Na Facultade de Relacións Laborais impártese o Grao en Relacións Laborais e Recursos Humanos, o Dobre Grao en Dereito e Relacións Laborais e Recursos Humanos (en colaboración coa Facultade de Dereito), o Máster Interuniversitario en Xestión e Dirección Laboral (coas Universidades de Vigo e A Coruña), o Máster en Psicoloxía do Traballo e as Organizacións e Psicoloxía Xurídica-Forense e o Programa de Doutoramento Interuniversitario en Relacións Laborais e Recursos Humanos (coas Universidades da Coruña, Oviedo e Zaragoza). Dado o seu carácter interdisciplinar na docencia do Centro participa profesorado de 12 departamentos diferentes.