O marco regulador do Espazo Europeo de Educación Superior esixiu a implantación de sistemas de garantía da calidade nos procesos de ensinanza e aprendizaxe nos tres ciclos nos que se estrutura: grao, mestrado e doutoramento.
Estes sistemas están desenvolvidos na USC a través dun modelo institucional de garantía interna de calidade que serve de referencia aos sistemas de garantía da calidade dos centros (Facultades, Escolas Superiores, Escola de Doutoramento Internacional e Centro de Estudos Propios). Estes sistemas de centros serven de soporte aos procesos de garantía externa que se derivan da verificación, modificación, seguimento e acreditación de titulacións e da acreditación institucional de centros.
O sistema de garantía da calidade da docencia implica a medición da satisfacción dos grupos de interese, a definición e mantemento dun conxunto de indicadores e informes de calidade, o fomento das boas prácticas dos centros e a avaliación do desempeño docente do profesorado, actividades para as que se dispón de procedementos e programas específicos.
A USC fomenta que as súas titulacións e centros acaden certificacións de calidade de carácter profesional e dimensión internacional