Máster Universitario en Dirección de Proxectos (2ª edición)

O título presenta un plan de estudos dun curso de 60 ECTS.
• Obrigatorias: 30
• Optativas: 6
• Prácticas externas OB: 12
• Traballo fin de máster: 12
o Total: 60
O máster, de 60 créditos ECTS, estrutúrase en tres grandes módulos.
O primeiro deles, un módulo de docencia expositiva e interactiva (36 créditos ECTS), denominado “Fundamentos da dirección de proxectos” no que se cursarán o corpo de materias obrigatorias (30 créditos ECTS distribuídos en 10 materias de 3 créditos ECTS cada unha) que permitirán que o alumno alcance os resultados de aprendizaxe que constitúen o elemento troncal deste máster.
Así mesmo, neste módulo ofertaranse 4 materias optativas (de 3 créditos ECTS cada unha) entre as que o alumno deberá de cursar 2, completando os 6 créditos ECTS restantes.
Unha vez finalizado este módulo, o alumno realizará as prácticas académicas externas que terá unha carga de 12 créditos ECTS.
Por último, o alumno deberá de realizar o traballo fin de Máster, que terá unha carga de 12 créditos ECTS.

Entre mediados de setembro e ofertaranse as seguintes materias (primeiro semestre):
- Marco conceptual da xestión de proxectos.
- Xestión do alcance do proxecto.
- Xestión do tempo e recursos.
- Seguimento e control do proxecto.
- Xestión da información e as comunicacións do proxecto.
- Dirección de persoas.
Entre mediados de xaneiro e xullo-setembro ofertaranse as seguintes materias (segundo semestre):
- Contratación e negociación
- Xestión de riscos e oportunidades do proxecto
- Xestión da calidade
- Análise da viabilidade financeira.
- Sustentabilidade en dirección de proxectos.
- Xestión de riscos en proxectos de investimento.
- Xestión de proxectos de investigación.
- Xestión comercial do proxecto.
- Prácticas en empresa
- Traballo fin de Master
A carga docente está equilibrada semanalmente (18 ECTS en cada período) e a continuación fanse as Prácticas Externas e o TFM.

• Perfil de ingreso

  campo insuficiente para modifiacións

• Número mínimo de créditos ECTS de matrícula por estudante e período lectivo

  O título presenta un plan de estudos dun curso de 60 ECTS.
  • Obrigatorias: 30
  • Optativas: 6
  • Prácticas externas OB: 12
  • Traballo fin de máster: 12
  o Total: 60
  O máster, de 60 créditos ECTS, estrutúrase en tres grandes módulos.
  O primeiro deles, un módulo de docencia expositiva e interactiva (36 créditos ECTS), denominado “Fundamentos da dirección de proxectos” no que se cursarán o corpo de materias obrigatorias (30 créditos ECTS distribuídos en 10 materias de 3 créditos ECTS cada unha) que permitirán que o alumno alcance os resultados de aprendizaxe que constitúen o elemento troncal deste máster.
  Así mesmo, neste módulo ofertaranse 4 materias optativas (de 3 créditos ECTS cada unha) entre as que o alumno deberá de cursar 2, completando os 6 créditos ECTS restantes.
  Unha vez finalizado este módulo, o alumno realizará as prácticas académicas externas que terá unha carga de 12 créditos ECTS.
  Por último, o alumno deberá de realizar o traballo fin de Máster, que terá unha carga de 12 créditos ECTS.

• Acción titorial e acollida

  O Plan de Acción Titorial da EPS de Enxeñaría presenta un conxunto de accións que teñen por finalidade guiar, orientar e acompañar ao alumnado durante os seus estudos universitarios.
  https://www.usc.gal/gl/centro/escola-politecnica-superior-enxenaria/pla…

• Acceso

  Acceso

  Cumpriranse en todo momento os requisitos establecidos no artigo 18 do Real Decreto 822/2021 do 28 de setembro, polo que se establece a organización dos ensinos universitarios e do procedemento de aseguramento da súa calidade.
  https://www.usc.gal/es/admision/master
  https://www.usc.gal/es/servizos/oiu/masteres_oficiais.html

  Admisión

  No caso de alumnos procedentes de países de lingua distinta do galego, portugués ou español os estudantes deberán acreditar o nivel de lingua española B2.

* Coñecer os principais estándares en xestión de proxectos e a súa aplicabilidade en distintos contextos.
* Familiarizarse coa terminoloxía e ferramentas específicas da xestión de proxectos.
* Comprender a importancia que a disciplina ten nas organizacións e na xestión das súas carteiras de proxectos, programas e proxectos.

• Competencias

  Comp01 - Xestionar ferramentas de toma de decisións.
  Comp02 - Definir a gobernanza do proxecto.
  Comp03 - Crear a estrutura de desagregación de traballos e da estrutura organizativa do proxecto.
  Comp04 - Identificación, implicación, xestión e seguimento das partes interesadas no proxecto.
  Comp05 - Elaborar unha planificación factible dimensionando adecuadamente os recursos implicados.
  Comp06 - Avaliar o avance da liña base e implementar solucións para corrixir desviacións en tempo e custo.
  Comp07 - Elaborar plans de xestión da información e as comunicacións do proxecto.
  Comp08 - Xestionar eventos de comunicación. Rexistro documental.
  Comp09 - Identificar problemas e desenvolver solucións efectivas na xestión das persoas.
  Comp10 - Desenvolver e implementar plans de GROP. Estimación de recursos e reservas de continxencias.
  Comp11 - Elaborar un plan de xestión da calidade. Avaliación do éxito na xestión.
  Comp12 - Elaborar un plan de xestión de adquisicións.
  Comp13 - Avaliar e cuantificar os principais riscos financeiros de proxectos de investimento.
  Comp14 - Integrar a sustentabilidade na dirección de proxectos e avaliar a sustentabilidade en proxectos.
  Comp15 - Desenvolver, implementar, monitorizar e estimar recursos en plans de execución de proxectos de investigación.
  Comp16 - Comprender as implicacións básicas da contorna que rodea o proxecto: a organización permanente que o desenvolve; a contorna económica, financeiro e mercantil; a contorna tecnolóxica e a contorna legal.
  Comp17 - Comprender e aplicar o concepto de proxecto e de dirección de proxectos (orientación a proxectos).
  Comp18 - Avaliar a viabilidade financeira dun proxecto.

• Habilidades e destrezas

  H/D01 - Aplicar pensamento crítico, lóxico e creativo.
  H/D02 - Integrar información procedente de distintas fontes.
  H/D03 - Liderar e traballar eficazmente en equipos interdisciplinares.
  H/D04 - Capacidade para establecer estratexias para resolver desacordos relacionados co proxecto.
  H/D05 - Resolver problemas de forma efectiva.
  H/D06 - Tomar decisións considerando globalmente aspectos técnicos, económicos, sociais e ambientais.
  H/D07 - Capacidade para o intercambio de opinións e para comunicar eficazmente as súas ideas e defendelas.
  H/D08 - Realizar estudos bibliográficos e sintetizar resultados.
  H/D09 - Capacidade de xerar proxeccións que permitan posicionar o proxecto de fronte ao futuro.
  H/D10 - Comparar e seleccionar alternativas técnicas e de xestión.
  H/D11 - Identificar metodoloxías e técnicas emerxentes.
  H/D12 - Compromiso coa protección do medio ambiente e o desenvolvemento sostible.
  H/D13 - Exercicio da profesión baixo principios deontolóxicos.
  H/D14 - Capacidade de análise e síntese.

• Coñecementos

  Con01 - Adquirir unhas nocións básicas no ámbito da xestión de proxectos.
  Con02 - Metodoloxías para a xestión do alcance do proxecto.
  Con03 - Metodoloxías para a xestión de interesados.
  Con04 - Planificar nun horizonte temporal o proxecto e estimar os recursos necesarios.
  Con05 - Monitorizar o avance do proxecto e xestionar as desviacións e o control de cambios.
  Con06 - Conceptos básicos e avanzados sobre o proceso comunicativo, datos, información e coñecemento.
  Con07 - Prácticas en xestión e dirección de recursos humanos para crear valor na organización.
  Con08 - Metodoloxías para a Xestión de Riscos e Oportunidades do Proxecto (GROP).
  Con09 - Conceptos básicos e avanzados no ámbito da xestión da calidade de proxectos.
  Con10 - Metodoloxías da xestión de compras nun proxecto.
  Con11 - Metodoloxías de xestión de riscos específicas para proxectos de investimento.
  Con12 - Comprender os conceptos de sustentabilidade, desenvolvemento sostible, e resiliencia, e a súa aplicación á dirección de proxectos.
  Con13 - Procedementos para a solicitude, avaliación e xustificación científica e económica de proxectos de investigación.
  Con14 - Metodoloxías para definir a estratexia comercial do proxecto.
  Con15 - Como analizar, planificar e orzar as decisións de investimento, financiamento e operativas nun proxecto de investimento.

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):
https://www.usc.gal/gl/servizos/area/internacional

Prácticas

O alumno deberá de cursar un total de 12 créditos ECTS de prácticas en empresa, na que porá en práctica as competencias, habilidades e coñecementos adquiridos no máster. O alumno poderá elixir entre unha das máis de 130 empresas con convenio co máster existentes actualmente ou ben propoñer outra tipoloxía, sendo necesario subscribir un convenio entre a USC e a empresa, previo á incorporación do alumno. O alumno contará durante o desenvolvemento das súas prácticas en empresa cun titor académico, docente do máster, e un titor profesional, pertencente á empresa.

O traballo fin de máster pretende ser unha actividade profesional anticipada onde o alumno aplica os coñecementos adquiridos na súa formación, a un problema real e complexo. Ao realizar un traballo propio da xestión de proxectos deberá analizar o problema, elixir a solución máis adecuada para resolvelo e implementar as actuacións para a posta en práctica desta solución, finalizando cunha potencial avaliación dos resultados esperados. O tema do traballo será de suficiente magnitude, preferiblemente derivado dun encargo real. Cada alumno disporá dun titor para realizar o seguimento continuo e dinámico do mesmo. Contémplase a posibilidade de que o alumno elixa como traballo fin de máster unha temática nova na dirección de proxectos para profundar nesa liña de traballo. Tamén se contempla como posibilidade que o alumno desenvolva unha análise da madurez dunha organización, no tocante á implementación de metodoloxías e técnicas de xestión de proxectos.