Formación de usuarios

Para lograr este obxectivo, a BUSC conta cunha serie de actividades e recursos formativos:

• Sesións de presentación: realizadas ao comezo do curso académico e dirixidas principalmente a alumnos de novo ingreso, para explicar como acceder á biblioteca (horarios, carta de lector...) e os servizos que ofrece (préstamo, lectura en sala, ordenadores...).
• Cursos introdutorios: dirixidos a toda a comunidade universitaria, teñen como obxectivo coñecer a fondo os principais servizos da biblioteca e os instrumentos xerais de busca de información.
• Cursos especializados: dirixidos principalmente a estudantes de segundo e terceiro ciclo. Orientados a formar e informar aos usuarios sobre os recursos de información dispoñibles na BUSC nas diferentes áreas temáticas de docencia e investigación: bases de datos, revistas electrónicas, libros electrónicos, catálogos especiais, recursos accesibles a través de Internet...
• Cursos a demanda: cursos de apoio á docencia e ao aprendizaxe que a biblioteca programa a demanda de grupos específicos de usuarios (grupos de alumnos, profesores etc.). O grupo de usuarios interesados na formación sobre un tema ou área temática concreta, deberán poñerse en contacto coa biblioteca para perfilar os contidos do curso, calendario, infraestrutura tecnolóxica requirida...