Créditos ECTS Créditos ECTS: 3
Horas ECTS Criterios/Memorias Horas de Titorías: 3 Clase Expositiva: 9 Clase Interactiva: 10 Total: 22
Linguas de uso Castelán, Galego
Tipo: Materia Ordinaria Máster RD 1393/2007 - 822/2021
Departamentos: Produción Vexetal e Proxectos de Enxeñaría
Áreas: Proxectos de Enxeñaría
Centro Escola Politécnica Superior de Enxeñaría
Convocatoria: Primeiro semestre
Docencia: Con docencia
Matrícula: Matriculable | 1ro curso (Si)
- Comprender o concepto de alcance no contexto da dirección de proxectos, e coñecer os procesos de xestión do alcance do proxecto.
- Aprender as metodoloxías de recopilación de requisitos, a elaboración de estruturas de desglose de tarefas (EDT) e a definición de entregables do proxecto.
- Profundar na relación entre a definición do alcance, as diferentes áreas de coñecemento e a súa importancia dentro do ciclo de vida do proxecto.
- Aprender os procesos de identificación dos interesados do proxecto e a elaboración dunha matriz dos interesados.
- Comprender os elementos de participación dos interesados no proxecto, e aprender metodoloxías de xestión e control desa participación
Os contidos ós que fai referencia a materia son os seguintes:
- Alcance do proxecto e do produto.
- Planificación da xestión do alcance.
- Estructura de Desglose de Tarefas (EDT)
- Xestión dos interesados.
Estes contidos serán desenvolvidos a través dos seguintes módulos:
I. Introdución [1,5 h expositivas + 1,5 h interactivas]
- Aspectos xerais: alcance e xestión do alcance. Alcance do proxecto e do produto.
- O alcance dentro do ciclo de vida do proxecto.
- Relación do alcance con outros procesos e áreas de coñecemento.
II. Definición do alcance [1,5 h expositivas + 1,5 h interactivas]
- Información necesaria para a definición do alcance.
- Xeración de alternativas e toma de decisións.
- Declaración do alcance do proxecto.
III. Requisitos, tarefas e entregables [1,5 h expositivas + 2 h interactivas]
- Identificación de requisitos do proxecto.
- Estrutura de Desglose de Tarefas.
- Xestión dos entregables.
IV. Seguimento, verificación e control [1,5 h expositivas + 1,5 h interactivas]
- Verificación e control e a súa relación co control de calidade.
- Procedementos de verificación.
- Procedementos de control.
V. Identificación e caracterización de partes interesadas [1,5 h expositivas + 2 h interactivas]
- Tipoloxías de interesados e matriz de partes interesadas.
- Matriz de poder-interese, modelos de prominencia e redes.
VI. Xestión de partes interesadas [1,5 h expositivas + 1,5 h interactivas]
- Métodos de comunicación, habilidades interpersonais e de xestión.
- Sistemas de xestión da información
Na materia empregarase a seguinte bibliografía básica:
- PMI 2021. El estándar para la dirección de proyectos y guía de los fundamentos para la dirección de proyectos (guía del PMBOK®) -- Séptima edición. Project Management Institute, Pensilvania.
- PMI 2017. Guía de los fundamentos para la dirección de proyectos (guía del PMBOK®) -- Sexta edición. Project Management Institute, Pensilvania.
- AEIPRO 2009. NCB. Bases para la competencia en dirección de proyectos. Versión 3.1. Asociación Española de Ingeniería de Proyectos – International Project Management Association. Editorial UPV.
- Comisión Europea 2021. Metodología de gestión de proyectos PM²: guía 3.0.1. Oficina de Publicaciones de la Unión Europea, Dirección General de Servicios Digitales.
Recoméndase ao alumnado a consulta da seguinte bibliografía complementaria:
- PMI 2017. Agile practice guide. Project Management Institute, Pennsylvania.
- PMI 2001. Practice standard for work breakdown structures. Project Management Institute, Pennsylvania.
- Kerzner, H. 2006. Project Management. A systems approach, scheduling and controlling. John Wiley & Sons, New Jersey.
- PMI 2011. Practice standard for project estimating. Project Management Institute, Pennsylvania.
- IPMA 2015. Individual Competence Baseline for Project, Programme and Portfolio Management. V.4.0. International Project Management Association (IPMA), Zurich, Switzerland.
- IPMA 2016. Project Excellence Baseline for achieving excellence in projects and programmes. V.1.0. International Project Management Association (IPMA), Zurich, Switzerland.
- IPMA 2016. Organisational Competence Baseline for developing competence in managing by projects. V.1.1. International Project Management Association (IPMA), Zurich, Switzerland.
- European Commission, 2021. PM²-Agile Guide 3.0.1. Luxembourg: Publications Office of the European Union
- European Commission, 2021. PM² Programme Management Guide. Luxembourg: Publications Office of the European Union
Nesta materia, o alumno adquirirá unha serie de coñecementos a través de contidos específicos, así como unha serie de habilidades e destrezas, e poñerá en práctica unha serie de competencias específicas da xestión do alcance e dos interesados na dirección de proxectos.
No que respecta aos coñecementos e contidos, traballaranse os seguintes:
Con02 - Metodoloxías para a xestión do alcance do proxecto.
Con03 - Metodoloxías para a xestión de interesados.
No que respecta ás habilidades e destrezas, traballaranse as seguintes:
H/D03 - Liderar e traballar eficazmente en equipos interdisciplinares.
H/D04 - Capacidade para establecer estratexias para resolver desacordos relacionados co proxecto.
No que respecta ás competencias, traballaranse as seguintes:
Comp03 - Crear a estrutura de desagregación de traballos e da estrutura organizativa do proxecto.
Comp04 - Identificación, envolvemento, xestión e seguimento das partes interesadas no proxecto.
A metodoloxía de ensinanza da materia consistirá na docencia presencial impartida a través de clases expositivas en grupos de 25 alumnos (9 horas), empregando como elementos de apoio as presentacións en diferentes formatos (powerpoint, prezi, etc.). As sesións expositivas serán completadas con docencia interactiva (12 horas), empregando materiais que permitan simular ao alumno a preparación de documentación necesaria na xestión do alcance (formularios, listas de comprobación, etc.) así como programas informáticos para o desenvolvemento de técnicas específicas (mapas mentais, estruturas de desagregación de tarefas...).
Sobre a base establecida na docencia expositiva e interactiva, os alumnos realizarán traballos dirixidos á elaboración dun portafolio, no cal se inclúan os elementos das sesións prácticas interactivas xunto co desenvolvido polos mesmos de forma non presencial. Os alumnos contarán co apoio de tutorías para o desenvolvemento das actividades previstas.
Especificamente, empregarase, como actividades formativas:
- Sesións expositivas (SE)
- Sesións interactivas (SI)
- Titorías de grupos reducidos (TGR)
- Titorías individuais (TI)
Ademais, empregaranse como metodoloxías docentes:
- Leccións maxistrais e participativas.
- Seminarios para o desenvolvemento de traballos prácticos.
- Realización de presentacións dos traballos.
- Resolución de problemas. Elaboración e presentación de traballos de curso.
- Aprendizaxe baseada na resolución de casos prácticos.
- Portafolio.
- Traballo autónomo e estudo individual dos alumnos.
- Traballo en grupo e aprendizaxe cooperativo.
A utilización da plataforma da USC virtual, así como da aplicación Microsoft Teams, permitirá axilizar o fluxo de información bidireccional entre alumno/a e profesor, imprimindo axilidade á docencia da materia, e facilitando o acceso á documentación por parte do/a alumno/a.
Misto con exame escrito de preguntas obxectivas, de desenvolvemento ou oral, e entrega de traballos e portafolio. Ao final da asignatura, os alumnos realizarán unha proba escrita sobre os contidos relativos á xestión do alcance e interesados, e presentarán un portafolio que inclúa os traballos, estudos de casos e exercicios desenvolvidos nas sesións interactivas da materia. A cualificación do alumno é unha media ponderada, ao 50%-50%, entre o rendemento do mesmo nas dúas partes nas que se avalía ao mesmo: exame e portafolio. Non superará a materia aquel alumno que non obteña un mínimo de 5 puntos sobre 10 en cada parte.
Para os casos de realización fraudulenta de exercicios ou probas, aplicarase o establecido na “Normativa de avaliación do rendemento académico dos estudantes e de revisión das cualificacións”.
Para superar a materia, requírese ao/a alumno/a a asistencia a un 75% das clases teóricas e prácticas. O non cumprimento da asistencia levará consigo que, para a superación da materia, o/a alumno/a teña que facer un traballo adicional proposto polo profesor. Os/as alumnos/as que teñan concedida a dispensa de asistencia deberán realizar un traballo adicional específico indicado polo profesor. Estes criterios son válidos para a convocatoria de 1ª e 2ª oportunidade e repetidores. As cualificacións dos traballos prácticos e dos exames conservaranse únicamente durante o curso académico.
A repartición de competencias na avaliación será:
Exame (50%): Coñecementos avaliados: Con02, Con03; competencias avaliadas Comp03, Comp04.
Portafolio (50%): Habilidades avaliadas: H/D03, H/D04; competencias avaliadas Comp03, Comp04.
O alumno dedicará 51 horas ao traballo autónomo e estudo individual, dirixido fundamentalmente ao estudo dos elementos teóricos da asignatura, a revisión da bibliografía básica e recomendada, e o desenvolvemento dos traballos prácticos e a súa organización nun portafolio.
Recoméndase adecuarse á programación de contidos teóricos e prácticos de acordo cos manuais da materia, para un máximo aproveitamento á hora de cursala. Asimismo, poñerase á disposición dos alumnos o material docente para o seu estudo previo ás sesións expositivas, de forma que poidan comprender e asimilar mellor os conceptos da asignatura. Anímase aos alumnos á participación activa nas clases e uso das titorías.
Emilio Rafael Diaz Varela
Coordinador/a- Departamento
- Produción Vexetal e Proxectos de Enxeñaría
- Área
- Proxectos de Enxeñaría
- Correo electrónico
- emilio.diaz [at] usc.es
- Categoría
- Profesor/a: Titular de Universidade
| Xoves | |||
|---|---|---|---|
| 17:00-19:00 | Grupo /CLE_01 | Castelán | Aula 14 (Aulario 4) |
| 19:00-21:00 | Grupo /CLIS_01 | Castelán | Aula 14 (Aulario 4) |
| Venres | |||
| 16:00-19:00 | Grupo /CLE_01 | Castelán | Aula 14 (Aulario 4) |
| 19:00-21:00 | Grupo /CLIS_01 | Castelán | Aula 14 (Aulario 4) |
| 18.10.2024 16:00-18:00 | Grupo /CLE_01 | Aula 14 (Aulario 4) |
| 17.06.2025 16:00-18:00 | Grupo /CLE_01 | Aula 14 (Aulario 4) |