Práctica Clínica I

Obxectivos da materia
1. Identificar os criterios de saúde.
2. Coñecer a patoloxía médico-cirúrxica máis frecuente nos seus aspectos clínicos e terapéuticos.
3. Saber indicar e interpretar os exames complementarios básicos necesarios para o diagnóstico de ditas patoloxías.
4. Facer unha historia clínica adaptada á idade do paciente.
5. Semioloxía completa por órganos e sistemas nas diferentes idades da vida.
6. Saber valorar as constantes biolóxicas básicas (temperatura, frecuencia cardíaca, auscultación cardíaca, frecuencia respiratoria, auscultación pulmonar, tensión arterial, etc.).
7. Medir parámetros antropométricos e valoralos dentro dos datos de normalidade.
8. Coñecer os fundamentos básicos da medicina preventiva.
9. Coñecer na práctica os principios da asepsia e antisepsia.
10. Coñecer os fundamentos básicos da medicina de urxencia.
11. Coñecer a importancia do traballo en equipo.
12. Saber realizar as manobras básicas de reanimación.
13. Introdución a: curas, punción lumbar, proba da tuberculina, sondaxe vesical, canalización de venas, administración de medicamentos, sondaxe nasogástrica, etc.


Obxectivos específicos
1. Realizar 5 historias clínicas por rotación, supervisadas e asinadas polo titor clínico.
2. Analizar 5 analíticas por rotación e elaborar un comentario clínico de cada unha delas.
3. Analizar 5 ECG por rotación e elaborar un comentario clínico de cada un deles.
4. Analizar 5 probas de imaxe por rotación e elaborar un comentario clínico de cada unha delas.
5. Analizar e comentar 5 guías de terapéutica clínica, supervisadas polo seu titor clínico.
6. Se realiza rotación por un Servizo cirúrxico ou médico-cirúrxico, asistir e describir algunha intervención cirúrxica, preferentemente de cirurxía menor: anestesia, abordaxe realizado, tecnoloxía empregada, técnicas de sutura, drenaxes, redución de fractura, colocación de xesos, implantación de dispositivos, etc.
7. Realizar 2 gardas de presenza física, acordadas co seu titor clínico.
8. Asistir a 3 sesións científicas e acreditalo.

Os correspondentes ás diferentes especialidades médico-cirúrxicas. Presentarase especial interese a:
a) Realización de historias clínicas.
b) Coñecemento das principais probas complementarias de diagnóstico tanto xerais como específicas.
c) Coñecer e interpretar as constantes biolóxicas elementais.

Textos: Farreras, Cecil y Harrison
Guías de Practicas Clínicas

Adquirir as habilidades que marcan os obxectivos xerais

Os alumnos integrásense nos diferentes servizos hospitalarios participando na medida dos seus coñecementos e competencias nas diferentes actividades dos mesmos, tanto asistenciais como formativas

Avaliación continua dos coñecementos e das aptitudes do estudante polo titor responsable. O titor cualificará ao alumno como apto (6:00) ou non apto.
O alumno debe entregar o portafolio (un por cada rotación) o día do exame, sendo esta condición indispensable para poder presentarse ó mesmo xunto co criterio de APTO, outorgado polo titor clínico.
O exame final consistirá nunha proba obxectiva tipo test de 5 opcións cunha única resposta verdadeira, sendo necesario obter unha puntuación superior ao 60% do total de preguntas para superar a proba. As preguntas estarán baseadas en supostos prácticos e cun marcado carácter transversal, avaliarase a adquisición de competencias xerais e específicas de cada unha das prácticas clínicas. As preguntas poden incluír imaxes, analíticas ou outras probas diagnósticas.
Para poder superar a materia é necesario superar o exame. A cualificación final será o resultado de sumar a cualificación do titor (6:00) a do exame que suporá o 40% da nota final.




Para os casos de realización fraudulenta de exercicios ou probas será de aplicación o recolleito na Normativa de avaliación do rendemento académico dos estudantes e de revisión de cualificacións.

O desenvolvemento da materia realizarase no horario hospitalario de 8 a 15 horas de luns a venres. Así mesmo incluiranse as 2 gardas obrigatorias.
O alumno construirá un portafolio por cada rotación, cumprimentando todos os apartados do mesmo que sexan aplicables.

• Adquisición regular das habilidades durante os períodos de rotación polas diferentes áreas docentes.
• Labor individual dos alumnos e seguimento mediante as tutorías implantadas polos Departamentos.
• En caso de dificultades, poderase solicitar un seguimento máis individualizado polo titor ou algún dos profesores da disciplina