Créditos ECTS Créditos ECTS: 6
Horas ECTS Criterios/Memorias Traballo do Alumno/a ECTS: 102 Horas de Titorías: 6 Clase Expositiva: 18 Clase Interactiva: 24 Total: 150
Linguas de uso Castelán, Galego
Tipo: Materia Ordinaria Máster RD 1393/2007 - 822/2021
Departamentos: Matemática Aplicada, Departamento externo vinculado ás titulacións
Áreas: Matemática Aplicada, Área externa M.U en Matemática Industrial
Centro Facultade de Matemáticas
Convocatoria: Segundo semestre
Docencia: Con docencia
Matrícula: Matriculable | 1ro curso (Si)
Realizarase a simulación numérica de diversos exemplos Benchmark de aplicacións na industria e na Enxeñería Civil.
As prácticas da materia harán un percorrido de aplicacións na elasticidade lineal e non lineal cos seguintes obxectivos:
1. Coñecer e utilizar os procedementos necesarios para a resolución en ordenador de problemas da mecánica de sólidos.
2. Coñecer e aplicar a metodoloxía de resolución de problemas nos paquetes de software comercial como APEX, PATRAN- NASTRAN ou MENTAT-MARC.
3. Interpretar e pos-procesar correctamente os resultados numéricos obtidos cos programas de simulación.
Parte 1. Elasticidade lineal estacionaria e evolutiva.
1.a. Modelos de elasticidade 3D
1.b. Modelos 2D de deformacións planas y de tensións planas.
1.c. Modelos 2D de placas y láminas.
1.d. Modelos 2D para comportamentos de simetría axial.
1.e. Modelos 1D de Vigas.
1.f. Modelos multidimensionais.
1.g. Cálculo de frecuencias e modos propios de vibración.
1.h. Termoelasticidade lineal.
1.i. Anisotropía.
Parte 2. Elasticidade non lineal
2.a. Materiais non lineais: materiais elastoplásticos, Leis de fluencia de von Mises e Tresca. Criterio de Hill.
2.b. Endurecemento isótropo e cinemático.
2.c. Problemas de contacto. Contacto con sólido ríxido ou con sólido deformable.
BIBLIOGRAFÍA BÁSICA:
• Barral, P. e Quintela, P. Modelos Matemáticos na Mecánica de Sólidos. Curso Virtual da Universidade de Santiago de Compostela. Curso 2024-25.
• Bower, A.F. Applied Mechanics of Solids. CRC Press. 2010.
• García Barachina, L. Introducción a Patran / Nastran en el cálculo de estructuras. Editorial Paraninfo. 2014.
• Quintela, P. Guía de casos prácticos na Mecánica de Sólidos. Curso Virtual da Universidade de Santiago de Compostela. Curso 2024-25.
BIBLIOGRAFÍA COMPLEMENTARIA:
• Bermúdez de Castro, A. Continuum Thermomechanics. Progress in Mathematical Physics. Edit. Birkhäuser. 2005.
• Gurtin, M.E. An Introduction to Continuum Mechanics. Academic Press. New York, 1981.
• Henry, J.P. y Parsy, F. Cours d'Élasticité. Dunod Université. 1982.
• Kikuchi, N., Oden, J.T. (1988) Contact problems in elasticity. SIAM.
• Lemaitre J. A. A course on damage mechanics. Springer-Verlag, 1996.
• Lemaitre, J., Chaboche, J.L. (1994) Mechanics of solids materials. Cambridge University Press.
• Sokolnikoff, I.S. Mathematical theory of elasticity. Krieger Publishing Company. 1956.
• Timoshenko, S., Goodier,J.N. (1975) Teoría de la elasticidad. URMO.
• Titoriais e casos de uso de APEX, Patran, Nastran, Mentat e Marc. https://www.mscsoftware.com/
• Vinson, J.R. The Behavior of Thin Walled Structures, Beams, Plates and Shells. Kluwer academic publishers. 1989.
Competencias xerais
CG1 Posuír coñecementos que acheguen unha base ou oportunidade de ser orixinais no desenvolvemento e/ou
aplicación de ideas, a miúdo nun contexto de investigación, sabendo traducir necesidades
industriais en termos de proxectos de I+D+i no campo da Matemática Industrial;
CG2 Saber aplicar os coñecementos adquiridos e a súa capacidade de resolución de problemas en ámbitos
novos ou pouco coñecidos dentro de contextos máis amplos, incluíndo a capacidade de integrarse en
equipos multidisciplinares de I+D+i no ámbito empresarial;
CG3 Ser capaz de integrar coñecementos para enfrontarse á formulación de xuízos a partir de
información que, aínda sendo incompleta ou limitada, inclúa reflexións sobre as responsabilidades
sociais e éticas vinculadas á aplicación dos seus coñecementos;
CG4 Saber comunicar as conclusións, xunto cos coñecementos e razóns últimas que as
sustentan, públicos especializados e non especializados dun modo claro e sen ambigüidades;
CG5 Posuír as habilidades de aprendizaxe que lles permitan continuar estudando dun modo que
haberá de ser en boa medida autodirixido ou autónomo, e poder emprender con éxito estudos de
doutoramento.
Competencias específicas
CE1: Alcanzar un coñecemento básico nunha área de Enxeñaría/Ciencias Aplicadas, como punto de
partida para un axeitado modelado matemático, tanto en contextos ben establecidos coma en ámbitos
novos ou pouco coñecidos dentro de contextos máis amplos e multidisciplinares.
CE2: Modelar ingredientes específicos e realizar as simplificacións axeitadas no modelo que
faciliten o seu tratamento numérico, mantendo o grao de precisión, de acordo con requisitos
previamente establecidos.
CE4: Ser capaz de seleccionar un conxunto de técnicas numéricas, linguaxes e ferramentas
informáticas, adecuadas para resolver un modelo matemático.
CE5: Ser capaz de validar e interpretar os resultados obtidos, comparando con visualizacións,
medidas experimentais e/ou requisitos funcionais do correspondente sistema físico/de enxeñaría.
Competencias específicas na simulación numérica
CS1: Coñecer, ser capaz de seleccionar e manexar programas apropiados de software (comercial ou libre) para a simulación de procesos nos campos industrial e financeiro.
CS2: Implementar, adaptar e modificar ferramentas de simulación numérica.
As sesións serán telemáticas desde as aulas asignadas a tal efecto por a USC (Parte 1) e por UVigo (Parte 2). As sesións de clase impartiranse a través das plataformas de docencia telemática dispoñibles na USC e na UVigo (vésanse Observacións).
Constarán de tres partes diferenciadas:
A. Explicación dos problemas físicos: formulación matemática e, deseño de tests académicos. Tratase de desenvolver as competencias CG1, CG2, CG4, CG5, CE1 e CE2.
B. Planificación das tarefas que permiten resolvelos con o software da materia (Patran-Nastran e Mentat-Marc). Manexaranse as competencias CG1, CG2, CG4, CG5, CE4, CS1 e CS2.
C. Resolución en ordenador e análises dos resultados. Neste apartado traballaranse as competencias CG1, CG2, CG3, CG4, CG5, CE5, CS1 e CS2.
As clases estarán apoiadas por unha presentación dixital que se poñerá a disposición dos estudantes a través dun curso virtual da materia. Ao longo do curso proporase un traballo individual correspondente á Parte 1 que terase en conta na valoración do traballo persoal.
O curso contará con vídeo apuntes ao menos dos apartados A e B da Parte 1 da materia, que facilitarán o seu estudo.
Usaranse o Campus Virtual da USC e crearase un equipo en Teams para facilitar as titorías virtuais (Parte 1) e o Campus Remoto da UVigo.
Non é obrigatoria a asistencia presencial, se ben recomendase que na medida do posible os estudantes asistan presencialmente na USC (Parte 1) ou UVigo (Parte 2). O exame poderá realizarse dende as aulas do máster das universidades participantes.
Na supervisión por o profesor do traballo de clase, os alumnos mostrarán o seu manexo das competencias CE1, CE2, CE4, CE5, CS1 e CS2.
Realizarase unha proba final no ordenador a todos os estudantes, baseada nos exercicios propostos ao longo do curso. Con esta proba avaliaranse as competencias CE1, CE2, CE4, CE5 e CS1.
Os alumnos deberán realizar un traballo práctico correspondente á Parte 1 da materia. A cualificación final da Parte 1 calcularase considerando un 40% da cualificación do traballo práctico máis un 60% da cualificación da proba final.
A cualificación da materia na Parte 2 será a da proba final en ordenador, tanto en primeira como en segunda oportunidade.
A cualificación final da materia será a media das cualificacións obtidas nas Partes 1 e 2.
Advertencia: Nos casos de realización fraudulenta das probas (plaxios ou uso indebido das tecnoloxías) será de aplicación a "Normativa de avaliación do rendemento académico dos estudantes e de revisión de cualificacións".
Horas presenciais/virtuais con profesor: teóricas: 7 ; prácticas: 35.
Horas non presenciais de traballo do alumno: 90.
Horas de avaliación: 5.
1.Consultar a bibliografía e a documentación on-line dos programas.
2.Resolución dos problemas propostos.
3.Facer uso das titorías.
Peregrina Quintela Estevez
Coordinador/a- Departamento
- Matemática Aplicada
- Área
- Matemática Aplicada
- Teléfono
- 881813223
- Correo electrónico
- peregrina.quintela [at] usc.es
- Categoría
- Profesor/a: Catedrático/a de Universidade
| Martes | |||
|---|---|---|---|
| 15:00-18:00 | Grupo /CLE_01 | Castelán | Aula de informática 5 |
| Xoves | |||
| 11:00-14:00 | Grupo /CLE_01 | Castelán | Aula de informática 5 |