Máster Universitario en Visión por Computador (Computer Vision)

Obrigatorias: 48
Optativas: 9
Prácticas externas 3
Traballo fin de máster: 30
Total: 90

Non se contemplan

O máster aborda a necesidade de formar expertos nun campo que se está facendo fundamental para manter o impulso innovador na automatización de tarefas visuais cognitivas. O plan de formación está dirixido tanto a estudantes como a profesionais que busquen unha especialización de Visión por Computador orientada ao mercado de traballo, así como a aqueles moi motivados pola investigación, que precisan un máster neste campo antes do inicio dunha tese doutoral. En resumo, o perfil do alumando ao que vai dirixido o máster pódese resumir nos seguintes puntos:

1. Emprendedores que buscan formación para crear as súas propias empresas no campo.
2. Profesionais que traballan en empresas tecnolóxicas e buscan unha actualización da súa formación.
3. Estudantes que remataron os seus estudos universitarios en Matemáticas, Física, Informática, calquera outrao grao en Enxeñaría ou Ciencias, ou que teñan un título relacionado con estes, e buscan unha maior especialización antes de incorporarse ao mercado de traballo;
4. Os estudantes pre-doutorais que van facer a súa tese no campo da visión por computador.

• Perfil de ingreso

  O perfil de ingreso recomendado é:
  - Formación matemática equivalente como mínimo a un grao en enxeñaría.
  - Coñecementos de programación en linguaxes tipo C/C++ ou Java, ou de prototipado tipo Matlab ou Python.
  - Coñecementos de inglés para a comprensión, escritura e fala, mínimo ao equivalente do nivel B2 do marco europeo de referencia para linguas do Consello de Europa.

• Número mínimo de créditos ECTS de matrícula por estudante e período lectivo

  Obrigatorias: 48
  Optativas: 9
  Prácticas externas 3
  Traballo fin de máster: 30
  Total: 90

• Acción titorial e acollida

  O sistema de apoio e orientación dos estudantes comprende as seguintes actividades e servizos, tanto os proporcionados polas universidades a nivel xeral, como os específicos do mestrado:

  - Xornada de presentación do máster, por parte dos coordinadores de todas as universidades, que terá lugar o primeiro día lectivo. Nesta xornada presentaranse os obxectivos do mestrado, a súa organización académica, competencias a adquirir e programación de actividades docentes.

  - Información sobre os centros, a través das webs institucionais e de guías específicas de información pormenorizada sobre os centros (biblioteca, aulas de docencia, aulas de informática, departamentos, profesorado, etc.). Como xa se fai nas titulaciones actualmente en activo, ofrecerase así mesmo información sobre o plan de estudos do Máster en Visión por Computador (estrutura, materias, Traballo Fin de Máster, recoñecemento de créditos, etc.), a normativa académica pertinente (regulamento interno, Xunta de Centro e comisións, reclamaciones, cambios de grupo, uso de instalacións, etc.), organización docente do curso (horarios, calendario de exames, grupos, etc.), así como programas docentes detallados de todas as materias.

  - Listas de distribución de estudantes a través das cales se fai chegar información administrativa puntual sobre determinados procesos.

  - Delegación do alumnado.

  - Programa de titorías académicas: asignarase a cada estudante un titor académico que lle proporcionará asistencia ao longo do curso. Este apoio será máis intenso no caso daqueles estudantes provenientes de programas de mobilidade (Erasmus, Erasmus Mundus External Cooperation Window, convenios bilaterais).

  - Servizo de atención a estudantes con necesidades educativas específicas.

  - Servizo de orientación laboral.

  Cada estudante recibirá información, a través do correo electrónico, sobre todos estes aspectos; ademais de terá os datos de contacto dos responsábeis do título. Disporase de listas de distribución específicas do alumnado de novo ingreso para difundir información do seu interese que xurda ao longo do curso.

  Todos os centros contan cunha delegación de alumnado cuxo obxectivo é a representación dos intereses dos estudantes nos diferentes órganos de goberno a nivel de centro e de universidade, e é considerada polos protocolos dos Sistemas de Garantía de Calidade de cada centro nos termos do órgano canalizador de suxestións e reclamacións e servirá de enlace entre o alumnado e a comisión académica.

  Con carácter xeral as universidades dispoñen dos servizos de orientación que se relacionan a continuación, e que asisten ao alumnado durante a súa estancia na universidade.

  A Oficina de información Universitaria (OIU) é o servizo que a USC pon a disposición da comunidade universitaria e das persoas alleas á mesma, coa finalidade de canalizar e dar resposta ás demandas informativas sobre a súa organización, funcionamento e actividades.

  Con carácter xeral, informa sobre trámites e xestións dos procedementos académicos e de extensión universitaria e colabora na súa difusión, tanto no contorno máis inmediato como organizando ou participando en feiras e eventos de carácter educativo. É un servizo transversal que depende orgánicamente da xerencia e funcionalmente do Vicerrectorado de Comunicación e Coordinación.

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Acceso

  Acceso

  Para acceder aos ensinos oficiais de Máster será necesario estar en posesión de:
  A.1. Un título universitario oficial español.
  A.2. Un título expedido por unha institución de educación superior pertencente a outro Estado integrante do Espazo Europeo de Educación Superior que faculte no mesmo para o acceso a ensinos de Máster.
  A.3. Un título pertencente a un sistema educativo alleo ao Espazo Europeo de Educación, previa comprobación pola Universidade de que o citado título acredita un nivel de formación equivalente aos correspondentes títulos universitarios oficiais españois e faculta no país expedidor do título para o acceso a ensinos de posgrao.
  A.4. Un título superior das Ensinanzas Artísticas Superiores do sistema educativo español.

  Admisión

  Modalidade: criterios específicos

  Titulacións de acceso:

  Titulacións da rama de ciencias, enxeñaría e enxeñarías técnicas

  CRITERIOS DE SELECCIÓN:

  A priorización dos candidatos basearase nos seguintes aspectos:

  1º) Adecuación de expediente académico e curriculum vitae ao perfil académico esperado.
  2º) Acreditación de nivel de inglés mínimo B1.
  3º) Expediente académico.
  4º) Experiencia laboral no ámbito da visión por computador (preferentemente) e das TIC en xeral.
  5º) Outros méritos relacionados co ámbito da visión por computador (preferentemente) e das TIC en xeral.

  Os dous primeiros criterios son excluíntes, de modo que os candidatos para os que se estabeleza a non adecuación en conxunto de expediente académico e curriculum vitae, ou non acrediten nivel mínimo de inglés, quedarán excluídos. Para o resto, o expediente académico terá un peso do 80% do total, a experiencia laboral terá un peso do 15% e outros méritos o 5%.

  Información actualizada en cada convocatoria de matrícula

A visión por computador ten un carácter eminentemente multidisciplinar e de alto potencial científico e tecnolóxico. O seu carácter multidisciplinar baséase en que (i) moitos dos seus resultados inspíranse e retroalimentan resultados en neurociencia, (ii) a complexidade dos problemas tanto desde o punto de vista xeométrico como estatístico e probabilístico demandan unha boa formación en matemáticas, (iii) a dimensión fotométrica das imaxes, a resolución de problemas mal condicionados, análise multiespectral, ou as fontes de ruído en imaxes, son campo para a física, (iv) as tecnoloxía para cámaras, comunicacións, e hardware proveñen de diversas enxeñarías, (v) e os modelos computacionais que se requiren para o procesamento e a aprendizaxe a partir de grandes cantidades de datos, permiten desenvolver novos paradigmas dentro da computación. Por outra banda, o seu alto potencial tecnolóxico é evidente polo feito de ser unha disciplina que permite unha rápida aplicabilidade de todos os seus resultados teóricos o que a converte nunha enxeñaría transversal que pode integrarse en múltiples sistemas de diversa aplicación.

Así pois, estamos fronte a un sector tecnolóxico que require un alto grao de formación dos seus profesionais e cuxo interese científico avanza a grande velocidade. O interese a nivel académico dáse en dúas frontes, por unha banda hai estudantes que acaban de finalizar os seus estudos de grao e pretenden unha maior especialización antes de incorporarse ao mercado laboral. Por outra banda, existen múltiples grupos de investigación dedicados á visión por computador que requiren dun mestrado neste campo que permita formar estudantes que pretender facer unha tese doutoral.

• Competencias básicas

  - Posuír e comprender coñecementos que acheguen unha base ou oportunidade de ser orixinais no desenvolvemento e/ou aplicación de ideas, a miúdo nun contexto de investigación
  - Que os estudantes saiban aplicar os coñecementos adquiridos e a súa capacidade de resolución de problemas en contornos novos ou pouco coñecidos dentro de contextos máis amplos (ou multidisciplinares) relacionados coa súa área de estudo
  - Que os estudantes sexan capaces de integrar coñecementos e enfrontarse á complexidade de formularen xuízos a partir dunha información que, sendo incompleta ou limitada, inclúa reflexións sobre as responsabilidades sociais e éticas vinculadas á aplicación dos seus coñecementos e xuízos
  - Que os estudantes saiban comunicar as súas conclusións e os coñecementos e razóns últimas que as sustentan a públicos especializados e non especializados dun modo claro e sen ambigüedades
  - Que os estudantes posúan as habilidades de aprendizaxe que lles permitan continuar estudando dun modo que haberá de ser en gran medida autodirigido ou autónomo.

• Competencias xerais

  - Capacidade de análise e síntese de coñecementos.
  - Capacidade para analizar as necesidades dunha empresa no ámbito da visión por computador e determinar a mellor solución tecnolóxica.
  - Capacidade para desenvolver sistemas de visión por computador dependendo das necesidades existentes e aplicar as ferramentas tecnolóxicas máis adecuadas
  - Capacidade de análise crítica e de avaliación rigorosa de tecnoloxías e metodoloxía
  - Capacidade para identificar problemas sen resolver e achegar solucións innovadoras
  - Capacidade para identificar resultados teóricos ou novas tecnoloxías con potencial innovador e convertelos en produtos e servizos de utilidade para a sociedade
  - Capacidade de aprendizaxe autónoma para a especialización nun ou máis campos de estudo

• Competencias específicas

  - Coñecer e aplicar os conceptos, metodoloxías e tecnoloxías de procesado de imaxe
  - Coñecer e aplicar técnicas de aprendizaxe automática e recoñecemento de patróns aplicadas a visión por computador
  - Coñecer e aplicar os conceptos, metodoloxías e tecnoloxías de análises de imaxe e vídeo
  - Concibir, desenvolver e avaliar sistemas complexos de visión por computador
  - Analizar e aplicar métodos do estado da técnica en visión por computador
  - Coñecer e aplicar os fundamentos dos sistemas de adquisición de imaxe e de visión artificial
  - Coñecer e aplicar os fundamentos da adquisición de imaxe médica e o seu procesamento e análise
  - Comunicar e espallar os resultados e conclusións da investigación
  - Coñecer e aplicar os conceptos, metodoloxías e tecnoloxías para o recoñecemento de patróns visuais en escenas reais

• Competencias transversais

  - Exercer a profesión con conciencia clara da súa dimensión humana, económica, legal e ética e cun claro compromiso de calidade e mellora continua
  - Capacidade de traballo en equipo, organización e planificación
  - Desenvolvemento do espírito innovador e emprendedor
  - Capacidade para comprender o significado e aplicación da perspectiva de xénero nos distintos ámbitos de coñecemento e na práctica profesional co obxectivo de alcanzar unha sociedade máis xusta e igualitaria
  - Incorporar no exercicio profesional criterios de sustentabilidade e compromiso ambiental. Adquirir habilidades no uso equitativo, responsábel e eficiente dos recursos

Mobilidade

Impulsarase a sinatura de convenios con empresas e centros tecnolóxicos para a realización de Traballos de Fin de Máster co-titorizados por empresa e universidade. O obxectivo é facer unha oferta o máis ampla posible de TFM con esta orientación profesional e innovadora. Varias empresas e institucións xa colaboraron na definición deste plan de estudos e manifestado o seu interese en ofertar proxectos para TFM.

Tamén se ofertarán propostas para TFM e Prácticas Externas para seren realizadas en Centros de Investigación (CITIUS, CTIC, atlanTTIC, INESC TEC), aos que están adscritos moitos dos docentes dos departamentos que impulsan o mestrado. Estes TFM terán unha maior orientación investigadora.

A ETSE-USC, a FIC-UDC, a EET-Uvigo, e a FEUP-Ou.Porto contan cun grande número de convenios de prácticas externas con empresas e centros de investigación que permiten garantir unha oferta suficiente de prácticas para a demanda dos estudantes deste título de máster. Os convenios son aprobados polo consello de goberno das respectivas universidades e o seu seguimiento corresponde á comisión académica de cada título. Os estudantes no primeiro ano de matrícula, tanto a tempo completo como a tempo parcial, non poderán realizar as prácticas até o segundo cuadrimestre. En anos sucesivos, os estudantes poderán realizalas en calquera dos cuadrimestres. Ademais, a comisión académica do mestrado definirá normativas para a adxudicación das prácticas, o seu seguimiento, o informe final dos titores externos, e elaboración da memoria de prácticas, atendendo ás normativas vixentes en cada Universidade.

Se promoverá que as prácticas externas sirvan como adaptación do alumnado ao novo contorno de traballo, e como preámbulo para a realización do TFM, que por esixencias da normativa portuguesa debe ter unha carga mínima de 30 ECTS

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

Prácticas

As prácticas externas deben proporcionar ao estudante un contacto directo coa realidade laboral. Aínda que os créditos son limitados, procurarase que os estudantes se integren en proxectos en marcha, non só para aprender os fluxos e dinámicas de traballo en equipo no ámbito da visión por computador, senón tamén tratar de achegar nalgún lugar do proxecto os coñecementos adquiridos no mestrado até a data

As prácticas consensuaranse coas empresas e cos centros de investigación ofertantes (que teñan asinado un convenio de colaboración), de tal xeito que se cumpra o requisito de os proxectos en que se integren axudaren a completar a súa formación nalgunhas das materias obrigatorias ou optativas cursadas e que lles permitan ter un contacto directo coa realidade do mercado.

O Traballo Fin de Máster é un exercicio orixinal que debe ser realizado individualmente e que consiste nun proxecto integral de natureza investigadora ou de aplicación innovadora que sintetice as competencias adquiridas no mestrado. Para a sua superación será defendido perante un tribunal formado por profesorado do título. Cada estudante terá polo menos un profesor ou unha profesora para a función de titorización durante o proceso e que velará pola calidade do traballo. A oferta de Traballos Fin de Máster realizarase ao comezo de cada curso académico. A oferta poderá incluír traballos ofertados por empresas e centros de investigación colaboradores, e traballos ofertados por profesores de departamentos con docencia no mestrado. A oferta de Traballos Fin de Máster debe ser suficiente para todos os estudantes matriculados da materia.

O equipo docente, cuxos membros pertencen a centros singulares de investigación  (CiTIUS, CITIC, AtlanTTIC e INESC TEC) das catro universidades, desenvolve actividades releantes en docencia, investigación e transferencia de coñecemento en varias áreas da visión por computador e da intelixencia artificial. Dentro da súa especialidade cabe destacar: segmentación, clasificación e seguimento de obxectos; inspección e monitorización de procesos industriais; visión robótica; cámaras intelixentes; análise de imaxe médica; verificación biométrica; apoio á condución; fotogrametría con UAVs; recoñecemento de xestos e condutas en vídeos; análise de documentos; interfaces persoa-máquina, ou realidade virtual e aumentada.