Traballos presentados

Resumo
Aínda que nas últimas décadas avanzouse considerablemente na cuestión da ética animal, esta segue sen resolver e non hai vista de que se resolva nun futuro próximo. Os filósofos activistas polos dereitos dos animais defenden a sintiencia como único requisito para poder ser suxeito de consideración moral. A sintiencia é a capacidade que teñen certos seres vivos de ter experiencias, de sentir emocións e de percibir o seu entorno de maneira subxectiva, e neste traballo defenderei esta idea da sintiencia como criterio de consideración moral. Para iso, primeiro darei unha explicación detallada sobre este termo; no punto seguinte tratarei a cuestión do sufrimento e por que o sufrimento dos seres humanos non é máis relevante que o dos animais non humanos; e para finalizar, expoñerei o tipo de discriminación que perpetúa esta idea de que certas especies son máis merecedoras de consideración que outras, o especismo, e máis concretamente a idea de que os humanos son superiores ao resto de especies, o especismo antropocéntrico.

Dirección
HORTA ALVAREZ, Óscar (Titoría)

Tribunal
GARCIA SOTO, LUIS MODESTO (Presidente/a)
FRANCO BARRERA, ALBERTO JOSE (Secretario/a)
MARTINEZ VIDAL, MARIA DE LA CONCEPCION (Vogal)

Resumo
Byung-Chul Han é un dos filósofos máis famosos dos inicios do século XXI, un autor vivo e aínda en activo de profunda orixinalidade e contemporaneidade. A súa filosofía céntrase principalmente na análese do individuo e a sociedade no contexto da sociedade no actual capitalismo. En este ensaio examinarase o pensamento de Byung-Chul Han vendo se os seus conceptos e análeses mostran e amplían as preocupacións de Karl Marx acerca da explotación e alienación na era neoliberal. Byung-Chul Han, a través da súa exploración da psicopolítica, a sociedade do cansancio e a autoexplotación, ofrece unha visión ampla das novas modalidades de control e dominación que caracterizan o capitalismo do século XXI. Así, mentres que pola súa parte Marx centrouse na explotación de clase e a alienación do traballador, Han destaca o xeito no capitalismo neoliberal asume estas mecánicas, transformando os individuos en autoexplotadores ca ilusión da libertade do individuo. Analizando a evolución do poder dende as técnicas máis disciplinarias cara a manipulación psicolóxica e emocional, veremos con este ensaio se a crítica de Han complementa e moderniza a proposta marxista e se se pode entender esta crítica que fai do capitalismo contemporáneo como marxista ou se non é o caso.

Dirección
POSE VARELA, CARLOS ALBERTO (Titoría)

Tribunal
CONDE SOTO, FRANCISCO (Presidente/a)
RABE , ANA MARIA DE LA CONCEPCION (Secretario/a)
ALLEN-PERKINS AVENDAÑO, DIEGO (Vogal)

Resumo
Este traballo parte da tese de que o amor é o elemento central da Ética de Spinoza. Nel analízase como a procura da felicidade é indisolúbel da investigación acerca do obxecto de amor perfecto e de que xeito este proceso parte da afectividade do individuo, que vai descubrindo dende a súa singularidade, grazas á razón, a comunidade de tódalas cousas e atopa a súa perfección no amor Dei intellectualis. Ademais, mantense que as súas onoloxía, epistemoloxía e ética cobran verdadeiro sentido na medida en que se entenden en relación co amor.

Dirección
VAZQUEZ LOBEIRAS, MARIA XESUS (Titoría)

Tribunal
CONDE SOTO, FRANCISCO (Presidente/a)
RABE , ANA MARIA DE LA CONCEPCION (Secretario/a)
ALLEN-PERKINS AVENDAÑO, DIEGO (Vogal)

Resumo
Este traballo é froito da lectura e o estudo da obra O colar da pomba de Ibn Hazm. En primeira instancia farase un repaso polas circunstancias filosóficas e históricas que deron lugar ó nacemento da filosofía árabe occidental e as particularidades dunha rama diferenciada da mesma, a filosofía andalusí. Posteriormente, se procederá a apuntar os fenómenos que envolven a complexa figura do autor cordobés, o que permitirá botar luz sobre a virtualidade desta obra súa en específico. Seguidamente explicaranse as particularidades do amor udrí, os efectos da súa transmisión no al-Andalus e a coroación literaria do mesmo a través do escrito que aquí nos ocupa. Finalmente, vaise salientar e explicar a metodoloxía seguida por Ibn Hazm para ver realizada a súa principal pretensión: explicar a esencia mesma do amor.

Dirección
AGIS VILLAVERDE, MARCELINO (Titoría)

Tribunal
VAZQUEZ LOBEIRAS, MARIA XESUS (Presidente/a)
ALCALA RODRIGUEZ, FRANCISCO JAVIER (Secretario/a)
BARCIA GONZALEZ, FRANCISCO JAVIER (Vogal)