Máster Universitario en Xornalismo e Comunicación Multimedia

O título presenta un plan de estudos dun curso de 60 ECTS. Combínanse materias de 3 e 6 ECTS, salvo as prácticas en empresa (12 ECTS) e o traballo de fin de máster (12 ECTS); organízanse en módulos segundo o tipo de materia (obrigatorias, propias de especialidade, prácticas en empresa e traballo de fin de máster).
 Obrigatorias: 33
 Optativas: 15
 Prácticas externas OB: 0
 Traballo fin de máster: 12
o Total: 60

O título ofrece dúas especialidades: "Especialidade en Análise e Estratexias do Xornalismo e a Comunicación Multimedia" e "Especialidade en Deseño de Proxectos e Emprendemento Xornalístico na Contorna Multimedia", cada unha delas con cinco materias optativas (15 ECTS en total). Para obter a especialidade, débese completar o itinerario optativo correspondente.
Non é obrigatorio cursar unha especialidade, polo que o/a estudante pode optar por titularse sen mención.

O primeiro semestre conta con 33 ECTS de carácter obrigatorio, mentres que no segundo semestre cúrsanse 15 optativos e 12 de traballo de fin de máster. Esta distribución considérase óptima para que o alumnado curse as materias obrigatorias durante o primeiro semestre e comeza o seu itinerario de especialización no segundo semestre, período no que ademais se intensifica o tempo dedicado ao traballo de fin de máster e, opcionalmente, realizan prácticas en empresa.

• Perfil de ingreso

  Alumnado con inquedanzas nas novas tendencias no xornalismo e a comunicación , que require de profesionais especializados na produción, xestión e distribución de contidos para plataformas dinámicas e versátiles, como Internet, as redes sociais e a telefonía móvil.

• Número mínimo de créditos ECTS de matrícula por estudante e período lectivo

  O título presenta un plan de estudos dun curso de 60 ECTS. Combínanse materias de 3 e 6 ECTS, salvo as prácticas en empresa (12 ECTS) e o traballo de fin de máster (12 ECTS); organízanse en módulos segundo o tipo de materia (obrigatorias, propias de especialidade, prácticas en empresa e traballo de fin de máster).
   Obrigatorias: 33
   Optativas: 15
   Prácticas externas OB: 0
   Traballo fin de máster: 12
  o Total: 60

• Acción titorial e acollida

  Acto de Benvida ás/os novas/os estudantes. Durante a primeira semana de cada curso académico organízase unha xornada de benvida que ten como finalidade orientar ós estudantes do Máster. Participan nesta sesión os responsables do equipo decanal e o/a coordinador/a de titulación. O acto termina cunha visita guiada polo Centro. Explícanse os detalles sobre o funcionamento da Facultade (aulas de informática, préstamo bibliotecario, salas de estudo) e as orientacións xerais sobre o plan de estudos.

• Acceso

  Acceso

  Poderán acceder ás ensinanzas oficiais de mestrado:
  1. As persoas que estean en posesión dun título universitario oficial español.
  2. Aquelas que teñan un título expedido por unha institución de educación superior do EEES que faculta no país expedidor do título para o acceso a ensinanzas de mestrado.
  3. Os titulados conforme a sistemas educativos alleos ao EEES sen necesidade de homologación dos seus títulos, previa comprobación pola Universidade de que os ditos títulos acreditan un nivel de formación equivalente aos correspondentes títulos universitarios españois e que facultan no país expedidor do título para o acceso a ensinanzas de posgrao.
  Requisitos específicos
  1º Ter unha titulación no ámbito de coñecemento de Xornalismo, Comunicación Audiovisual, Publicidade e Relacións Públicas.
  2º De non cubrirse a oferta de prazas por titulados universitarios no ámbito, o/a solicitante poderá solicitar a admisión con outra titulación da rama de Ciencias Sociais e Xurídicas ou Artes e Humanidades. Este alumnado terá que cursar os complementos formativos establecidos:
  • Introdución á comunicación xornalística dixital (1er semestre, 6 ECTS)
  • Introdución á comunicación audiovisual dixital (1er semestre, 6 ECTS)
  O alumnado procedente de países con un idioma oficial distinto ao galego, español ou portugués deberán acreditar o nivel de lingua galega (Celga2) ou lingua española (B2). En caso de non dispor de algún dos títulos, a USC realizará unha proba de nivel e, de non superala, deberán asistir a un curso intensivo de galego ou español no primeiro semestre ata alcanzar o nivel requirido.
  Recomendable: Coñecementos básicos de inglés conforme ao nivel B1 do Marco Común Europeo de Referencia para as Línguas.

  Admisión

  Os méritos que se valorarán no proceso de admisión serán os seguintes:
  • Expediente académico (70% da puntuación).
  • Currículo investigador/profesional (30% da puntuación). So se valorarán os traballos académicos ou científicos publicados relacionados cos contidos do Mestrado e a experiencia profesional exercida en xornalismo e comunicación.

• Formar aos estudantes nas últimas innovacións da práctica profesional en xornalismo e comunicación multimedia.
• Coñecer e aplicar os recursos e as ferramentas innovadoras do ecosistema comunicativo.
• Capacitar na elaboración e xestión de produtos, estratexias e proxectos xornalísticos na contorna multimedia.
Obxectivos formativos dás especialidades:
Especialidade en Análise e Estratexias do Xornalismo e a Comunicación Multimedia:
Capacitar para a análise, o estudo e a xestión estratéxica da comunicación e o xornalismo nunha contorna multimedia.
Especialidade en Deseño de Proxectos e Emprendemento Xornalístico na Contorna Multimedia:
Formar para a ideación, desenvolvemento, xestión e avaliación de proxectos multimedia.

• Competencias

  COM.1 - Seleccionar, xerarquizar e aplicar os coñecementos sobre xornalismo multimedia e as súas innovacións no ámbito profesional para elaborar argumentos sobre temas relevantes de índole social, científica ou ética.
  COM.5 - Aplicar os coñecementos e as habilidades adquiridas dunha forma profesional e ética no ámbito da Comunicación, tendo como referente os principios e valores democráticos e os Obxectivos de Desenvolvemento Sostible.
  COM.2 - Deseñar e implementar estratexias creativas no xornalismo e a comunicación multimedia.
  COM.3 - Planificar, deseñar, implementar, xestionar e avaliar proxectos xornalísticos en diferentes medios e soportes.
  COM.4 - Xestionar e liderar proxectos colaborativos con iniciativa e carácter emprendedor no ámbito profesional do xornalismo e a comunicación multimedia.

• Habilidades e destrezas

  HAB.1 - Utilizar técnicas e ferramentas específicas para o traballo en xornalismo e comunicación multimedia.
  HAB.2 - Aplicar estratexias para a xestión de proxectos xornalísticos multimedia.
  HAB.3 - Aplicar as innovacións tecnolóxicas no xornalismo multimedia.
  HAB.4 - Utilizar técnicas de investigación aplicadas á comunicación e ao xornalismo multimedia.
  HAB.5 - Analizar produtos, estratexias e proxectos xornalísticos do ecosistema comunicativo dixital.

• Coñecementos

  CON.1 - Comprender as características do xornalismo multimedia e os seus retos actuais.
  CON.2 - Coñecer os principios e as técnicas de análises e de elaboración de produtos xornalísticos multimedia.
  CON.3 - Identificar estratexias e modelos de innovación aplicados ao xornalismo e a comunicación.
  CON.4 - Comprender os fundamentos da investigación do xornalismo e a comunicación dixital no contexto actual.

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):
https://www.usc.gal/gl/servizos/area/internacional
O Master non contempla a participación, de xeito xeral, en programas de mobilidade, xa que so ten duración de un ano (60 ECTS).

Prácticas

No Máster é unha materia optativa de 12 ECTS. A selección dos estudantes admitidos, cando corresponde ao centro, realízase mediante convocatoria pública. As prácticas de máster prográmanse ao longo do segundo semestre e ata o final do curso académico. A dedicación máxima no lugar de destino de formación limítase a un máximo de 35 horas semanais. O programa de prácticas da Facultade oferta unicamente prácticas remuneradas, tanto curriculares como extracurriculares.
Ofrécense prazas en empresas do sector do xornalismo e a comunicación: medios de comunicación en diferentes soportes (prensa, radio, televisión, multimedia), produtoras, axencias de comunicación e institucións. A listaxe de convenios vixentes na Facultade pódese consultar no espazo de Prácticas do sitio web: https://www.usc.gal/es/centro/facultad-ciencias-comunicacion/practicas.

No Máster en Xornalismo e Comunicación Multimedia contémplase un Traballo de Fin de Máster de 12 ECTS, que pode ser de dous tipos: estudio teórico e proxecto práctico, que se definen na correspondente guía docente.