Máster Universitario en Atención Sanitaria, Xestión e Coidados

Créditos que deberá cursar o alumno para obter a titulación:

Obrigatorios 25
Optativos 28
Traballo Fin de Máster 7
Total 60

Este máster ten dúas especialidades:

 Especialidade Clínica
 Especialidade de Xestión

Este máster ten como obxectivo a formación de profesionais que sexan capaces de actuar en situacións de emerxencias sanitarias e ambientais, de urxencias sanitarias e de proporcionar coidados de soporte especializados no ámbito das unidades de coidados críticos, ademais de capacitalos no ámbito da xestión sanitaria.

• Perfil de ingreso

  Non se contempla

• Número mínimo de créditos ECTS de matrícula por estudante e período lectivo

  Créditos que deberá cursar o alumno para obter a titulación:

  Obrigatorios 25
  Optativos 28
  Traballo Fin de Máster 7
  Total 60

• Acción titorial e acollida

  Cada alumno do posgrao terá asignado un titor no ámbito da docencia clínica e teórica que realizará o seguimento do alumno/a con titorías personalizadas. Ao alumno/a proporcionaránselle todos os instrumentos TIC para o seguimento e aprendizaxe autónoma.

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Acceso

  Acceso

  Para acceder aos ensinos oficiais de Máster será necesario estar en posesión de:
  A.1. Un título universitario oficial español.
  A.2. Un título expedido por unha institución de educación superior pertencente a outro Estado integrante do Espazo Europeo de Educación Superior que faculte no mesmo para o acceso a ensinos de Máster.
  A.3. Un título pertencente a un sistema educativo alleo ao Espazo Europeo de Educación, previa comprobación pola Universidade de que o citado título acredita un nivel de formación equivalente aos correspondentes títulos universitarios oficiais españois e faculta no país expedidor do título para o acceso a ensinos de posgrao.
  A.4. Un título superior das Ensinanzas Artísticas Superiores do sistema educativo español.

  Admisión

  TITULACIÓNS DE ACCESO
  Licenciatura /Grao en Medicina.
  Diplomatura / Grao en Enfermaría
  Diplomatura / Grao en Podoloxía.

  Consultar a información actualizada en cada convocatoria anual de matrícula.

É un obxectivo primordial a formación de profesionais que sexan capaces de actuar en situacións de emerxencias e urxencias sanitarias e ambientais e de proporcionar coidados de soporte especializados no ámbito das unidades de coidados críticos; ademais de capacitalos no ámbito da xestión sanitaria.

• Competencias xerais

  Capacidade para coñecer o proceso de enfermaría desde diferentes enfoques que permita mellorar os coidados ás persoas, familia e contorna en espazos de participación
  Capacidade para recoller datos de interese sanitario, analizalos e transmitilos de maneira eficaz
  Capacidade para utilizar os novos sistemas de información nos ámbitos de desempeño da profesión

• Competencias específicas

   Capacidade de emprender accións con espírito de equipo.
   Capacidade para utilizar os novos sistemas de información nos ámbitos de desempeño da profesión.
   Capacidade para afrontar eficazmente problemas complexos.
   Capacidade de liderazgo e de toma de decisións.
   Compromiso ético e intelectual.
   Capacidade para dominar instrumentos e métodos do proceso ensinanza-aprendizaxe.
   Recoñecer os diferentes sistemas sanitarios e as fórmulas de xestión dos centros sanitarios e socio-sanitarios.
   Capacidad para dirixir e coordinar recursos humanos e de utilización de medios modernos de comunicación en favor da calidade da atención aos cidadáns.
   Capacidade para recoller datos de interese sanitario, analizalos e transmitilos de xeito eficaz.
   Capacidade para coñecer o proceso de enfermaría desde diferentes enfoques que permita mellorar os coidados ás persoas, familia e contorno en espazos de participación.
   Capacidade para utilizar medios de control de calidade adaptados ás funcións de enfermaría.

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa): Portal Internacional

Prácticas

As prácticas externas deste máster son fundamentalmente prácticas clínicas. Garántese a realización destas prácticas mediante convenios cos distintos organismos implicados na docencia (SERGAS, 061, e hospitais privados interesados na formación de profesionais sanitarios). Garántese o seguimento destas prácticas asignando a cada alumno/a un titor en cada centro implicado na docencia clínica. Cada alumno/a deberá realizar unha rotación polos distintos aspectos clínicos do máster (Urxencias, UVI móbil, UCI adultos, UCI pediátrica e Unidade de Coidados Coronarios..)

Trátase de traballos de investigación sobre un aspectos do máster que deberá ser tutelado. Cada alumno terá un titor que será profesor do máster para a realización do seu proxecto.

O persoal docente do máster está formado tanto por profesores da propia universidade como por profesorado externo, maioritariamente da área de Ciencias da Saúde, con ampla experiencia en docencia e investigación.