A Escola Universitaria de Traballo Social é un centro adscrito á USC que imparte o título de Grao en Traballo Social. Ten un réxime económico particular e independente das taxas da USC. O Grao capacita para traballar con persoas e grupos, apoiando o seu desenvolvemento, a mellora das súas relacións e a súa calidade de vida, e o labor profesional desenvólvese no sistema público de servizos sociais e de benestar, en entidades do terceiro sector e en empresas privadas vinculadas á acción social.