Grao en Enxeñaría Química (2ª edición)

• Perfil de ingreso

  Para o ingreso no Grao en Enxeñaría Química recoméndase de maneira especial que a formación do alumnado sexa de perfil científico-tecnolóxico. Dentro dese perfil, ademais de, en química, física e matemáticas, resulta recomendable ter formación en debuxo técnico.
  Ademais, sería desexable que o futuro estudante do Grao en Enxeñería Química posúa as seguintes características persoais e académicas:
  • Interese pola resolución de problemas reais
  • Habilidade no cálculo
  • Capacidade de análise e síntese
  • Curiosidade tecnolóxica
  • Constancia e responsabilidade no traballo
  • Competencia en expresión oral e escrita
  • Competencia lingüística en inglés, ademais de en castelán e en galego
  • Capacidade de traballo en equipo

• Número mínimo de créditos ECTS de matrícula por estudante e período lectivo

  1.- O alumnado de primeiro curso por primeira vez a tempo completo ten que matricular 60 créditos. Un 15% do alumnado poderá cursar estudos a tempo parcial (30 créditos).
  2.- Continuación de estudos: libre cun máximo de 75 créditos.

• Acción titorial e acollida

  A USC realiza todos os anos, a comezo de curso, xornadas de acollida organizadas polo vicerreitorado con competencia en asuntos estudantís, que se desenvolven na primeira quincena do curso en todos os centros universitarios, e que teñen por obxecto presentar ao novo estudantado as posibilidades, recursos e servizos que lle ofrece a Universidade.

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:
  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Criterios de acceso e admisión

  As probas de acceso ás tres universidades galegas (Avaliación de Bacharelato para o acceso á Universidade (ABAU) e para persoas maiores de 25 e 45 anos) están organizadas pola Comisión Interuniversitaria de Galicia (CIUG). Para solicitar praza, o alumnado debe cumprir algúns dos seguintes requisitos de acceso establecidos no artigo 3 do RD 412/2014:
  • Ter un título de bacharelato ou equivalente e superar a proba de acceso á universidade.
  • Cumprir os requisitos esixidos para o acceso á universidade nos sistemas educativos de Estados membros da Unión Europea ou de outros Estados cos que España teña subscrito acordos internacionais nesta materia.
  • Ter superada a proba de acceso á universidade para maiores de 25 anos, para maiores de 40 anos con experiencia laboral ou profesional ou a proba para maiores de 45 anos.
  • Posuír un título de técnico superior de formación profesional, ensino de artes plásticas e deseño ou de técnico deportivo superior, ou títulos equivalentes.
  • Ter un título universitario oficial de grao, máster ou un título dos correspondentes á anterior ordenación do ensino universitario (diplomado universitario, arquitecto técnico, licenciado, arquitecto, enxeñeiro) ou títulos equivalentes.
  • Ter cursados estudos universitarios parciais estranxeiros ou españois, ou que, ó finalizar os estudos universitarios estranxeiros, non teñan obtido a súa homologación en España e queiran continuar estudos nunha universidade española. Neste suposto, será requisito indispensable que a universidade correspondente recoñeza a lo menos 30 créditos ECTS.
  • Estar en condicións de acceder á universidade segundo ordenacións educativas anteriores á Lei Orgánica 8/2013, non incluídas nos apartados anteriores.

  De maneira xeral existen as seguintes vías de acceso á Universidade:
  • Proba de acceso á universidade (ABAU): Unha vez terminado o bacharelato, para poder acceder a un grao universitario débese superar a Avaliación de Bacharelato para o acceso á Universidade.
  https://ciug.gal/gal/abau
  • Acceso desde a Formación Profesional: Se se dispón dun título oficial de técnico superior de formación profesional, de técnico superior de artes plásticas e deseño ou de técnico deportivo superior, ou títulos, diplomas ou estudos declarados equivalentes ou homologados no sistema educativo español, pódese acceder a estudar unha titulación de grao na universidade. As solicitudes ordenaranse segundo a nota media do título de técnico superior realizado sobre un máximo de 10. Se se desexa mellorar a nota de admisión aos estudos de grao, pódese facer a proba da parte voluntaria da ABAU.
  https://www.usc.es/export9/sites/webinstitucional/gl/servizos/oiu/desca…
  • Proba de acceso para maiores de 25 anos: Poden facer esta proba as persoas que sexan maiores de 25 anos de idade no ano en que se celebre a proba e que non teñan ningunha titulación académica que dea acceso á universidade por outra vía.
  • Maiores de 45 anos: Os maiores de 45 anos de idade poden estudar titulacións oficiais de grao despois de superar unha proba de acceso adaptada.
  • Acceso maiores de 40: mediante validación da experiencia laboral.
  O acceso de maiores de 40 anos ao Grao en Enxeñaría Química mediante validación da experiencia profesional que se deseñou realizarase considerando os perfís profesionais idóneos e unha entrevista de carácter persoal. O nivel de cualificación profesional esixido ao solicitante será o correspondente ás cualificacións profesionais das familias profesionais e niveis do Catálogo Nacional de Cualificacións Profesionais (CNCP), elaborado polo Instituto Nacional das Cualificacións (INCUAL).
  Por parte da Universidade estableceuse a seguinte relación de familias profesionais con acceso ao grao en Enxeñaría Química:
  • Enerxía e auga
  • Industrias alimentarias
  • Química
  • Seguridade e Medio

Tras a súa gradación, un/ha enxeñeiro/a químico/a debe conseguir os seguintes obxectivos formativos:
1. Ter un coñecemento relevante das ciencias básicas (matemáticas, química, biotecnoloxía, física), para axudar a comprender, describir e resolver os fenómenos da enxeñaría química.
2. Comprender os principios básicos da enxeñaría química:
a. Balances de materia, enerxía e cantidade de movemento
b. Equilibrio
c. Procesos cinéticos (reacción química, materia, calor, cantidade de movemento) e ser capaz de utilizalos para expor e resolver (analítica, numérica ou gráficamente) unha variedade de problemas de enxeñaría química.
3. Comprender os principais conceptos de control de procesos.
4. Comprender os principios básicos de procesos/produtos.
5. Ter un coñecemento relevante da bibliografía e fontes de datos dispoñibles.
6. Ser capaz de planificar, realizar, explicar e realizar informes de traballo experimental básico.
7. Ter un coñecemento básico dos aspectos de saúde, hixiene industrial, seguridade e medio ambiente.
8. Comprender o concepto de sustentabilidade.
9. Comprender o concepto básico de enxeñaría de produto.
10. Ter coñecemento e realizar aplicacións prácticas de enxeñería de produto.
11. Ter capacidade de analizar problemas complexos.
12. Ter experiencia no uso do software axeitado.
13. Ser capaz de facer deseño de procesos o produtos.
14. Ser capaz de calcular os custos de procesos e proxectos.

• Competencias

  COMP01 - Capacidade para a redacción, firma e desenvolvemento de proxectos no ámbito da enxeñaría industrial que teñan por obxecto a construción, reforma, reparación, conservación, demolición, fabricación, instalación, montaxe ou explotación de: estruturas, equipos mecánicos, instalacións enerxéticas, instalacións eléctricas e electrónicas, instalacións e plantas industriais e procesos de fabricación e automatización.
  COMP02 - Capacidade para a dirección das actividades obxecto dos proxectos de enxeñaría.
  COMP03 - Capacidade para a resolución dos problemas matemáticos que poidan exporse na enxeñaría. Aptitude para aplicar os coñecementos sobre: álxebra lineal; xeometría; xeometría diferencial; cálculo diferencial e integral; ecuacións diferenciais e en derivadas parciais; métodos numéricos; algorítmica numérica; estatística e optimización.
  COMP04 - Capacidade para comprender e aplicar os principios de coñecementos básicos da química xeral, química orgánica e inorgánica e as súas aplicacións na enxeñería.
  COMP05 - Capacidade para análise e deseño de procesos e produtos ou simulación e optimización de procesos e produtos.
  COMP06 - Capacidade para o deseño e xestión de procedementos de experimentación aplicada, especialmente para: A determinación de propiedades termodinámicas e de transporte, e modelado de fenómenos e sistemas no ámbito da enxeñería química ou sistemas con fluxo de fluídos, transmisión de calor ou operacións de transferencia de materia ou cinética das reaccións químicas e reactores.
  COMP07 - Capacidade para deseñar, xestionar e operar procedementos de: Simulación de procesos químicos ou control e instrumentación de procesos químicos.
  COMP08 - Capacidade de resolver problemas con iniciativa, toma de decisións, creatividade, razoamento crítico e de comunicar e transmitir coñecementos, habilidades e destrezas no campo da Enxeñaría Industrial.
  COMP09 - Capacidade para o manexo de especificacións, regulamentos e normas de obrigado cumprimento.
  COMP10 - Capacidade de analizar e valorar o impacto social e ambiental das solucións técnicas.
  COMP11 - Capacidade para aplicar os principios e métodos da calidade.
  COMP12 - Capacidade de organización e planificación no ámbito da empresa e outras institucións e organizacións.
  COMP13 - Capacidade de traballar nunha contorna multilingüe e multidisciplinar.
  COMP14 - Coñecemento, comprensión e capacidade para aplicar a lexislación necesaria no exercicio da profesión de Enxeñeiro Técnico Industrial.
  COMP15 - Integración das competencias básicas, comúns e específicas da rama industrial a través do traballo fin de grao.
  COMP16 - Capacidade para levar a cabo un exercicio orixinal a realizar individualmente e presentar e defender perante un tribunal universitario, consistente nun proxecto no ámbito das tecnoloxías específicas da Enxeñería Industrial de natureza profesional no que se sinteticen e integren as competencias adquiridas nos estudos.

• Habilidades e destrezas

  HD01 - Traballo en equipo.
  HD02 - Comunicación oral e escrita en linguas propias e algunha estranxeira.
  HD03 - Capacidade de xestión da información.
  HD04 - Razoamento crítico e compromiso ético.
  HD05 - Capacidade para aplicar os coñecementos na práctica.
  HD06 – Liderado.
  HD07 - Aprendizaxe autónoma.
  HD08 - Iniciativa e espírito emprendedor.
  HD09 - Destrezas informáticas.

• Coñecementos

  CON01 - Comprensión e dominio dos conceptos básicos sobre as leis xerais da mecánica, termodinámica, campos e ondas e electromagnetismo e a súa aplicación para a resolución de problemas propios da enxeñaría.
  CON02 - Coñecementos básicos sobre o uso e programación dos computadores, sistemas operativos, bases de datos e programas informáticos con aplicación en enxeñaría.
  CON03 - Coñecemento axeitado do concepto de empresa, marco institucional e xurídico da empresa. Organización e xestión de empresas.
  CON04 - Capacidade de visión espacial e coñecemento das técnicas de representación gráfica, tanto por métodos tradicionais de xeometría métrica e xeometría descritiva, como mediante as aplicacións de deseño asistido por computador.
  CON05 - Coñecementos e principios básicos de termodinámica aplicada ou transmisión de calor e a súa aplicación á resolución de problemas de enxeñaría.
  CON06 - Coñecementos dos principios básicos da mecánica de fluídos e a súa aplicación á resolución de problemas no campo da enxeñaría. Cálculo de tubaxes, canles e sistemas de fluídos.
  CON07 - Coñecementos dos fundamentos de ciencia, tecnoloxía e química de materiais. Comprender a relación entre a microestructura, a síntese ou procesado e as propiedades dos materiais.
  CON08 - Coñecemento e utilización dos principios de teoría de circuítos e máquinas eléctricas.
  CON09 - Coñecementos dos fundamentos da electrónica.
  CON10 - Coñecementos sobre os fundamentos de automatismos e métodos de control.
  CON11 - Coñecemento dos principios de teoría de máquinas e mecanismos.
  CON12 - Coñecemento e utilización dos principios da resistencia de materiais.
  CON13 - Coñecementos básicos dos sistemas de produción e fabricación.
  CON14 - Coñecementos básicos e aplicación de tecnoloxías ambientais e sustentabilidade.
  CON15 - Coñecementos aplicados de organización de empresas.
  CON16 - Coñecementos e capacidades para organizar e xestionar proxectos. Coñecer a estrutura organizativa e as funcións dunha oficina de proxectos.
  CON17 - Coñecementos sobre balances de materia e enerxía ou biotecnoloxía ou transferencia de materia ou operacións de separación ou enxeñaría da reacción química ou deseño de reactores ou valorización e transformación de materias primas e recursos enerxéticos.
  CON18 - Coñecemento en materias básicas e tecnolóxicas, que lles capacite para a aprendizaxe de novos métodos e teorías, e dótelles de versatilidade para adaptarse a novas situacións.
  CON19 - Coñecementos para a realización de medicións, cálculos, valoracións, taxacións, peritaxes, estudos, informes, plans de labores e outros traballos análogos.

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):
https://www.usc.gal/gl/servizos/area/internacional
A mobilidade dos/as estudantes realizase a partir do segundo curso de estudos na titulación, en períodos cuatrimestrais ou anuais.

Prácticas

A materia Prácticas en empresas implicará que o alumnado realice prácticas nunha ou máis empresas, durante un máximo de 150 h a efectos de recoñecemento, entre aquelas coas que se estableceu un convenio desde a Escola Técnica Superior de Enxeñaría ou da USC. Son obrigatorias e ofértanse no segundo semestre do cuarto curso.
A Escola Técnica Superior de Enxeñaría, asignará ao alumnado un titor ou unha titora entre o Persoal Docente e Investigador do título, que fará un seguimento do traballo realizado polo alumnado e velará pola calidade da estancia realizada.

• Perfil de egreso

  Habilita para a profesión regulada Enxeñeiro Técnico Industrial.
  Principalmente sector empresarial e en menor medida outros.

De acordo co disposto na orde CIN/351/2009 pola que se establecen os requisitos para a verificación dos títulos universitarios oficiais que habiliten para o exercicio da profesión de Enxeñeiro Técnico Industrial, o traballo Fin de Grao consistirá nun exercicio de deseño que comprenderá unha unidade dunha instalación industrial. Farase de forma individual. A selección da temática do proxecto será proposta polo alumnado ou o profesorado do grao. O documento da proposta de proxecto será aprobado pola comisión de Traballo Fin de Grao. Todo o relativo á realización e avaliación do TFG será regulado por unha normativa específica que se elaborará para tal efecto.