Biblioteca de Ciencias Económicas e Empresariais

Coleccións

As principais áreas de coñecemento representadas na biblioteca para as titulacións de Economía e Administración e Dirección de Empresas son:  

• Economía aplicada.
• Economía cuantitativa.
• Economía financeira e contabilidade.
• Teoría económica.
• Historia e institucións económicas.
• Dereito mercantil e do traballo.
• Socioloxía e Ciencias políticas.
• Organización de empresas e comercialización.
• Turismo.

Ademais, a Biblioteca conta con: 

• Fondo galego
• Obras de referencia
• Documentos de traballo
• Libros de bibliografía recomendada polo profesorado

As instalacións da biblioteca distribúense en tres andares situados arredor dun patio central.  A colección de monografías localízase no segundo andar e as publicacións periódicas na Hemeroteca, no terceiro andar.

A procedencia destes fondos adoita ser por compra ou subscrición (no caso das publicacións periódicas), pero tamén recibimos fondos do Servizo de Publicacións e Intercambio da USC, así como de doazóns institucionais e/ou persoais.

Se desexa facer unha doazón á esta Biblioteca deberá encher este formulario e achegalo por correo electrónico a biblioteca.ecoade.servizos@usc.es. A biblioteca estudará a oferta e seleccionará os títulos que encaixen na colección.