Vacinas

• A gripe é producida por un virus do xénero dos influenzavirus que afecta sobre todo ás vías respiratorias superiores, ocasionando un cadro clínico con síntomas xerais, benigno e auto limitado, agás en poboacións de risco.
• A principal fonte de infección constitúena os enfermos, e durante os tres primeiros días da enfermidade a posibilidade de contaxio é máxima. O virus é moi sensible aos axentes externos, polo que o mecanismo de transmisión é sempre directo.
• Os factores climáticos (baixa temperatura, humidade) facilitan a transmisión ao favorece-lo amoreamento das persoas. A fácil transmisión do virus explícase pola súa alta concentración nas secrecións orofarínxeas e a baixa dose infecciosa necesaria.
• A época de vacinación é, habitualmente, a principios do outono, e adáptase ao calendario oficial da vacinación.

Indicacións

Recoméndase especialmente nos seguintes grupos de risco:

• persoas que padecen afeccións pulmonares crónicas: bronquite, enfisema, asma, bronquiectasia, tuberculose, fibrose e outras.
• persoas que padecen afeccións cardíacas crónicas: enfermidade cardíaca hipertensiva e valvular e outras.
• persoas que padecen afeccións renais crónicas: nefrite, insuficiencia renal e outras.
• persoas que padecen outras enfermidades crónicas: diabete mellitus, lupus eritematoso, hepatite e outras.
• persoas con terapia inmunosupresora.
• persoas expostas a un risco elevado de contaxio por calquera razón: servizos de asistencia ao público, profesores, sanitarios, outros.
• persoas maiores de 65 anos.

Consentimento informado

Campaña de vacinación da gripe 

Pode obter mais información na instrucion do SERGAS

O tétano é unha enfermidade producida polo Clostridium tetani, que é un bacilo grampositivo e anaerobio. Pode presentarse en forma vexetativa ou esporulada, amplamente distribuídas, en forma de esporas, no lixo, esterco, metais oxidados e material contaminado con feces humanas e animais.

A difteria é unha enfermidade bacteriana aguda localizada con maior frecuencia na rexión orofarínxea. A vacina está incluída no calendario infantil de vacinacións. Na actualidade recoméndase continua-las vacinacións no adulto xuntamente coa vacina antitetánica.

Indicacións

Recoméndase a vacinación antitetánica para toda a poboación (nenos e adultos). É de particular interese en:

• Servizos de xardinaría
• Agricultores
• Todas as persoas que teñan relación co campo ou con animais (profesores, persoal de laboratorio…)

A rubéola, o sarampelo e a parotidite son enfermidades víricas que normalmente se padecen na idade infantil e, polo xeral, das que o individuo adulto está inmunizado; non obstante nalgún caso a persoa non presenta anticorpos fronte a estas enfermidades

Indicacións

• Recoméndase nos adultos non vacinados ou aqueles que a pesar de estar vacinados non desenrolaron anticorpos (inmunidade). No Servizo de Vixilancia da Saúde faise —previamente á vacinación— unha determinación do estado inmunitario da persoa.

A hepatite B é unha enfermidade producida polo virus da hepatite B (VHB) que se transmite pola sangue e por fluídos corporais como o seme e o fluxo vaxinal (polo que está considerada enfermidade de transmisión sexual)

A hepatite B constitúe na actualidade un importante problema de saúde pública a nivel mundial, debido á alta prevalencia da enfermidade nalgunhas zoas e á posibilidade de desenvolvemento de formas crónicas graves. A vacina da hepatite B está indicada en tódalas persoas que teñan o risco de contraer a enfermidade.

Indicacións

A vacina da hepatite B está indicada en tódalas persoas que teñan o risco de contraer a enfermidade.

Como risco laboral na USC considérase que a vacina da hepatite B está indicada para:

• Persoas que traballen en institucións sanitarias expostas a contactos co sangue, e/ou produtos biolóxicos.
• Persoal profesional de laboratorios onde se manexen mostras de produtos biolóxicos.
• Persoal da Escola Infantil.
• Socorristas da piscina.

A hepatite A está producida polo virus da Hepatite A (VBA).

O virus encontrase nas feces das persoas infectadas polo que a forma de contaxio é por contacto directo cos enfermos ou ao inxerir alimentos ou auga contaminados co virus.

Indicacions

Recoméndase, en xeral, a todas aquelas persoas que traballen ou viaxen a areas onde a hepatite A é endémica, persoas que traballan con anciáns etc.

Dende o punto de vista laboral, na USC, está indicada no caso de:

• Traballadores de laboratorios onde poidan estar expostos ao virus da hepatite A.
• Traballadores da Escola Infantil
• Investigadores que traballen con augas residuais ou contaminadas.
• Socorristas da piscina.