Grao en Paisaxe

• Perfil de ingreso

  Aínda que non se esixe unha formación previa específica, é recomendábel que o estudante teña cursado durante o bacharelato a modalidade de Ciencias e Tecnoloxía (R.D. 1467/2007). É, así mesmo, recomendábel que posúa as seguintes características persoais e académicas:

  - Curiosidade intelectual
  - Hábito de leitura
  - Capacidade analítica
  - Capacidade crítica
  - Capacidade de aplicar fundamentos para a resolución de problemas
  - Constancia e responsabilidade no traballo
  - Capacidade para o traballo en equipo
  - Capacidade para usar o tempo de forma efectiva
  - Competencia en expresión oral e escrita
  - Competencia lingüística en inglés (nivel B1), ademais de en castelán e en galego
  - Competencia en ferramentas informáticas básicas
  - Coñecementos básicos en debuxo técnico e xeoloxía a nivel de bacharelato

• Número mínimo de créditos ECTS de matrícula por estudante e período lectivo

  1.- O alumnado de primeiro curso por primeira vez a tempo completo ten que matricular 60 créditos. Un 15% do alumnado poderá cursar estudos a tempo parcial (30 créditos).
  2.- Continuación de estudos : libre cun máximo de 75 créditos.

• Acción titorial e acollida

  En canto aos procedementos de acollida e orientación aos estudantes de novo ingreso a ETSAC e a EPS de Inxeñaría deseñaron unha xornada de acollida en que se expoñen os obxectivos da titulación, o desenvolvemento da docencia e a metodoloxía de prácticas en empresas, así como os intercambios con outras universidades.

  Esta xornada de acollida de alumnos novos está estruturada baixo a forma dun conxunto de charlas para a presentación da titulación, a organización do grao e das escolas e os distintos servizos: biblioteca, laboratorios, aulas de informática, e son orientados sobre onde teñen que dirixirse para realizar as distintas xestións.

  Durante o primeiro mes do curso académico os estudantes teñen a posibilidade de asistiren a un curso organizado pola dirección da biblioteca da escola en que se lles explica a situación e organización de todo o material e o modo de procura de información bibliográfica.

  Ao longo de todos os seus estudos o estudante recibe, tanto desde os centros como da universidade apoio e orientación constante para a súa aprendizaxe e formación.

  O Plan de Acción Titorial (PAT) ten como obxectivo oferecer ao alumnado un apoio tutorial personalizado a través de accións de información, formación, orientación e seguimento ao longo de toda a súa traxectoria universitaria. A acción tutorial formúlase como unha estratexia educativa grupal e individual que permita dar resposta ás necesidades de apoio e asesoramento do alumnado ao longo do curso académico universitario. Implantouse na escola no curso 2009-2010 e está funcionando con excelentes resultados.

  O coordinador de intercambios realiza sesións informativas sobre os distintos programas de intercambio (Erasmus , Sicue, programas bilaterais) así como dos trámites administrativos a seguir para que a estancia na outra universidade resulte de proveito. Así mesmo orienta aos alumnos procedentes doutros países para unha frutífera estancia nesta universidade.

  O responsábel de prácticas en empresas organiza e fai o seguimento de todos os alumnos que desexen realizar estas prácticas asesorándoos ao longo de todo o período da súa estancia na empresa. Ademais existen múltiples actividades que orientan ao alumno e complementan o seu ensino.

  A USC ten un programa de alumnos titores para as titulacións de grao, de forma que alumnos de últimos cursos, logo dunha formación que lles facilita a Universidade, realizan tarefas de orientación aos alumnos que inician os estudos.

  Información programa alumnos titores:

  Programa alumnos titores

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Criterios de acceso e admisión

  Poden acceder a estudos de Grao aqueles estudantes que posúan os títulos, diplomas ou estudos seguintes ou otros declarados equivalentes ou homologados a estes:
  A.1. Bacharelato do Sistema Educativo Español, Bacharelato Europeo o Bacharelato Internacional.
  A.2. Bacharelato procedente de sistemas educativos de Estados membros da Unión Europea ou de otros Estados cos que se teñan subscrito acordos internacionais.
  A.3. Técnico Superior de Formación Profesional, Técnico Superior de Artes Plásticas e Diseño ou Técnico Deportivo Superior pertencente ao Sistema Educativo Español.
  A.4. Outros estudos que, nun Estado membro da Unión Europea ou noutros Estados cos que se teñan subscrito acordos internacionais en réxime de reciprocidade, acrediten os requisitos académicos esixidos en ditos Estados para acceder aos seus estudos universitarios.
  A.5. Títulos universitarios oficiais de Diplomado, Arquitecto Técnico, Enxeñeiro Técnico, Licenciado, Arquitecto, Enxeñeiro, Graduado ou Máster Universitario.
  A.6. Estudos universitarios parciais, estranxeiros ou españois.
  Tamén poderán acceder a estudios de Grao:
  B.1. Persoas maiores de vintecinco anos que superen unha proba de acceso específica.
  B.2. Persoas maiores de corenta anos con experiencia laboral ou profesional en relación cunha ensinanza universitaria.
  B.3. Persoas maiores de corenta e cinco anos que superen unha proba de acceso específica.
  Do mesmo xeito, poderán acceder a estudos de Grao:
  C.1. Persoas que estiveran en condicións de acceder á universidade segundo ordenacións do Sistema Educativo Español anteriores á Lei Orgánica 8/2013, de 9 de decembro.

Ademais das instalacións da Escola Técnica Superior de Arquitectura (UDC), a Escola Politécnica Superior de Enxeñaría (USC) conta con 18 aulas de uso xeral, 6 salas de seminario e 6 aulas de informática para docencia. Dispón de 18 laboratorios e 8 naves taller, 2 aulas de expresión gráfica e 1 seminario de topografía. Cabe destacar a existencia de dúas fincas de prácticas adscritas ao centro para o uso das titulacións ligadas á rama agraria e forestal, invernadoiros e a Granxa Experimental Gaioso-Castro.

Entre os espazos habilitados para o alumnado, conta cunha aula de informática de acceso libre, así como de conexión sen fíos dende calquera punto do centro.

O servizo de Biblioteca do Campus universitario de Lugo atópase centralizado nun único edificio denominado Biblioteca Intercentros, situado ao lado do centro, onde os alumnos dispoñen de máis de 1600 postos de consulta repartidos en 9 salas, incluíndo unha sala de traballo en grupo.

A finalidade do título “Graduado en Paisaxe” será a adquisición dunha formación académica de carácter multidisciplinar orientada á formación de profesionais específicos do paisaxismo, até a data inexistentes, abranguendo a análise e deseño da paisaxe, así como o desenvolvemento de proxectos específicos de paisaxes urbanas, culturais e de ordenación territorial. Así como o desenvolvemento, mantemento, xestión, conservación e restauración da paisaxe tanto pública como privada do medio urbano, rural e forestal.

• Competencias básicas

  - Que os estudantes demostren posuír e comprender coñecementos nunha área de estudo que parte da base da educación secundaria xeral, e adóitase atopar a un nivel que, aínda que se apoia en libros de texto avanzados, inclúe tamén algúns aspectos que implican coñecementos procedentes da vangarda do seu campo de estudo.
  - Que os estudantes saiban aplicar os seus coñecementos ao seu traballo ou vocación dunha forma profesional e posúan as competencias que adoitan demostrarse por medio da elaboración e defensa de argumentos e a resolución de problemas dentro da súa área de estudo.
  - Que os estudantes teñan a capacidade de reunir e interpretar datos relevantes (normalmente dentro da súa área de estudo) para emitiren xuízos que inclúan unha reflexión sobre temas relevantes de índole social, científica ou ética.
  - Que os estudantes poidan transmitir información, ideas, problemas e solucións a un público tanto especializado como non especializado.
  - Que os estudantes desenvolvan aquelas habilidades de aprendizaxe necesarias para emprenderen estudos posteriores cun alto grao de autonomía.

• Competencias xerais

  - Coñecer o papel das belas artes, a historia e as teorías da paisaxe, así como as tecnoloxías e ciencias humanas relacionadas con este.
  - Coñecer os sistemas de información e representación da paisaxe.
  - Coñecer a xeografía física e humana, o urbanismo e as técnicas aplicadas no proceso de planificación da paisaxe.
  - Comprender os problemas da concepción construtiva e estrutural vinculados cos proxectos de paisaxe así como as técnicas de resolución destes.
  - Coñecemento en materias básicas, científicas e tecnolóxicas que permitan unha aprendizaxe continua, así como unha capacidade de adaptación a novas situacións.
  - Coñecer os problemas físicos e ambientais; os factores hidrolóxicos e climáticos; a edafoloxía e a calidade vexetal que determinan a paisaxe.
  - Coñecer as organizacións, os actores, normativas e procedementos para plasmar os proxectos de paisaxe e estudos ambientais.
  - Comprender as relacións entre o territorio, a cultura, a economía, o clima, as persoas e as edificacións .

• Competencias específicas

  - Coñecemento dos actores, as modalidades de intervención, institucional e os marcos regulatorios: a Lei do solo e dos documentos de planificación; mellora do patrimonio e proxecto de desenvolvemento, etc..
  - Capacidade para formular unha visión de futuro expresando escenarios de evolución e imaxinar diferentes modos de acción sobre a paisaxe.
  - Capacidade para superar as continxencias dunha situación, sendo creativos, presentando unha proposta pertinente.
  - Programación, tendo en conta os aspectos sociais, xerárquicos, materiais, técnicos, estéticos, así como as normas dimensionais e funcionais a grande escala proxectual.
  - Capacidade para negociar e ter en conta as solicitudes en calquera etapa do proxecto.
  - Capacidade de proxectar unha estratexia orixinal e particular con distancia crítica.
  - Coñecemento adecuado das teorías xerais da forma, a composición e os tipos de paisaxe.
  - Coñecemento adecuado da historia xeral da paisaxe.
  - Coñecemento adecuado da estética e a teoría e historia das belas artes e as artes aplicadas.
  - Capacidade para expresar o diagnóstico e prognóstico dunha situación paisaxe de xeito racional, articulando características sensíbeis; organización espacial física e humana; elementos vivos, a evolución morfolóxica e histórica, que describe os factores e axentes no traballo.
  - Capacidade para proporcionar e integrar no deseño dos elementos dinámicos, fluxos e usos escalábeis e variábeis, os desastres naturais, etc. Capacidade de simular estes cambios no curto, medio e longo prazo.
  - Coñecemento da paisaxe cultural e natural: evolución.
  - Capacidade de interpretar espacialmente un problema de desenvolvemento e o territorio afectado, dando prioridade aos elementos de diagnóstico.
  - Capacidade de intervir nos xardíns e nas paisaxes de valor histórico, redactar e/ou colaborar na execución dos proxectos de restauración e rehabilitación
  - Elaboración, presentación e defensa dun proxecto de paisaxe orixinal, realizado individualmente.
  - Capacidade para inventariar os elementos, describir e valorar unha paisaxe forestal.
  - Coñecemento dos puntos estratéxicos de especial interese paisaxístico desde o punto de vista da paisaxe forestal e propoñer a creación de infraestructuras adecuadas.
  - Coñecementos do material vexetal: clasificación, especies e usos, fornezo e calidades, implantación.
  - Capacidade de coñecer, seleccionar e utilizar a vexetación en consonancia co lugar, carácter e enfoque do proxecto e en función da escala (rexional, local ou particular)
  - Coñecementos dos usos potenciais e das calidades ornamentais das especies vegetais en función da xestión, conservación e mantemento de zonas verdes.
  - Coñecemento das técnicas de restauración paisaxística, os sistemas de cubertas ecolóxicas e xardíns verticais, e a súa aplicación na paisaxe.
  - Coñecementos de ecoxeografía: teoría xeral dos sistemas; estrutura ecolóxica e modelos; análise dinámica; unidades de paisaxe e cartografía.
  - Coñecemento adecuado das fases de construción e secuencias no deseño do proxecto paisaxístico.
  - Coñecemento adecuado da ecoloxía, a sostenibilidade e os principios de conservación de recursos enerxéticos e ambientais.
  - Capacidade para comprender e anticipar as consecuencias sociais, culturais e ecolóxicas.
  - Coñecemento sobre a xestión social da paisaxe, ideoloxías, preservación e calidade ambiental.
  - Coñecemento adecuado dos Sistemas de información xeográfica
  - Deseño, produción e difusión da cartografía básica e temática. Implementación, xestión e explotación de Sistemas de información xeográfica.
  - Coñecemento da mecánica de sólidos, de medios continuos e do chan, así como das calidades plásticas, elásticas e de resistencia dos materiais de obra pesada.
  - Coñecemento adecuado para concibir, dimensionar, deseñar e integrar na paisaxe muros de fábrica e pavimentos exteriores
  - Coñecemento adecuado das características físicas e químicas, os procedementos de produción, a patoloxía e o uso dos materiais de construción aplicado á paisaxe.
  - Coñecemento adecuado para aplicar as normas técnicas e constructivas aplicadas á paisaxe.
  - Aptitude para concibir, calcular, deseñar, integrar na paisaxe e executar instalacións de fornezo, rega, iluminación, tratamento e drenaxe de augas na paisaxe.
  - Coñecemento adecuado das fases de construción e secuencias no deseño do proxecto paisaxístico.
  - Capacidade para valorar as obras, redactar os pregos de condicións; elección dos equipos e materiais; etc.
  - Coñecemento adecuado do proxecto de seguridade e saúde en obras relacionadas coa paisaxe.
  - Coñecemento adecuado para concibir, deseñar, integrar na paisaxe e executar solucións de terrapléns, escavacións, cimentacións, consolidacións e estruturas de contención.
  - Capacidade de realización de prácticas externas no ámbito profesional da paisaxe e de realizar unha memoria das actividades realizadas durante unha estancia externa, adquirindo coñecementos sobre a realidade das saídas laborais da titulación e tendo unha primeira experiencia profesional nun centro de traballo.
  - Elaboración, presentación e defensa ante un Tribunal Universitario dun Proxecto de Paisaxe orixinal, realizado individualmente.

• Competencias transversais

  - Expresarse correctamente, tanto de forma oral como escrita, nas linguas oficiais da comunidade autónoma. Capacidade de análise e síntese. Capacidade para o razoamento e a argumentación. Capacidade para elaborar e presentar un texto organizado e comprensible. Capacidade para realizar unha exposición en público de forma clara, concisa e coherente.
  - Utilizar as ferramentas básicas das tecnoloxías da información e as comunicacións (TIC) necesarias para o exercicio da súa profesión e para a aprendizaxe ao longo da súa vida. Habilidade no manexo de tecnoloxías da información e da comunicación (TIC). Capacidade para obter información axeitada, diversa e actualizada. Utilización de información bibliográfica e de Internet.
  - Desenvolverse para o exercicio dunha cidadanía respetuosa coa cultura democrática, os dereitos humanos e a perspectiva de xénero. Capacidade para traballar en grupo e abarcar situacións problemáticas de forma colectiva.
  - Adquirir habilidades para a vida. e hábitos, rutinas e estilos de vida saudábeis.
  - Estimular a capacidade para traballar en equipos interdisciplinares ou transdisciplinares, para ofrecer propostas que contribúan a un desenvolvemento sustentábel ambiental, económico, político e social.
  - Capacidade de xestionar tempos e recursos: desenvolver plans, priorizar actividades, identificar as críticas, estabelecer prazos e cumprilos. Capacidade de traballo individual, con actitude autocrítica.
  - Valorar a importancia que ten a investigación, a innovación e o desenvolvemento tecnolóxico no avance socioeconómico e cultura da sociedade.
  - Entender a importancia da cultura emprendedora e coñecer os medios ao alcance das persoas emprendedoras.

Mobilidade

A mobilidade dos estudantes realízase a partir do segundo ano de estudos da titulación, en períodos semestrais ou anuais. A selección dos candidatos lévase a cabo, para cada convocatoria ou programa, por unha comisión de selección, composta polo director/a, o subdirector/a responsábel de programas de intercambio, o/a responsábel da UAGCD e os/as coordinadores académicos, de acordo con criterios de baremación, previamente estabelecidos, que teñen en conta o expediente académico, unha memoria e, de ser o caso, as competencias en idiomas que esixe a universidade de destino.

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

Prácticas

As prácticas externas teñen un valor de 6 créditos ECTS e ofértanse en 4º curso da titulación. Están deseñadas para oferecer ao estudante unha formación práctica para o mundo laboral do sector da paisaxe Para iso, a UDC/USC conta cos convenios estabelecidos con entidades públicas e privadas do sector comprometidos en poñer a disposición dos estudantes do título os seus recursos humanos e instalacións para o desenvolvemento da súa formación.

O estudante deberá elaborar un portafolio durante o desenvolvemento das prácticas no cal especificará o tipo de práctica realizada, os obxectivos e competencias alcanzadas, os problemas cos que se atopou para a súa realización, as consultas e titorías realizadas, as solucións propostas, os mecanismos de mellora implementados, etc.

Finalmente elaborará e presentará ao seu titor académico unha memoria de prácticas en que debe describir as tarefas realizadas e as cuestións que considere relevantes así como un informe do titor profesional.

Mediante o informe e a memoria, o titor valorará as capacidades para a aplicación dos coñecementos relacionados ao ámbito da actividade profesional, as habilidades despregadas para levalo a cabo, así como as actitudes mantidas e a súa dispoñibilidade, observando as dificultades e solucións dadas polo estudante.

A materia Traballo Fin de Grao ten asignados 18 ECTS, ten carácter de traballo fin de titulación e consiste na elaboración, presentación e defensa perante un tribunal universitario dun traballo académico orixinal realizado individualmente relacionado con calquera das disciplinas cursadas.

Os contidos do traballo fin de grao (TFG) estarán dentro do ámbito profesional da paisaxe. Para determinar a procedencia dunha temática a desenvolver como TFG, o estudante deberá presentar unha proposta seguindo un formulario normalizado ante a comisión de seguimiento de TFG da titulación. Unha vez obtida a aprobación da proposta, o TFG poderá ser elaborado e presentado para a súa defensa.