Traballo Fin de Grao

Manexo axeitado de fontes bibliográficas. Planificación dos tempos dun proxecto de traballo. Exposición correcta do traballo efectuado. Redacción correcta dos documentos e traballos. Análise profundo dun tema relacionado coa titulación.

Planificación, realización e defensa dun traballo no que se apliquen e desenvolvan os coñecementos e competencias adquiridas no Grao.

BÁSICAS E XERAIS

Localizar, analizar, sintetizar e xestionar diferentes fontes e tipos de información.
Planificar, organizar e tomar decisións no desenvolvemento de actividades e procesos diversos.
Aplicar o razoamento crítico no estudo e análise dun determinado asunto ou tema.
Expoñer e defender de xeito adecuado (oralmente e/ou por escrito), asuntos ou temas de carácter xeral ou relacionados coa súa especialidade.

ESPECÍFICAS
Comprender, relacionar e traballar con datos e normativa diversa necesarios para apoiar, asesorar e realizar o seguimento da posta en práctica de estratexias territoriais de promoción socioeconómica e inserción laboral.

Elaboración dun traballo orixinal tutelado por un profesor/a.

O procedemento é o seguinte:

1º.- Os estudantes disporán de dúas modalidades de avaliación:
a) Avaliación polo titor/a do traballo.
b) Avaliación por un tribunal

2º.- O sistema de avaliación ordinaria será a modalidade a). A modalidade b) deberá ser solicitada expresamente polo alumnado.

3º.- A avaliación en ambas modalidades deberá cumprir os seguintes requisitos:

a) Deberá ser unha convocatoria de defensa pública do TFG, na que se indique día e hora, lugar e relación dos TFG que van ser defendidos baixo esta modalidade.
b) A defensa do TFG realizarase de xeito presencial. Non obstante, para casos excepcionais debidamente autorizados pola Comisión do TFG, poderá realizarse a defensa a través de medios telemáticos, coas garantías que se determinen na autorización.
c) Para a defensa do TFG o alumnado disporá dun máximo de quince minutos e poderá empregar os medios técnicos que considere oportunos. Logo, o titor ou titora efectuará as preguntas que entenda precisas, e o alumnado disporá do tempo necesario para contestalas.
d) A cualificación máxima no caso de avaliación polo titor/a que poderá obterse por este procedemento é 7,5 (Notable).

4º.- A avaliación por parte dun tribunal farase consonte o establecido nos Artigos 6 e 9 do Regulamento de matrícula, elaboración e defensa dos Traballos Fin de Grao e Fin de Máster na Universidade de Santiago de Compostela.
No caso da modalidade de avaliación por tribunal, a cualificación final establecerase do seguinte xeito: 70% da nota corresponderá á cualificación do tribunal, e o 30%, ao informe do seu titor ou titora. Dito informe será confidencial e razoado a través dun sistema de rúbricas.

5º.- Para superar a materia o alumnado deberá seguir o cronograma para a elaboración do TFG dispoñible no seguinte dirección: https://www.usc.gal/gl/centro/facultade-relacions-laborais/tfg
ou seguir as inidicacións específicas de cada titor/a

Elaboración e redacción do Traballo Fin de Grao: 150 horas.

Son potenciais titores/as desta materia tódolos docentes pertencentes ás áreas que imparten docencia no grao

Praxio e uso indebido das tecnoloxías: a realización fraudulenta e calquera exercicio, informe, etc. de xeito total ou parcial, que poida ser obxecto de avaliación para a materia implicará a calificación de suspenso na convocatoria vixente dacordo co artigo 16 recollido na "Normativa de avaliación do rendemento académico dos estudantes e de revisión de cualificacións"