional)
-Carta de motivación: 10%
-Entrevista persoal: 15%

Información actualizada en cada convocatoria de matrícula

• Competencias básicas

  - Posuír e comprender coñecementos que acheguen unha base ou oportunidade de ser orixinais no desenvolvemento e/ou aplicación de ideas, a miúdo nun contexto de investigación.

  - Que os estudantes saiban aplicar os coñecementos adquiridos e a súa capacidade de resolución de problemas en contornos novos ou pouco coñecidos dentro de contextos máis amplos (ou multidisciplinares) relacionados coa súa área de estudo

  - Que os estudantes sexan capaces de integrar coñecementos e enfrontarse á complexidade de formularen xuízos a partir dunha información que, sendo incompleta ou limitada, inclúa reflexións sobre as responsabilidades sociais e éticas vinculadas á aplicación dos seus coñecementos e xuízos

  - Que os estudantes saiban comunicar as súas conclusións e os coñecementos e razóns últimas que as sustentan a públicos especializados e non especializados dun modo claro e sen ambigüidades

  - Que os estudantes posúan as habilidades de aprendizaxe que lles permitan continuar estudando dun modo que haberá de ser en grande medida autodirixido ou autónomo.

• Competencias xerais

  - Saber aplicar os coñecementos á resolución de problemas no ámbito multidisciplinar da investigación e a innovación relacionada con nanociencia e nanotecnoloxía.
  - Dominar técnicas de recuperación de información relativas a fontes de información primarias e secundarias (incluíndo bases de datos co uso de ordenador) e de análise crítica da información, en lingua galega, española e inglesa.
  - Ser capaz de identificar teorías e modelos científicos e aproximacións metodolóxicas adecuadas para o deseño e a avaliación de materiais nanoestruturados.
  - Ter capacidade para comprender a regulamentación e as responsabilidades sociais que se derivan da investigación, o desenvolvemento e a innovación na área da nanociencia e a nanotecnoloxía.
  - Dispoñer de coñecementos e habilidades para participar en proxectos de investigación e colaboracións científicas ou tecnolóxicas, en contextos interdisciplinares e cun alto compoñente de transferencia do coñecemento.
  - Ter capacidade de liderado, creatividade, iniciativa e espírito emprendedor.
  - Ser capaz de utilizar con seguridade os nanomateriais de forma segura respeitando a normativa vixente en materia de prevención de riscos laborais e de tratamento de residuos.
  - Saber aplicar coñecementos e capacidades para a planificación e a xestión integrada de proxectos.
  - Ter capacidade de comunicación oral e escrita e interacción científica con profesionais doutras áreas de coñecemento.
  - Adquirir a formación necesaria para poder integrarse en futuros estudos de doutoramento en Nanociencia e Nanotecnoloxía, ou en ámbitos relacionados.

• Competencias específicas

  - Coñecer a terminoloxía propia da Nanociencia e a Nanotecnoloxía
  - Interrelacionar a estrutura química, a arquitectura ou ordenamento do material nanoestruturado coas súas propiedades químicas, físicas e biolóxicas.
  - Adquirir os coñecementos conceptuais e prácticos sobre os procesos de auto-ensamblado e auto-organización en sistemas macromoleculares que sexan necesarios para o deseño de novos nanomateriais e nanoestruturas
  - Coñecer as principais técnicas de preparación de nanomateriais a pequena e grande escala
  - Avaliar as relacións e diferenzas entre as propiedades dos materiais a escala macro, micro e nano.
  - Coñecer as principais técnicas de caracterización de materiais nanoestruturados.
  - Coñecer as interaccións dos materiais nanoestruturados cos seres vivos e o medio ambiente.
  - Coñecer as principais aplicacións dos nanomateriais nos diversos campos de coñecemento como a física, química, enxeñaría, a biomedicina, biotecnoloxía, ou a arte, entre outros.
  - Aplicar técnicas computacionais, de deseño experimental e análise estatística para a preparación de sistemas nanoestruturados e a avaliación das súas propiedades.
  - Entender as etapas de deseño e caracterización de sistemas nanoestruturados para a liberación de sustancias activas e/ou encapsulación/confinamiento de biomarcadores ou de sustancias nocivas, avaliación da súa eficacia e seguridade.
  - Coñecer os pasos para preparar, presentar e defender proxectos de innovación no ámbito da nanociencia e a nanotecnoloxía, integrando protección do coñecemento e estratexias de valorización.

• Competencias transversais

  - Saber desenvolver traballos de colaboración en equipos multidisciplinares.
  - Saber formular un proxecto de investigación sinxelo de forma autónoma en lingua galega, española e inglesa.
  - Usar as Tecnoloxías da Información e a Comunicación (TICs) como ferramenta para a transmisión de coñecementos, resultados e conclusións en ámbitos especializados de modo claro e rigoroso.
  - Ter capacidade para a xestión da investigación, o desenvolvemento e a innovación tecnolóxica en nanociencia e nanotecnoloxía
  - Saber aplicar os principios recollidos en The European Charter & Code for Researchers.

Mobilidade

Actualmente a USC e a Uvigo colaboran nos programas Sócrates-Erasmus , Erasmus Mundus e Sicue, que facilitan a mobilidade dos estudantes dentro do sistema universitario español e europeo, e tamén en diversos programas para o fomento da mobilidade dos membros da comunidade universitaria con universidades de América, Asia, Australia e Suíza.

As facultades de Farmacia da USC e de Química da Uvigo contan coa colaboración de varios profesores/as que actúan como coordinadores académicos e cuxa función é tutorizar e asistir nas súas decisións académicas aos estudantes propios e de acollida.

A selección dos candidatos lévaa a cabo, para cada convocatoria ou programa, unha comisión de selección composta polo decano ou decana, o vicedecano ou vicedecana responsábel de programas de intercambio, o/a responsábel da UAGCD (na USC) e a ORI (na Uvigo) e os/as coordinadores académicos, de acordo con criterios de baremación, previamente establecidos, que teñen en conta o expediente académico, unha memoria e, de ser o caso, as competencias en idiomas que esixe a Universidade de destino.

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

Prácticas

O mestrado contempla a realización de prácticas externas (6 créditos) para o alumno tomar contacto co sector produtivo. As prácticas levaranse a cabo en empresas, organizacións públicas ou privadas, ou en centros, departamentos, institutos e grupos de investigación, en institucións que participan no mestrado ou coas que a Universidade de Santiago de Compostela ou a Universidade de Vigo teñan asinados os correspondentes acordos. Para cada alumno nomearase un titor externo pertencente ao centro ou entidade onde se realizarán as prácticas externas e un profesor titor que imparta docencia no mestrado.

Baixo a supervisión dos titores, o alumno deberá:

-Procurar a bibliografía necesaria para coñecer o estado actual do tema de traballo nas prácticas externas.
-Adecuarse aos modos de traballo do centro ou institución receptora.
-Participar activamente na actividade encomendada.
-Seleccionar as conferencias, cursos e workshops que poidan complementar a súa formación.
-Preparar a memoria final.

O TFM supón un total de 15 créditos e, en forma semellante ás prácticas externas, aínda que cunha formulación diferente en canto ao seu deseño e execución, poderá desenvolverse en centros, departamentos, institutos e grupos de investigación das universidades organizadoras.

En termos xerais, o contido centrarase no campo da nanociencia e a nanotecnoloxía. O tema de traballo específico será asignado pola Comisión Académica Interuniversitaria do Máster a cada alumno, tendo en conta as liñas de investigación oferecidas, as preferencias indicadas polos estudantes e a disponibilidade do persoal docente. O traballo de investigación deberá ser orixinal e finalizará coa presentación dun informe escrito que pode redactarse en galego, español ou inglés, e unha exposición e defensa dos resultados obtidos perante unha comisión de avaliación.

O equipo de profesores do Máster está constituído fundamentalmente por destacados investigadores das Facultades de Farmacia, Física, Química, Medicina e da Escola Técnica Superior de Engeniería da USC, e das Facultades de Química e Bioloxía e da Escola de Enxeñería Industrial da UVigo, que contan con ampla experiencia nos ámbitos de especialización da titulación. Está previsto que tamén participen especialistas externos nacionais e internacionais, procedentes de contornas académicas e empresariais.