Xestión de persoas

• Pór de manifesto a importancia das persoas como fonte de vantaxe competitiva para as empresas e factor crave para o éxito empresarial na era dixital.
• Coñecer as principais intervencións da dirección de recursos humanos.
• Comprender as particularidades derivadas das diferentes características das persoas, a acción en grupo, e a presenza de múltiples influenciadores internos e externos vinculados á xestión dos recursos humanos nas organizacións.
• Acadar coñecementos sobre os principais obxectivos da dirección estratéxica de recursos humanos na era dixital e as estratexias vinculadas a xestión dos recursos humanos que contribúen aos obxectivos da organización.

Tema 1. Concepto, evolución, influenciadores e obxectivos da xestión de persoas
Tema 2. Procesos básicos: Análise e deseño de postos de traballo; Planificación de persoas
Tema 3. Procesos de afectación: Recrutamento; Selección; Contratación; Orientación/Socialización
Tema 4. Procesos de formación e desenvolvemento: Formación e desenvolvemento; Xestión de carreiras profesionais
Tema 5. Procesos de avaliación e compensación: Avaliación do desempeño; Compensación

Bibliografía Básica:
De la Calle Durán, M.C., Ortiz de Urbina Criado, M (2018). “Fundamentos de recursos humanos”. Pearson Educación, Madrid.

Bibliografía Complementaria:
Chiavenato, I. (2007)” Administración de recursos humanos: el capital humano de las organizaciones”. McGraw Hill.
Dolan, S.; Valle, R., López, A. (2014) "La gestión de personas y del talento: la gestión de los recursos humanos en el siglo XXI, McGraw-Hill.
Gómez-Mejía, L..; Balkin, D.; Cardy, R. (2016). Gestión de recursos humanos. Octava edición. Editorial Pearson Educación, Madrid.

O profesorado podera proprocionar bibliografía específica para algun dos temas.

Básicas e xerais
CB1. Que os estudantes demostrasen posuír e comprender coñecementos nunha área de estudo que parte da base da educación secundaria xeral, e adóitase atopar a un nivel que, aínda que se apoia en libros de texto avanzados, inclúe tamén algúns aspectos que implican coñecementos procedentes da vangarda do seu campo de estudo.
CB2. Que os estudantes saiban aplicar os seus coñecementos ao seu traballo ou vocación dunha forma profesional e posúan as competencias que adoitan demostrarse por medio da elaboración e defensa de argumentos e a resolución de problemas dentro da súa área de estudo.
CB3. Que os estudantes teñan a capacidade de reunir e interpretar datos relevantes (normalmente dentro da súa área de estudo) para emitir xuízos que inclúan unha reflexión sobre temas relevantes de índole social, científica ou ética.
CB4. Que os estudantes poidan transmitir información, ideas, problemas e solucións a un público tanto especializado como non especializado.
CB5. Que os estudantes desenvolvesen aquelas habilidades de aprendizaxe necesarias para emprender estudos posteriores cun alto grao de autonomía.
CG1. Adquirir un conxunto de coñecementos teóricos e prácticos en relación co proceso de creación e administración de empresas na era dixital.
CG6. Capacidade de liderado e organización do traballo.

Específicas
CE2. Coñecer e comprender os elementos básicos da dirección de empresas e das súas principais áreas funcionais baixo o marco da ética e a responsabilidade social.
CE3. Analizar, diagnosticar e tomar decisións nas distintas áreas funcionais da xestión de empresas seleccionando e aplicando as ferramentas tecnolóxicas máis apropiadas.
CE11. Deseñar e xestionar a estratexia de recursos humanos, integrando as novas formas de contratación e traballo, e desenvolvendo as habilidades directivas necesarias.

Transversais
CT1. Pensar de forma integrada e crítica, e abordar os problemas desde diferentes perspectivas.
CT4. Organizar e planificar o traballo en función dos obxectivos e recursos dispoñibles.
CT5. Capacidade de resolver problemas e tomar decisións aplicando os coñecementos teóricos á práctica.
CT6. Traballar en equipo, compartindo os coñecementos e sabéndoos comunicar ao resto do equipo e a organización.
CT7. Comunicación oral e escrita adaptada ás necesidades dos destinatarios.

A docencia impartirase de forma semipresencial utilizando como apoio as plataformas corporativas da USC: Moodle (Campus virtual) e MS Teams.
O estudio e aprendizaxe desta materia apoiarase nas seguintes actividades:

a) Estudio autónomo por parte do alumnado dos materiais didácticos correspondentes a cada unidade temática co profesorado poñerá a disposición dos estudantes no Campus Virtual.
b) Realización por parte do alumnado de actividades practicas preferentemente de carácter individual. Neste senso, proporase varios casos prácticos a desenrolar ao longo da materia e que deberán ser entregados nas datas correspondentes dacordo co cronograma establecido. A información e entrega das actividades articularase través do campus Virtual.
c) Participación activa dos estudantes en actividades colaborativas (por exemplo, foros de debate). Esos foros de debate permitirán ao estudantado manifestar os seus puntos de vista e opinions, buscando a interacción e o debate compartido.
d) Sesións presenciais: estas sesións, que se desenrolarán dacordo cos horarios establecidos pola Facultade, impartiranse na aula correspondente e serán retransmitidos de forma síncrona en streaming. O alumnado poderá asistir a estas sesións ben de forma física ou ben conectándose a través de MS Teams. Nestas sesións levarase a cabo unha revision breve dos contidos xerais de cada unidade temática e desenrolaranse outras actividades complementarias ás realizadas de forma individual polos alumnus e orientadas a fomentar a participación e posta en común de todo o grupo.
O traballo autónomo do alumnado será guiado polo profesorado nas horas destinadas a titorías. Estas titorías faranse preferentemente a través da plataforma MSTeams.

A avaliación terá en conta todas as actividades desenvolvidas polo alumnado (realización de actividades prácticas individuais, participación en actividades colaborativas, etc.).
Para os casos de realización fraudulenta de exercicios ou probas será de aplicación o recollido na Normativa de avaliación do rendemento académico do estudantado e de revisión de cualificacións.
Para superar a materia hai dúas oportunidades. O alumnado que non supere a materia na primeira oportunidade terá dereito a unha segunda, que será a que figure no seu expediente académico no caso de que a cualificación conseguida fose superior.
O sistema de avaliación destas dúas oportunidades será o seguinte:
Primeira oportunidade ordinaria.
Contémplase a avaliación continua, combinada cunha proba final.
1. Avaliación continua: realización de actividades prácticas individuais, participación en actividades colaborativas, etc.
Peso na cualificación final: 40%.
As actividades avaliables estarán recollidas no aula virtual así como a súa ponderación.
Nesta parte avaliaranse as seguintes competencias: CB1, CB2, CB3, CB4, CB5, CG1, CG6, CT1, CT4, CT5, CT6, CT7, CE2, CE3, CE11.
2. Exame final de contidos: proba de carácter obrigatorio na que se valorarán os resultados da aprendizaxe, e poderá incluír preguntas de resposta curta, preguntas tipo test, preguntas de razoamento breve, ou casos (reais ou inventados) aos que o alumnado debe dar unha solución, baseándose nos contidos teóricos da materia e/ou nas habilidades/competencias desenvolvidas ao longo do semestre.
Peso na cualificación final: 60%.
Nesta parte avaliaranse as seguintes competencias: CB1, CB5, CG1, CT5, CE2.
A proba final de contidos terá carácter presencial.
En actas constará a nota agregada da avaliación continua e o exame final, coas seguintes excepcións. Se o alumno/a non alcanza a nota mínima no exame (3 sobre 6), a nota que figurará nas actas será a alcanzada nesta proba, non se agregará a avaliación continua. Si o alumno/a non se presenta ao exame final a nota en actas será igual a cero, non se agregará a avaliación continua.
Atendendo ao Regulamento para o desenvolvemento da docencia semiprensencial na Facultade de Administración e Dirección de Empresas (aprobado en Xunta de Facultade con data 13/9/2021) a asistencia ás sesións presenciais será obrigatoria para os alumnos que sigan o réxime semipresencial. Establécese unha porcentaxe de asistencia obrigatoria do 75% das sesións presenciais. No caso que un/unha alumno/a non cumpra co mínimo establecido no apartado anterior, perderá o dereito a avaliación continua. En consecuencia, a súa nota será a acadada no exame final (máximo de 6 puntos), é dicir, non se agregará a súa nota de avaliación continua.
Na segunda oportunidade extraordinaria de recuperación aplicarase o mesmo sistema de avaliación que na primeira oportunidade. É dicir, farase un novo exame final de contidos coa ponderación establecida para a primeira oportunidade, que se sumará coa puntuación alcanzada na avaliación continua.
O alumnado ao que se lle concedeu dispensa de asistencia seguindo a Instrución nº 1/2017 da Secretaría Xeral sobre dispensa de asistencia a clase en determinadas circunstancias, será avaliado cun exame final específico que suporá o 100% da nota. Este exame será presencial.

A materia é de 6 créditos.
As horas de traballo totais distribúense do seguinte modo:
a) Sesións presenciais: 12 horas
b) Titorías en grupos reducidos: 6h
c) Exame presencial: 3h
d) Traballo autónomo do alumnado: 129 horas

Para maximizar a aprendizaxe é recomendable que o alumnado antes de cada sesión presencial, revise os materiais didácticos do tema correspondente de acordo co cronograma da materia.
Por outra banda, é importante que participe activamente en todas as actividades propostas polo profesorado e consulte a bibliografía e outro material recomendado.
As titorías son un recurso útil que o alumnado debería utilizar as veces que fose necesario. O acceso frecuente ao campus virtual e ao correo institucional para informarse de diferentes cuestións que xurdan ao longo do curso.