Proxección do filme 'Il nome della rosa' (1986) de Jean-Jacques Annaud

O próximo día 25 de marzo, CineFilo acollerá a proxección do filme Il nome della rosa (1986) de Jean-Jacques Annaud, que presentará o profesor Santiago Gutiérrez. Será ás 17.00 horas no Salón de Actos da Facultade de Filoloxía.

A comezos do século XIV, nunha remota abadía do norte de Italia cométense unha serie de crimes. Durante a investigación, que levan a cabo Guillerme de Baskerville e o seu discípulo Adso, enfróntanse a razón contra a superstición e o misticismo, o afán de coñecer contra os terrores milenaristas. Il nome della rosa, adaptación da novela homónima de Umberto Eco, converteuse pronto nun clásico do misterio histórico, un xénero que aínda hoxe mantén a súa popularidade.