Máster Universitario en Sistemas Aéreos non Tripulados

Condicións de terminación:

Obrigatorias: 24
Optativas: 19
Prácticas externas OB 9
Traballo fin de máster: 9
Total: 60

O novo mestrado non contempla especialidades, con todo, o plan de estudos foi deseñado co obxectivo de construír un currículum ben definido e reconocible en términos de perfil profesional. A optatividade oferta materias para a intensificación dos coñecementos do alumnado en temáticas relacionadas coa enxeñaría de sistemas aéreos non tripulados e coas aplicacións dos sistemas aéreos non tripulados.

Este máster contempla a realización dun total de 60 créditos ECTS, dos cales 24 ECTS son de carácter obrigatorio e 18 ECTS de carácter optativo. Parte das materias serán impartidas desde Lugo (USC) e estarán orientadas cara ás aplicación, e outra parte serán impartidas desde Ourense (UVigo) e estarán orientadas cara á enxeñería de sistemas. Os contidos teóricos pódense seguir presencialmente ou mediante videoconferencia. Realizarase ademais 9 ECTS de Prácticas Externas obrigatorias e un Traballo Fin de Máster de 9 ECTS.

A estrutura do Máster está deseñada para que poida ser compatible coa actividade profesional. 

• 24 créditos ECTS obrigatorios comúns, planificado para o primeiro cuadrimestre e que impartirán as materias:
  • Fundamentos de sistemas aéreos non tripulados (Lugo/Oviedo)
  • Operacións, lexislación e certificación (Lugo)
  • Aerodinámica, mecánica de voo e propulsión (Ourense)
  • Sistemas de observación (Ourense)
• 18 créditos de materias de optativas a elixir tres de entre as seguintes materias, planificadas para o segundo cuadrimestre:
  • Métodos de análises de datos (Lugo)
  • Aplicacións no ámbito agroforestal e ambiental (Lugo)
  • Aplicacións en enxeñería e arquitectura (Lugo)
  • Sistemas de control (Ourense)
  • Sistemas de navegación e comunicación (Ourense)
  • Desenvolvemento de software crítico (Ourense)

• Perfil de ingreso

  Titulados e tituladas universitarios en disciplinas científicas ou tecnolóxicas que desexen orientar a súa carreira profesional cara a empresas ou administracións públicas con interese nos sistemas aéreos non tripulados. Os ámbitos de interese deste colectivo poderán dirixirse á operación e á enxeñaría de sistemas.

• Número mínimo de créditos ECTS de matrícula por estudante e período lectivo

  Condicións de terminación:

  Obrigatorias: 24
  Optativas: 19
  Prácticas externas OB 9
  Traballo fin de máster: 9
  Total: 60

• Acción titorial e acollida

  O Plan de Acción titorial da Escola de Enxeñaría Aeronáutica e do Espazo da Universidade de Vigo recolle un conxunto de actuacións destinadas a favorecer a integración do alumnado na vida universitaria e atender ás súas necesidades formativas e informativas. Supón superar o modelo tradicional de ensino universitario só preocupado pola transmisión de coñecementos, e apostar por un modelo en que conflúen tamén funcións socio-educativas, baseadas en relacións recíprocas e interaccións titor/a-alumno/a, etc.; apóstase, en definitiva, polo trato máis personalizado, ademais do académico.

  Preténdese ir consolidando unha liña de acción titorial coherente coas necesidades do alumnado, que normalice as distintas accións e alcance un adecuado equilibrio entre as expectativas das alumnas e alumnos e os obxectivos que se expoñen no marco do Espazo Europeo de Educación Superior.

  O Plan de Acción Titorial ten como obxecto a garantía, adecuación dos métodos de ensino, aprendizaxe e avaliación, adquisición de competencias do alumnado, atención á diversidade, orientación á aprendizaxe, e procura dunha igualdade de xénero, recollidos tanto nas memorias dos títulos como no sistema de garantía de calidade do centro.

  A USC e a Uvigo realizan, ao comezo de cada curso académico, xornadas de acollida organizadas polos Vicerrectorados con competencias en asuntos estudiantís en todos os centros universitarios. Estas xornadas teñen por obxecto presentar aos novos estudantes as posibilidades, recursos e servizos que lles ofrece a Universidade. Os departamentos implicados neste mestrado, pola súa banda, recibirán nunha xornada de acollida aos novos estudantes o primeiro día de clase. Nela ofréceselles unha presentación do equipo docente, as aulas, a biblioteca, os servizos administrativos e a organización académica do centro.

• Acceso

  Acceso

  Poderán acceder ás ensinanzas oficiais de máster:

  1. As persoas que estean en posesión dun título universitario oficial español.
  2. Aquelas que teñan un título expedido por unha institucion de educación superior do EEES que faculta no país expedidor do título para o acceso a ensinanzas de máster.
  3. Os titulados conforme a sistemas educativos alleos ao EEES sen necesidade de homologación dos seus títulos, previa comprobación pola Universidade de que os ditos títulos acreditan un nivel de formación equivalente aos correspondentes títulos universitarios españois e que facultan no país expedidor do título para o acceso a ensinanzas de posgrao.

  Admisión

  Modalidade: criterios específicos

  Titulacións de acceso por orde de preferencia:

  Titulacións preferentes:

  - Grao en Enxeñaría Aeroespacial.
  - Grao en Enxeñaría Agraria.
  - Grao en Enxeñaría Agrícola y Agroalimentaria.
  - Grao en Enxeñaría Civil.
  - Grao en Enxeñaría da Enerxía.
  - Grao en Enxeñaría dos Recursos Mineiros e Enerxéticos.
  - Grao en Enxeñaría Eléctrica.
  - Grao en Enxeñaría en Electrónica Industrial e Automática.
  - Grao en Enxeñaría en Tecnoloxías de Telecomunicación.
  - Grao en Enxeñaría en Tecnoloxías Industriais.
  - Grao en Enxeñaría Forestal.
  - Grao en Enxeñaría Forestal e do Medio natural.
  - Grao en Enxeñaría Mecánica.
  - Grao en Enxeñaría Xeomática e Topografía.
  - Grao en Robótica.
  - Grao en Piloto de Transporte de Liña Aérea.

  Titulacións non preferentes:

  Resto de titulacións das ramas de Ciencias e de Enxeñaría e Arquitectura.

  Os alumnos procedentes de países de lingua diferente ao galego, portugués ou español deberán acreditar o nivel de lingua galega: Celga II, ou española: B1, consonte o Acordo do Consello de Goberno da USC do 28 de febreiro de 2019.

  De non posuíren algún dos títulos, a USC realizaralles unha proba de nivel e, de non superala, deberán asistir a un curso intensivo de galego ou español no primeiro semestre até acadaren o nivel requirido.

  CRITERIOS DE SELECCIÓN:

  Expediente académico: máx. 80%
  Experiencia acreditada no sector: 20%
  A puntuación obtida no anterior baremo ponderarase cos seguintes factores:
  -Factor “1”: Estudantes que procedan de titulacións incluídas no perfil de ingreso recomendado.
  -Factor “0.5”: Estudantes que non procedan de titulacións incluídas no perfil de ingreso recomendado.

  Información actualizada en cada convocatoria de matrícula

O Máster en Sistemas Aéreos non Tripulados é un título de alta especialización para estudantes universitarios con dúas vertentes, unha centrada no desenvolvemento de sistemas aéreos non tripulados que liderará a Universidade de Vigo e outra centrada na operación de sistemas aéreos non tripulados que liderará a Universidade de Santiago de Compostela. É unha proposta única no Sistemas Galego de Universidades; non existen títulos similares en todo o noroeste peninsular, o que amplía o seu mercado potencial de alumnado a rexións como Asturias, Castela e León ou o Norte de Portugal. Os Sistemas aéreos non tripulados son tamén coñecidos como drons.

• Competencias básicas

  - Posuír e comprender coñecementos que acheguen unha base ou oportunidade de ser orixinais no desenvolvemento e/ou aplicación de ideas, a miúdo nun contexto de investigación
  - Que os estudantes saiban aplicar os coñecementos adquiridos e a súa capacidade de resolución de problemas en contornos novos ou pouco coñecidos dentro de contextos máis amplos (ou multidisciplinares) relacionados coa súa área de estudo
  - Que os estudantes sexan capaces de integrar coñecementos e enfrontarse á complexidade de formular xuízos a partir dunha información que, sendo incompleta ou limitada, inclúa reflexións sobre as responsabilidades sociais e éticas vinculadas á aplicación dos seus coñecementos e xuízos
  - Que os estudantes saiban comunicar as súas conclusións e os coñecementos e razóns últimas que as sustentan a públicos especializados e non especializados dun modo claro e sen ambigüidades
  - Que os estudantes posúan as habilidades de aprendizaxe que lles permitan continuar estudando dun modo que haberá de ser en grande medida autodirixido ou autónomo.

• Competencias xerais

  - Que os estudantes adquiran coñecementos xerais en enxeñaría e operación dos sistemas aéreos non tripulados.
  - Que os estudantes adquiran a capacidade para analizar as necesidades dunha empresa no ámbito dos sistemas aéreos non tripulados e determinen a mellor solución tecnolóxica.
  - Que os estudantes adquiran o coñecemento para desenvolver sistemas aéreos non tripulados e planificar operacións específicas, dependendo das necesidades existentes e aplicar as ferramentas tecnolóxicas existentes.
  - Que os estudantes sexan capaces de aplicar, no ámbito dos sistemas aéreos non tripulados, principios e metodoloxías da investigación como a procura bibliográfica, a toma de datos e a análise e interpretación destes, así como a presentación de conclusións, de forma clara, concisa e rigorosa.

• Competencias específicas

  - Coñecemento acerca dos principais sistemas, dos instrumentos de a bordo e da estación de control dunha aeronave non tripulada, así como a súa influencia na seguridade.
  - Coñecemento dos principios xeomáticos, fotogramétricos e cartográficos, de navegación, aerotriangulación, interpretación e tratamento dixital de imaxes necesarios na operación de sistemas aéreos non tripulados e que saiban aplicar a normativa en vigor.
  - Capacidade de interaccionar con outros equipos técnicos no ámbito da enxeñaría para a planificación de operacións con sistemas aéreos non tripulados.
  - Capacidade para desenvolver un proxecto técnico no ámbito da enxeñaría de sistemas aéreos non tripulados.
  - Capacidade para aplicar datos de sistemas aéreos non tripulados na obtención de información clave para a xestión de recursos naturais e agroforestais.
  - Coñecemento das boas prácticas existentes na operación de sistemas aéreos non tripulados para o seu uso no ámbito da enxeñaría, a arquitectura e o territorio.

• Competencias transversais

  - Capacidade para comprender o significado e aplicación da perspectiva de xénero nos distintos ámbitos de coñecementoe na práctica profesional co obxectivo de alcanzar unha sociedade máis xusta e igualitaria.
  - Capacidade para comunicarse por oral e por escrito en lingua galega.
  - Sustentabilidade e compromiso ambiental. Uso equitativo, responsábel e eficiente dos recursos
  - Desenvolvemento do espírito innovador e emprendedor.
  - Habilidades de relacións interpersoais
  - Capacidade de traballo en equipo.
  - Capacidade de organización e planificación
  - Capacidade de análise e síntese.
  - Capacidade de razoamento crítico e creatividade.
  - Orientación á calidade e a mellora continua.

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

Prácticas

O mestrado contempla 15 créditos ECTS de Prácticas Externas obrigatorias.

A Escola Politécnica Superior da Universidade de Santiago de Compostela e a Escola de Enxeñaría Aeronáutica e do Espazo da Universidade de Vigo contan cun extenso programa de convenios de prácticas en empresa que permitirá tutelar as estancias dos estudantes deste título de máster. Os convenios son aprobados polo Consello de Goberno das respectivas universidades e o seu seguimiento corresponde á Comisión Académica do título.

Para satisfacer a demanda dos estudantes do novo título deberá asegurarse unha oferta de prácticas suficiente para os estudantes matriculados que se realizará en calquera dos dous cuadrimestres do curso académico, tendo en conta que o estudante pode cursar o título cunha dedicación a tempo parcial. Non obstante, ofertaranse nos dous cuatrimestres para alumnos que opten pola dedicación a tempo parcial. En anos vindeiros, os estudiantes podrerán realizalas en calquiera dos cuatrimestres.

Ademais, definiranse procedementos para a selección, seguimiento, elaboración da memoria de prácticas e presentación do aproveitamento das prácticas por parte do estudante adaptando á normativa vixente ás especificidades do mestrado.

O mestrado contempla a realización dun Traballo Fin de Máster de 9 créditos ECTS, que consiste na realización dun proxecto relacionado coa enxeñaría de sistemas aéreos non tripulados ou con aplicacións que impliquen a súa operación.

O Traballo Fin de Máster é un exercicio orixinal que debe ser realizado individualmente e que consiste nun proxecto integral de natureza profesional que sintetice as competencias adquiridas no mestrado. Para a súa superación será defendido perante un tribunal formado por profesorado do título. Cada estudante terá polo menos un profesor ou unha profesora titor que guiará a alumna ou o alumno durante o proceso e velará pola qualidade do traballo.

A oferta de Traballos Fin de Máster realizarase en cada cuadrimestre do curso académico dando así resposta aos estudantes matriculados a tempo parcial. Cada oferta poderá incluír tamén traballos ofertados por empresas e centros de investigación colaboradores e traballos ofertados por docentes da titulaión.

A oferta de Traballos Fin de Máster debe ser suficiente para todos os estudantes matriculados no título. O alumno ou a alumna poderán realizar a defensa do seu Traballo Fin de Máster cando obtivese todos os demais créditos do plan de estudos superados.

O profesorado do Máster está formado por profesores da Escola Politécnica Superior de Enxeñaría (USC), da Escola de Enxeñaría Aeronáutica e do Espazo (UVigo), coa participación de profesionais de empresas, institucións e organismos públicos, incluíndo o grupo de RPAS-OU da Universidade de Oviedo e GAIN.