Ao tempo, as prácticas permiten a adquisición de competencias que lles preparan para o exercicio de actividades profesionais, facilitan a súa empregabilidade e fomentan a súa capacidade de emprendemento.
A superación das prácticas supón o recoñecemento académico de 6 créditos optativos na titulación de Grao en Filosofía, o que equivale a 150 horas de traballo persoal do alumno. Delas 135 corresponderán ao traballo efectivo na entidade colaboradora e 15 á redacción da Memoria final das actividades realizadas durante o período de prácticas. A memoria remitirase ao seu titor para ser obxecto de avaliación.
Son requisitos necesarios:
- Estar matriculado no Grao de Filosofía
- Ser alumno/a de 3.º ou 4.º curso e ter superado 110 créditos de 1.º e 2.º curso.
- Non ter realizado previamente prácticas en empresas ou institucións que se puidesen recoñecer para o Grao en Filosofía
- Non manter no momento da convocatoria relación laboral coa empresa onde se pretenden realizar as prácticas.