Programa de Doutoramento en Xestión Sustentable da Terra e do Territorio

Este Programa entra en extinción a partir do curso 2023/2024. Solo poderán matricularse alumnos de continuación.

• Perfil de ingreso

  Sen complementos de formación:

  • Máster en Xestión Sustentable da Terra e do Territorio ofertado pola USC

  • Mestrado em Extensão Rural ofertado pola Universidade Federal de Viçosa(Brasil).

  • Estudantes co título de DEA obtido a través do Programa Enxeñaría para o Desenvolvemento Rural do Departamento de Enxeñaría Agroforestal da USC.

  Outros perfís:

  • No caso doutro tipo de perfís diferentes dos anteriores, a Comisión Académica avaliará de xeito individualizado cada caso. Considerarase a posibilidade de esixir complementos de formación (como máximo ata 15 ECTS).

  • No caso doutros perfís que non realizaran Máster será necesario unha equivalencia de formación en créditos de investigación, iguais polo menos aos do máster que dea acceso directo, que serán 60 ECTS.

• Requisitos

  Acceso

  1. Con carácter xeral, para o acceso a un programa oficial de doutoramento será necesario estar en posesión dos títulos oficiais españois de Grao, ou equivalente, e de Máster universitario, ou equivalente, sempre que se teñan cursado, polo menos, 300 créditos ECTS no conxunto destas dúas ensinanzas.

  2. Así mesmo, poderá acceder quen se atope nalgún dos seguintes supostos:

  a) Estar en posesión dun título universitario oficial español ou doutro país integrante do Espazo Europeo de Educación Superior, que habilite para o acceso ao máster de acordo co establecido no artigo 16 do RD 1393/2007, e superar un mínimo de 300 créditos ECTS no conxunto de estudos universitarios oficiais, dos cales polo menos 60 deberán ser de nivel de máster.

  b) Estar en posesión dun título oficial español de graduado ou graduada, cuxa duración, conforme normas de dereito comunitario, sexa de polo menos 300 créditos ECTS. Ditos titulados deberán cursar con carácter obrigatorio os complementos de formación requiridos polo programa, agás que o plan de estudos do correspondente título de grao inclúa créditos de formación en investigación equivalentes en valor formativo aos créditos en investigación procedentes de estudos de máster.

  c) Os titulados universitarios que, logo da obteren praza en formación na correspondente proba de acceso a prazas de formación sanitaria especializada, superen con avaliación positiva polo menos dous anos de formación dun programa para a obtención do título oficial dalgunha das especialidades en ciencias da saúde.

  d) Estar en posesión dun título obtido conforme sistemas educativos estranxeiros, sen necesidade da súa homologación, logo da comprobación pola Universidade de que este acredita un nivel de formación equivalente á do título oficial español de máster universitario e que faculta no país expedidor do título para o acceso a estudos de doutoramento. Esta admisión non implicará, en ningún caso, a homologación do título previo do cal estea en posesión o interesado nin o seu recoñecemento para outros efectos que o do acceso a ensinos de doutoramento.

  e) Estar en posesión doutro título español de doutor obtido conforme anteriores ordenacións universitarias.

  f) Estar en posesión dun título universitario oficial que obtivera a correspondencia ao nivel 3 do Marco Español de Cualificacións para a Educación Superior, de acordo co procedemento establecido no Real Decreto 967/2014, de 21 de novembro, polo que se establecen os requisitos e o procedemento para a homologación e declaración de equivalencia a titulación e a nivel académico universitario oficial e para a validación de estudos estranxeiros de Educación Superior, e o procedemento para determinar a correspondencia aos niveis do Marco Español de Cualificacións para a Educación Superior dos títulos oficiais de Arquitecto, Enxeñeiro, Licenciado, Arquitecto Técnico, Enxeñeiro Técnico e Diplomado.

  3. Os doutorandos que iniciasen o seu programa de doutoramento conforme anteriores ordenacións universitarias poderán acceder ao ensino de doutoramento, logo da súa admisión de acordo co establecido no Regulamento de estudos de doutoramento da USC. En todo caso deberán reunir os requisitos establecidos con carácter xeral no citado Regulamento para acceder aos estudos de doutoramento.

  4. Poderán acceder aos estudos de doutoramento os licenciados, arquitectos ou enxeñeiros que posúan o diploma de estudos avanzados obtido de acordo co disposto no Real decreto 778/1998, do 30 de abril, ou alcancen a suficiencia investigadora regulada no Real decreto 185/1985, do 23 de xaneiro.

  5. Poderán acceder aos estudos de doutoramento os licenciados, arquitectos ou enxeñeiros que posúan un título de máster oficial conforme o Real decreto 56/2005 ou o Real decreto 1393/2007, modificado polo Real decreto 861/2010, ou teñan superados 60 ECTS de estudos de máster oficial.

  6. Tamén poderán acceder os diplomados, enxeñeiros técnicos ou arquitectos técnicos que acrediten ter 300 créditos ECTS superados no conxunto de estudos universitarios oficiais, dos cales, polo menos 60, deberán ser de nivel de máster.

• Criterios de admisión

  O doutorando presentará unha proposta de investigación á Comisión Académica do Programa de Doutoramento na que se describan os obxectivos,xustificación da adscrición á liña de investigación, metodoloxía, resultados previstos e recursos necesarios para a súa elaboración, así como o seu currículo e expedientes académicos dos títulos aportados. A Comisión Académica valorará a afinidade do candidato e da proposta co perfil do Programa, así como a viabilidade e o interese científico.

  A Comisión Académica do Programa de Doutoramento poderá solicitar ao candidato a documentación complementaria necesaria e valorará aos candidatos, emitindo un informe razoado de afinidade e determinando cales son os candidatos aceptados e rexeitados. Os criterios e valoración dosméritos serán os seguintes:

  • Currículo (ata 10 puntos)

  • Expediente académico persoal (ata 10 puntos)

  • Proposta de investigación (ata 20 puntos)

  No caso de que a Comisión Académica o requira, poderá realizar unha entrevista persoal co candidato, co obxecto de aportar máis información sobre a súa formación previa, ou para determinar as posibles necesidades de formación complementaria.

  Neste proceso seguiranse os procedementos establecidos pola Universidade de Santiago de Compostela para garantir os principios de igualdade de oportunidades e transparencia. A Comisión Académica velará pola atención ás persoas con discapacidade, por proporcionar os medios necesarios e por adaptar os procedementos –particularmente no que se refire á mobilidade ou á comunicación- para que poidan desfrutar de xeito efectivo das mesmas oportunidades.

• Extinción do título

  O programa de doutoramento poderá extinguirse por algunha das seguintes causas:

  • Que non supere o proceso de renovación da acreditación establecido no artigo 10 do RD 99/2011.

  • Que non acredite o cumprimento dos requisitos establecidos pola normativa estatal ou autonómica vixente.

  • Que se formule unha proposta de extinción do programa ao abeiro dos procesos de revisión e mellora do título de acordo co procedemento aprobado pola universidade.

  • Que concorra calquera situación excepcional que impida o correcto desenvolvemento do programa de doutoramento.

  A extinción producirá os seguintes efectos:

  • Comportará a perda do seu carácter oficial e a baixa no RUCT.

  • Non se poderá matricular novo alumnado no programa de doutoramento.

  • En calquera caso todo o alumnado afectado deberá ser informado da extinción e das consecuencias desta no relativo ao desenvolvemento dos seus estudos.

  A Universidade adoptará as medidas necesarias para garantir os dereitos académicos do alumnado que estea cursando os ditos estudos nos termos establecidos na resolución de extinción do plan de estudo, e aprobará o procedemento de extinción dos programas de doutoramento no seo da universidade.

• Xestión de terras

  Profesores	Área

• Sistemas de información xeográfica e ordenación territorial

  Profesores	Área

• Teledetección e lidar

  Profesores	Área

• Ecoloxía da paisaxe

  Profesores	Área

• Gobernanza do risco e sustentabilidade

  Profesores	Área

A importancia da utilizacion sustentable dos recursos naturais por parte da sociedade, e en particular da terra, e o desenvolvemento de instrumentos de xestión eficiente do territorio así como o deseño de estratexias de desenvolvemento territorial que permitan conservar os recursos naturais e as funcións ecosistemáticas, requiren da investigación para avanzar no desenvolvemento de mellores instrumentos, técnicas, teorías e modelos. A formación na investigación é un elemento clave para conducir a vocación investigadora e de avance no coñecemento e desenvolvemento de resultados aplicados por parte dos estudantes que realizaron a súa formación de máster nas distintas disciplinas que estudan o territorio.

É neste ámbito onde a palabra partenariado cobra especial relevancia. Se o desenvolvemento territorial vén condicionado en gran medida pola capacidade dos diferentes axentes e escalas de cooperar e aproveitar as sinerxias existentes, esto convértese nun elemento clave que inspira e xustifica este Programa de Doutoramento. Investigación, innovación pro-activa e acción deben ir da man neste ámbito para que os procesos de reflexión, aprendizaxe e descubremento representen en si mesmos motores de cambio e adaptación territorial. É necesario trascender os programas estancos e "puros" para, a través da hibridación co ámbito de desenvolvemento e a execución, favorecer a súa transdisciplinariedade, o feedback social e económico e a súa permeabilidade. É deste xeito como se poderán bosquexar novos paradigmas de xestión e distribución dos recursos territoriais.

Dado que non existe no ámbito rexional e nacional unha oferta académica e investigadora desta natureza, trátase dunha oferta innovadora a escala europea, e é unha oportunidade para ofertar un programa de posgrao que permita investigar en áreas de coñecemento de vangarda cun enfoque interdisciplinario, así como innovar na busca de solucións aos problemas de xestión da terra como recurso, da planificación dos usos do solo e da xestión territorial a distintas escalas, dende a parcela a grandes rexións como a Unión Europea, así como para atraer investigadores do resto do estado, europeos e do resto do mundo.

• Competencias básicas

  • Comprensión sistemática dun campo de estudo e dominio das habilidades e métodos de investigación relacionados co devandito campo

  • Capacidade de concibir, deseñar ou crear, pór en práctica e adoptar un proceso substancial de investigación ou creación

  • Capacidade para contribuír á ampliación das fronteiras do coñecemento a través dunha investigación orixinal

  • Capacidade de realizar unha análise crítica e de avaliación e síntese de ideas novas e complexas

  • Capacidade de comunicación coa comunidade académica e científica e coa sociedade en xeral acerca dos seus ámbitos de coñecemento nos modos e idiomas de uso habitual na súa comunidade científica internacional

  • Capacidade de fomentar, en contextos académicos e profesionais, o avance científico, tecnolóxico, social, artístico ou cultural dentro dunha sociedade baseada no coñecemento.

• Competencias específicas

  • Capacidade para comprender de forma integrada e sistémica os procesos territoriais
  • Capacidade para combinar as visións social e técnica da utilización dos recursos naturais
  • Capacidade para manexar e analizar información xeográfica incluíndo a capturada por sensores remotos
  • Capacidade para valorar as catro dimensións do concepto terra: ambiental, social, económica e cultural
  • Capacidade de utilizar as tecnoloxías da información xeográfica para a análise territorial
  • Capacidade de desenvolver a actividade investigadora con responsabilidade social e integridade científica

• Outras competencias

  1- Capacidade para comprender de forma integrada e sistémica os procesos territoriais

  2- Capacidade para combinar as visións social e técnica da utilización dos recursos naturais

  3- Capacidade para manexar e analizar información xeográfica incluíndo a capturada por sensores remotos

  4- Capacidade para valorar as catro dimensións do concepto terra: ambiental, social, económica e cultural
  5- Capacidade de utilizar as tecnoloxías da información xeográfica para a análise territorial

  6- Capacidade de desenvolver a actividade investigadora con responsabilidade social e integridade científica

Para dar cobertura a todos os requirimentos da actividade investigadora, ademais dos recursos propios dos centros nos que desenvolven a súa actividade os doutorandos, a USC conta con unidades de carácter centralizado que prestan os seus servizos a departamentos e grupos de investigación entre os que cabe sinalar:

A Biblioteca Universitaria que é unha unidade funcional concibida como un centro de recursos bibliográficos para a docencia, a investigación, o estudo e a aprendizaxe, ofrece servizos como os seguintes:

• Bases de datos reunidas

• Revistas electrónicas

• Sumarios electrónicos

• Servizo de préstamo interbibliotecario

Na súa condición de arquivo histórico, o Arquivo Universitario constitúe unha unidade funcional de apoio á investigación e á docencia. Está constituído por fondos documentais propios ou en depósito.

A Rede de Infraestruturas de Apoio á Investigación e ao Desenvolvemento Tecnolóxico (RIAIDT) é a estrutura organizativa que integra as infraestruturas instrumentais de uso común que prestan servizos de apoio á investigación da USC. O obxectivo da RIAIDT é darlle unha meirande unidade e operatividade aos recursos de apoio á investigación cos que conta a USC.

A Área de Tecnoloxías da Información e a Comunicación (ATIC) da USC ten a misión de deseñar, planificar, xestionar, administrar e asegurar as infraestruturas e servizos baseados en tecnoloxías da información e comunicación (TIC) prestados á comunidade universitaria nos ámbitos da docencia, a investigación e a xestión administrativa.

O respecto á diversidade e o desenvolvemento de políticas activas de incorporación e integración de estudantes con necesidades especiais son dous principios e liñas de actuación recollidos na Memoria de Responsabilidade Social da USC. A tal efecto, o Servizo de Participación e Integración Universitaria encárgase da coordinación, en colaboración cos distintos centros e entidades, e posta en marcha das actuacións necesarias para favorecer a igualdade entre todos os membros da comunidade universitaria.

Outros recursos:

Centro de tecnoloxías para a Aprendizaxe (CeTA)

Redes de aulas de informática

Área de xestión de infraestruturas

Servizo de medios audiovisuais

Servizo de prevención de riscos

Unha descrición máis detallada dos recursos materiais está dispoñible no apartado sete da Memoria do Título