Biblioteca de Filoloxía

Coleccións

Os fondos incrementáronse nos derradeiros anos con varias doazóns:

• No ano 2000 a doazón do arquivo e a biblioteca persoais do poetaJosé Ángel Valente (8.669 volumes). A súa escrita é considerada como unha das máis ambiciosas e profundas da literatura española contemporánea. Creouse a Cátedra de Poesía e Estética José Ángel Valente en 1999 e denominada así por desexo do propio escritor tras a doazón da súa biblioteca á Universidade de Santiago de Compostela. Para albergar todo o material doado, designouse un espazo específico no último andar do recinto da Biblioteca de Filoloxía.
• No ano 2006 a familia do profesor Enrique Moreno Báez, doa a Universidade a súa biblioteca (4.088 volumes) que pasan a formar parte da biblioteca de Filoloxía. Libros de variada temática, a maioría editados no século XX e un número máis pequeno do XIX. Romanista e crítico literario español da Xeración do 27, foi catedrático da Universidade de Santiago de Compostela dende 1954 ata a súa xubilación.
• No ano 2008, o fillo do profesor Walter Haug, grazas á mediación do profesor Víctor Millet, doa a biblioteca (4.144 volumes) do catedrático da Universidade de Tübingen e un dos máis importantes estudosos da literatura alemá medieval. Son obras sobre épica, novela, narrativa breve, mística e orientalismo. 
• No ano 2008, a biblioteca do profesor Constantino García (1.579 volumes). Filólogo, fundador do Instituto da Lingua Galega e do Centro Ramón Piñeiro, exerceu moitos anos como profesor na Facultade de Filoloxía, chegando a ocupar a cátedra de Filoloxía Románica ata a súa xubilación. Tamén foi membro da Real Academia Galega.
• No ano 2019, a Biblioteca recibe a doazón do profesor Johann Tischler. Lingüista austríaco, especialista en estudos indoeuropeos e do antigo Próximo Oriente na Universidade de Innsbruck ata a súa xubilación en 2011. Os libros cobren ocos moi importantes sobre indoeuropeo.

As obras que forman parte destes donativos, poden localizarse no catálogo da BUSC sinalando a súa procedencia.

As principais áreas de coñecemento representadas nestes fondos son:

• Filoloxía española.
• Filoloxía francesa.
• Filoloxía galega.
• Filoloxía portuguesa.
• Filoloxía italiana.
• Filoloxía románica.
• Filoloxía alemá.
• Filoloxía inglesa.
• Filoloxía latina.
• Filoloxía grega.
• Lingüística.
• Teoría da literatura.