Créditos ECTS Créditos ECTS: 3
Horas ECTS Criterios/Memorias Horas de Titorías: 2 Clase Expositiva: 10 Clase Interactiva: 12 Total: 24
Linguas de uso Castelán, Galego
Tipo: Materia Ordinaria Máster RD 1393/2007 - 822/2021
Departamentos: Enxeñaría Química
Áreas: Enxeñaría Química
Centro Escola Técnica Superior de Enxeñaría
Convocatoria: Primeiro semestre
Docencia: Con docencia
Matrícula: Matriculable
Con esta materia preténdese capacitar ao alumno para a avaliación, deseño e selección de equipos, a comparativa entre diferentes alternativas e a optimización dos sistemas de depuración de efluentes gaseosos contaminados. Dentro dos obxectivos específicos destacan:
• Estudar as tecnoloxías dispoñibles e emerxentes para o control da contaminación.
• Seleccionar as alternativas tecnolóxicas máis adecuadas de entre os posibles sistemas de depuración #ante un problema concreto de emisión de contaminantes en aire.
• Ser capaz de deseñar os distintos equipos de depuración de emisións gasosas contaminadas.
• Concibir instalacións integradas de depuración de emisións gasosas.
• Adquirir coñecemento con respecto ás tecnoloxías de captura, almacenamento e usos do CO2.
• Tecnoloxías para a eliminación de partículas: Ciclóns, precipitadores electrostáticos, sistemas de filtración, torres de lavado.
• Tecnoloxías para o tratamento de contaminantes gaseosos, vapores e cheiros: sistemas físico-químicos (absorción, absorción, oxidación) e sistemas biolóxicos (biofiltros).
• Deseñar secuencias de depuración de gases.
• Redución de emisións de gases de efecto invernadoiro. Captura e almacenamento de CO2.
Tema 1. Introdución á contaminación atmosférica
Características, definición e fontes de contaminación atmosférica; Tipoloxía e clasificación dos contaminantes atmosféricos. Determinación da concentración de contaminantes gaseosos.
Tema 2. Eliminación de partículas en suspensión
Comportamento de partículas no seo dun fluído; Tecnoloxías de separación de partículas (consideracións, vantaxes, inconvenientes e deseño): cámaras de sedimentación, ciclóns, precipitadores electrostáticos, filtros de mangas (sistemas de filtración) e torres de lavado. Comparación e elección de sistemas de tratamento.
Tema 3. Eliminación de contaminantes gaseosos e vapores
Clasificación das tecnoloxías (fisicoquímicas, biolóxicas e combinadas); Absorción e absorción de gases; Condensación de gases; Oxidación térmica/Incineración; Descontaminación biolóxica de gases mediante o emprego de biofiltros e bio-lavadores. Comparación e elección de sistemas de tratamento.
Tema 4. Captura e almacenamento de CO2.
Introdución aos gases de efecto invernadoiro; Normativa relacionada coa captura e almacenamento de CO2; Procesos de captura de CO2 e tecnoloxías existentes; Almacenamento de CO2 e mecanismos de confinamento
Bibliografía básica
• Cooper, C.D., Alley, F.C. Air pollution control: a design approach. Prospect Heights, Illinois: Waveland, 2002. ISBN: 0-88133-758-7
• Ullmann, F. Ullmann's Encyclopedia of Industrial Chemistry. Wiley‐VCH Verlag GmbH & Co. KGaA, 1996. ISBN: 9783527303854; Online ISBN: 9783527306732; DOI: 10.1002/14356007
Bibliografía complementaria
• Wark, K., Warner, C.F. Contaminación del aire: origen y control. México: Limusa, 2013. ISBN: 978- 968-18-1954-5
• De Nevers, N. Ingeniería de Control de la Contaminación del Aire. McGraw-Hill, México, 1995.
• Kiely, G. Ingeniería ambiental: fundamentos, entornos, tecnologías y sistemas de gestión. Madrid: McGraw-Hill, Interamericana de España, 1999. ISBN: 84-481-2039-6.
• Kiely, G. Environmental Engineering. Boston: McGraw-Hill, 1998. ISBN: 0-07-709127-2.
• Bueno J.L., Satre H., Lavín A.G. Contaminación e Ingeniería Ambiental. II: Contaminación atmosférica. Oviedo: Fundación para el Fomento en Asturias de la Investigación Científica Aplicada y la Tecnológica, 1997. ISBN: 84-923131-4-5 (v.1) y 84-923131-3-7 (v.2)
• Seinfeld, J.H., Pandis, S.N. Atmospheric Chemistry and Physics. 2nd edition, John Wiley and Sons, New York, 2006
• Jacobson, M.Z. Fundamentals of Atmospheric Modelling. Cambridge University Press, Cambridge, 2005
• Jacobson, M.Z. Atmospheric Pollution. Cambridge University Press, Cambridge, 2002.
• Metcalf & Eddy Inc. Wastewater Engineering. Treatment and resource recovery. Volume 2. Nueva York: McGraw-Hill Education, 2014. ISBN: 978-1-259-01079-8
• Davis, W.T. Air Pollution Engineering Manual. New York: John Wiley, 2000. ISBN: 0-471-33333-6.
Ao superar a materia, o alumno terá adquiridas as seguintes competencias
Competencias básicas e xerais
CB6 - Posuír e comprender coñecementos que acheguen unha base ou oportunidade de ser orixinais no desenvolvemento e/o aplicación de ideas, a miúdo nun contexto de investigación.
CB7 - Que os estudantes saiban aplicar os coñecementos adquiridos e a súa capacidade de resolución de problemas en contornas novas ou pouco coñecidos dentro de contextos máis amplos (ou multidisciplinares) relacionados coa súa área de estudo.
CB8 - Que os estudantes sexan capaces de integrar coñecementos e enfrontarse á complexidade de formular xuízos a partir dunha información que, sendo incompleta ou limitada, inclúa reflexións sobre as responsabilidades sociais e éticas vinculadas á aplicación dos seus coñecementos e xuízos.
CB9 - Que os estudantes saiban comunicar as súas conclusións e os coñecementos e razóns últimas que as sustentan a públicos especializados e non especializados dun modo claro e sen ambigüidades.
CB10 - Que os estudantes posúan as habilidades de aprendizaxe que lles permitan continuar estudando dun modo que haberá de ser en gran medida autodirigido ou autónomo.
CG1 - Identificar e enunciar problemas ambientais.
CG2 -Ser capaces de predicir e controlar a evolución de situacións complexas mediante o desenvolvemento de metodoloxías de traballo innovadoras adaptadas ao ámbito científico/investigador, tecnolóxico ou profesional concreto, en xeral multidisciplinar, no que se desenvolva a súa actividade.
CG3 - Ser capaces de asumir a responsabilidade do seu propio desenvolvemento profesional e da súa especialización nun ou máis campos de estudo.
CG4 - Aplicar coñecementos de matemáticas, física, química, bioloxía e outras ciencias naturais, obtidos mediante estudo, experiencia, e práctica, con razoamento crítico para establecer solucións viables economicamente a problemas técnicos.
Competencias específicas
CE1 - Saber avaliar e seleccionar a teoría científica adecuada e a metodoloxía precisa do campo de estudo da Enxeñería Ambiental para formular xuízos a partir de información incompleta ou limitada incluíndo, cando sexa preciso e pertinente, unha reflexión sobre a responsabilidade social ou ética ligada á solución que se propoña en cada caso.
CE2 - Coñecer en profundidade as tecnoloxías, ferramentas e técnicas no campo da enxeñería ambiental para poder comparar e seleccionar alternativas técnicas e tecnoloxías emerxentes.
CE4 - Deseñar produtos, procesos, sistemas e servizos da industria de procesos, así como a optimización doutros xa desenvolvidos, tomando como base tecnolóxica as diversas áreas da Enxeñería Ambiental.
CE5 - Conceptualizar modelos de enxeñería, aplicar métodos innovadores na resolución de problemas e aplicacións informáticas adecuadas, para o deseño, simulación, optimización e control de procesos e sistemas.
CE8 - Abordar un problema real de Enxeñería Ambiental baixo unha perspectiva científico-técnica, recoñecendo a importancia da procura e xestión da información existente e da lexislación aplicable.
CE11 - Identificar accións no ámbito da economía circular, definindo as opcións dentro dos novos modelos de negocio.
Competencias transversais
CT1 - Desenvolver capacidades asociadas ao traballo en equipo: cooperación, liderado, saber escoitar.
CT3 - Adaptarse aos cambios, sendo capaz de aplicar tecnoloxías novas e avanzadas e outros progresos relevantes, con iniciativa e espírito emprendedor.
CT4 - Demostrar razoamento crítico e autocrítico, capacidade analítica e de síntese.
CT5. Elaborar, escribir e defender publicamente informes e proxectos de carácter científico e técnico.
Clases expositivas e interactivas de seminario: presenciais (na aula) e sincrónicamente vía USC MS Teams, a elección do alumno
Titorías grupais: presenciais (na aula) e sincrónicamente vía USC MS Teams, a elección do alumno
Titorías individuais: presenciais e sincrónicamente vía USC MS Teams, a elección do alumno.
Clases expositivas: nestas clases, impartidas a todos os alumnos (tanto en grupo presencial como telemático) simultaneamente, preséntanse os fundamentos teóricos de cada tema, tendo en conta os obxectivos establecidos previamente e as competencias que os alumnos deben adquirir. Empregaranse presentacións de Power-Point (apoiadas con materiais audiovisuais) que estarán dispoñibles na aula virtual ao finalizar cada tema, combinando as explicacións teóricas con proposta, discusión e resolución de cuestións teórico-prácticas para desta forma fomentar a participación e atención do alumno así como facilitar a súa aprendizaxe e a asimilación de conceptos. Ofrecerase aos alumnos a posibilidade de realizar algún cuestionario relativo aos temas explicados en clase, a través da aula virtual, polo que recibirán unha puntuación de formará parte do apartado de Traballos/Actividades. Contarase, se é posible, coa participación de relatores/investigadores de prestixio que incidirán en temas relacionados coa temática da materia.
Clases interactivas de seminario: as clases de seminario estarán centradas na resolución de exercicios/problemas que o profesor proporcionará aos alumnos mediante boletíns ou coleccións de problemas fomentando o estudo autónomo do estudante e o manexo de fontes bibliográficas en inglés. Realizaranse algúns dos problemas da materia utilizando folla de cálculo (Excel). Estes boletíns estarán dispoñibles en aula virtual da materia con antelación á realización do seminario correspondente para que os alumnos poidan preparar individualmente o contido de cada seminario. Algúns exercicios serán resoltos de maneira individual polo alumno para a súa corrección, e outros se resolverán en grupo. Por todos eles, os alumnos recibirán unha nota que formará parte da nota correspondente ao apartado de Traballos/Actividades.
Titorías grupais: Estas titorías están destinadas ao fomento do traballo autónomo dos alumnos e ás actividades de traballo en equipo, fomentando unha aprendizaxe cooperativa, onde serán os propios alumnos os que “ensinen/aprendan” dunha maneira proactiva. Cada alumno dispón de 2 horas de titoría grupal que serán empregadas para ao desenvolvemento dun caso práctico (en grupo) centrado no deseño do sistema de tratamento dunha corrente gasosa contaminada (con partículas e contaminantes gaseosos) procedente dunha actividade industrial. Empregarase o debate para a discusión cos compañeiros doutros grupos a preto da mellor secuencia para o tratamento esta corrente.
Cada grupo entregará unha breve memoria final correspondente ao caso práctico explicando a secuencia de tratamento seleccionada e realizará unha breve presentación oral cos resultados do deseño, ambas serán avaliadas polo profesor e formarán parte apartado de Traballos/Actividades. Cada alumno recibirá unha nota correspondente ao apartado de Titorías que incluirá a súa actitude e participación no debate.
As competencias para alcanzar con cada actividade son:
Actividade………………Modalidade……Competencias
Lección maxistral……Expositiva……..CB6, CB7, CB9, CB10, CG1, CG3, CE1, CE5, CE8, CE11, CT4
Realización de exercicios……….Interactiva de Seminario… CB7, CB10, CG2, CG4, CE4, CE5, CT3, CT4, CT5
Casos prácticos………Titorías grupais……CB7, CB8, CB9, CB10, CG1, CG2, CG3, CG4, CE1, CE4, CE5, CE8, CT1, CT3, CT4, CT5
Utilizaranse as aplicacións de Moodle (Campus virtual da USC) e USC MS Teams, como ferramentas de comunicación cos alumnos ofrecendo aos alumnos información da programación docente ao longo do curso na aula e materiais complementarios para o estudo da materia (apuntamentos do profesor, así como artigos científico-técnicos, vídeos).
Metodoloxías docentes empregadas:
MD1;Clases maxistrais participativas
MD2;Seminarios e conferencias
MD7; Aprendizaxe baseada na resolución de problemas, casos prácticos e proxectos (ABP)
MD8;Titorías individualizadas e colectivas
MD10;Uso de materiais audiovisuais (presentacións, vídeos etc.)/ etc.)
MD11; Aprendizaxe cooperativa: (i) realización de traballos en grupo, (ii) desenvolvemento de materiais docentes entre os alumnos, (iii) gamestorming
MD13; Uso de docencia telemática
MD14;Presentacións orais de temas previamente preparados, incluíndo o debate cos compañeiros e os profesores
MD15;Utilización de software especializado, bases de datos e recursos web. Soporte docente en liña (Campus Virtual)
A cualificación do alumno é unha media ponderada do rendemento obtido en:
a) O exame (20% da cualificación). O exame constará de cuestionario tipo test con preguntas curtas a preto dos conceptos explicados en clase.
b) Traballos/Actividades (60% da cualificación). Os alumnos recibirán unha puntuación por todos os traballos e exercicios (individuais e grupais) e polos cuestionarios que realicen e entreguen. Á memoria e presentación oral do caso práctico grupal correspóndenlle 1/3 da nota deste apartado.
c) As titorías grupais (10% da cualificación) que serán avaliadas por medio da participación do alumno no debate e a actitude/participación do alumno na titoría.
d) A participación activa (10% da cualificación) será avaliada considerando a actitude, interese e traballo persoal do alumno nas clases tanto expositivas como de seminario.
Considerarase obrigatoria a asistencia ás horas de titorías grupais, polo que, se non se asiste, o alumno estará Suspenso na primeira convocatoria. Na segunda convocatoria, non tería directamente puntuación no apartado c).
A materia superarase cunha nota final mínima de 5. Antes da realización do exame, os alumnos coñecerán as notas obtidas nos apartados b) e c). Considerarase como Non Presentado aquel alumno que non realizase o exame, pero se participase nas titorías grupais. No caso de non superar a materia na Primeira Oportunidade, o estudante será novamente avaliado do apartado a) na Segunda Oportunidade e manteríanselle as notas dos apartados b), c) e d). Non se manterán as notas dos apartados b), c) e d) dun curso para outro polo que o alumno repetidor terá que volver realizar as titorías grupais e os correspondentes traballos da materia.
As competencias para avaliar son as seguintes:
• Titoría grupal: CB7, CB8, CB9, CB10, CG1, CG2, CG3, CG4, CE1, CE4, CE5, CE8, CT1, CT3, CT4, CT5
• Traballos/Actividades: CB6, CB9, CG1, CG4, CE4, CE5, CE11, CT3, CT4, CT5
• Seminarios: CB7, CB10, CG2, CG4, CE4, CE5, CT4, CT7
• Exame: CB6, CB7, CB8, CB9, CG1, CE5, CE8, CT3
• Participación activa: CG1, CG4, CB7, CB8, CB10, CT1, CT5
En caso de exercicios ou probas fraudulentas, aplicaranse as disposicións do Regulamento para a Avaliación do Rendemento Académico dos Estudantes e para a Revisión das Cualificacións.
A materia ten unha carga de traballo equivalente a 3 ECTS que se reparten da forma que se sinala na táboa. As horas aula indican o número de horas de clases da materia, a través das diversas actividades que se realizan. A carga total de traballo é de 75 horas implica que cada ECTS supoña 25 horas de traballo do alumno.
Distribución da actividade formativa en créditos ECTS:
Actividade……………….Horas aula…………………Traballo alumno…………..Total
Clases maxistrais .…….…10.0……………………………15…………………25
Seminarios……………..….12.0…………………………….25…………………..37
Titorías grupo…….……....2.0………………………….….4.…………………... 6
Exame e revisión ………..2.0………………………….…5…………………7
TOTAL………………..…….26………………………….….49…………..……...75
Recoméndase o cursar as seguintes materias optativas do plan de estudos: Medio Ambiente Atmosférico, Modelización ambiental e Tecnoloxías Limpas.
Para conseguir un rendemento óptimo na materia resulta aconsellable que o alumno teña unha serie de coñecementos adicionais sobre: inglés (nivel de lectura) e coñecementos de aplicacións informáticas a nivel usuario (Word, Excel, uso de correo electrónico, consulta de páxinas web).
Recoméndase a asistencia a clase e a participación activa do alumno nas mesmas, recoméndase tamén que se estude de forma continua a materia e que se faga uso da aplicación informática dispoñible na USC correspondente á materia, #de acordo con as indicacións sinaladas anteriormente.
Idioma: A materia será impartida en castelán, pero poderá utilizarse bibliografía en inglés para a realización de traballos ou consulta de información
É necesario o uso do campus virtual así como de USC MS Teams.
Para os casos de realización fraudulenta de exercicios ou probas será de aplicación o establecido na “Normativa de avaliación do rendemento académico dos estudantes e de revisión das cualificacións”
Sara Gonzalez Garcia
Coordinador/a- Departamento
- Enxeñaría Química
- Área
- Enxeñaría Química
- Teléfono
- 881816806
- Correo electrónico
- sara.gonzalez [at] usc.es
- Categoría
- Profesor/a: Titular de Universidade
| Luns | |||
|---|---|---|---|
| 12:00-14:00 | Grupo /CLE_01 | Castelán | Aula A8 |
| Mércores | |||
| 12:00-14:00 | Grupo /CLE_01 | Castelán | Aula A8 |
| 14.10.2024 10:00-12:00 | Grupo /CLE_01 | Aula A8 |
| 14.10.2024 10:00-12:00 | Grupo /CLIS_01 | Aula A8 |
| 26.06.2025 12:00-14:00 | Grupo /CLIS_01 | Aula A8 |
| 26.06.2025 12:00-14:00 | Grupo /CLE_01 | Aula A8 |