Traballos presentados

Resumo
A violencia sexual infantil é unha problemática que afecta a nenos, nenas e adolescentes de todo o mundo, xerando nas menores consecuencias físicas, psicolóxicas e sociais que poden perdurar ao longo de toda a súa vida. Neste contexto, exponse a educación sexual como unha ferramenta esencial para a protección e a prevención deste tipo de violencia, nun contexto onde os menores débense desenvolver de forma integral. O obxectivo principal do estudo é analizar a percepción da comunidade educativa sobre a educación sexual e o seu rol na prevención da violencia sexual infantil desde a perspectiva do Traballo Social educativo, empoderando e protexendo aos menores. Por iso, leva a cabo un proxecto de investigación cualitativa, a través de entrevistas a persoas que forman parte da comunidade educativa, para aproximar o proxecto á realidade actual dos menores. Exponse unha duración de 12 meses para levar a cabo a investigación, para posteriormente ser difundido en revistas e redes sociais.

Dirección
Escobar Árias, Diana Morela (Titoría)

Tribunal
Escobar Árias, Diana Morela (Titor do alumno)

Resumo
O presente traballo ten como obxectivo comprender a realidade actual das Institucións Penitenciarias en España, así como coñecer a relevancia da profesión do Traballo Social no contexto penitenciario; pois, como veremos, a figura do Traballador/a Social é indispensable nun proceso como o é cumplir condea. Pártese dun recorrido ao longo das Institucións Penitenciarias, a súa orixe e evolución, unha aproximación á lexislación e finalmente un aceercamento ao Traballo Social Penitenciario facendo fincapé nas funcións e na relevancia que exerce a profesión neste ámbito. A información aportada pretende situar ao lector ante unha realidade, ás veces ignorada e moitas invisibilizada por tratarse dun dos grupos da poboación que máis difícil ten a reinserción social debido aos prexuízos aos que están expostos. Proponse unha investigación cuantitativa mediante a aplicación dun cuestionario autoadministrado dirixido á poboación reclusa do Centro Penitenciario de Bonxe co fin de coñecer a percepción que as persoas internas posúen sobre as Institucións Penitenciarias, o funcioamento das mesmas e de aqueles aspectos que a concirnen, baixo a óptica do Traballo Social.

Dirección
Murcia Álvarez, Evelia (Titoría)

Tribunal
Murcia Álvarez, Evelia (Titor do alumno)

Resumo
O presente traballo consiste nun modelo de proxecto de investigación cualitativo sobre a importancia da Asistencia Persoal, como ferramenta de mellora na vida diaria das persoas con discapacidade e/o dependencia. Devandito proxecto, pretende analizar as experiencias dos/as profesionais e os/as partícipes do proxecto piloto Rumbo, levado a cabo pola Confederación Galega de Persoas con Discapacidade (COGAMI) na cidade de Lugo, Galicia. Esta iniciativa, consiste na asignación dun/unha Asistente Persoal por persoa participante, nunha vivenda de transacción ou no seumpropio fogar, durante certo período de tempo. Para poder levar a cabo a análise deste proxecto que se tomou como referencia, levaráse a cabo unha serie de procesos de recollida de datos característicos do método cualitativo. Esta proposta de futura investigación, será un gran avance para coñecer a Asistencia Persoal como ferramenta, para mellorar a vida diaria das persoas con discapacidade e/o dependencia.

Dirección
Bascuas Jardón, Xoán Carlos (Titoría)

Tribunal
Bascuas Jardón, Xoán Carlos (Titor do alumno)

Resumo
No seguinte documento, preséntase un proxecto de investigación sobre Traballo Social e os Trastornos da Conducta Alimentaria na cidade de A Coruña co fin de analizar, en primeiro lugar, a percepción existente sobre o Traballo Social neste ámbito e, en segundo lugar, que accións de acompañamento se levan a cabo dende esta disciplina na cidade. Co fin de facilitar a comprensión da temática, ofrécese un marco teórico sobre estes trastornos e o papel da disciplina neste ámbito, ademais dun marco referencial para contextualizar os servizos dispoñibles na cidade da Coruña. A metodoloxía empregada correspóndese cunha investigación cualitativa, que se propón no deseño do proxecto a través de entrevistas semiestructuradas e de grupos focais, tanto a profesionais do Traballo Social como ás persoas usuarias de servizos públicos e privados para o tratamento do seu Trastorno Alimentario. Por último, nos capítulos finais desta investigación preséntase o deseño metodolóxico, o plan de traballo e o plan de difusión dos resultados, respectivamente.

Dirección
Escobar Árias, Diana Morela (Titoría)

Tribunal
Escobar Árias, Diana Morela (Titor do alumno)

Resumo
Este proxecto de investigación trata sobre as medidas de apoio en relación as persoas maiores e como estas recentemente foron modificadas. Céntrase principalmente na curatela levada a cabo pola Fundación Pública Galega para o Apoio ao Exercicio da Capacidade Xurídica (FUNGA), tendo como obxetivo principal coñecer o funcionamento da FUNGA en relación ás persoas usuarias nas residencias de maiores DomusVI Santiago e Fogar Porta Do Camiño situadas en Santiago de Compostela.Neste proxecto seguirase unha metodoloxía cuantitativa, mediante a técnica da entrevista semiestructurada e utilizando o cuestionario para a recollida de datos. Para iso, revisouse a nova normativa e toda aquela documentación de relevancia, exposta no marco teórico.

Dirección
Murcia Álvarez, Evelia (Titoría)

Tribunal
Murcia Álvarez, Evelia (Titor do alumno)