Informática

A materia presenta unha introdución á computación e á programación en MATLAB en computadores tipo PC baixo o Sistema Operativo Windows con aplicación a problemas propios da Enxeñaría Química. Ademais, servirá como base para que o alumno poida solucionar problemas en cursos posteriores usando “toolboxes” de Matlab específicas da Enxeñaría Química.

É a primeira introdución do estudante no eido da informática e, en concreto, nos fundamentos da programación. Polo tanto, un primeiro obxectivo da materia é que o futuro enxeñeiro químico coñeza os fundamentos dos sistemas informáticos, facendo especial énfase nos compoñentes que son máis habituais no ámbito das aplicacións químicas na industria.

Os obxectivos relacionados co desenvolvemento de destrezas de programación ocupan unha parte fundamental da materia. En concreto, preténdese que o estudante desenvolva fluidez na especificación, deseño, programación e proba de aplicacións informáticas para a enxeñería química.

Contidos teóricos (20 horas):
---------------------------------------------------------------------------------
Introdución ao desenvolvemento de programas: Estruturas de datos e algoritmos. Linguaxes de programación, compiladores e intérpretes. Tipos de datos e expresións básicas. Estruturas algorítmicas de control. Programación modular. Entrada/saída.

Preténdese dar unha visión xeral do uso da informática para resolver problemas. Farase unha breve introdución aos sistemas informáticos pero profundarase no desenvolvemento de algoritmos e estruturas de control en xeral, para logo aplicarse especificamente en Matlab.

Bloque I. Introdución ao desenvolvemento de programas
Bloque II. Linguaxes de programación: Matlab
1. Constantes e variables. Tipos básicos
2. Expresións básicas.
3. Estruturas de selección.
4. Estruturas repetitivas.
5. Agrupacións de variables.
6. Programación modular: funcións.
7. Entrada/Saída.



Contidos prácticos (30 horas):
-------------------------------------------------------------------------

Sesión 1: Introdución ao entorno Matlab: Tipos de datos e Variables.
Sesións 2: Expresións en Matlab
Sesión 3-4: Funcións de Matlab.
Sesión 5: Estruturas de selección.
Sesión 6-7: Estruturas de iteración.
Sesión 8: Resolución de sistemas de ecuacións lineais.
Sesión 9: Funcións.
Sesión 10: Funcións anónimas.
Sesión 11: Integración simbólica e numérica.
Sesión 12-14: Variables de entrada/saída e agrupación.
Sesión 15: Exercicio de programación completa

Bibliografía básica:
- GILAT, Amos, 2006. MATLAB: una introducción con ejemplos prácticos. Barcelona: Reverté. ISBN: 978-84-291-5035-3. Dispoñible na Biblioteca ETSE: A300 35, e A300 35 A-D.
Este texto resulta básico para a materia pois aborda os fundamentos da computación dende a perspectiva do futuro enxeñeiro.

Bibliografía complementaria:

- PALM, William J., 2005. Introduction to MATLAB 7 for engineers. Boston: McGraw-Hill. ISBN: 0-07-123262-1. Dispoñible na Biblioteca ETSE: A012 30
- ETTER, Delores M., 1993. Engineering problem solving with MATLAB. Englewood Cliffs, New Jersey: Prentice Hall.: Dispoñible na Biblioteca ETSE: A012 76 USO EN SALA. Dispoñible na Biblioteca de Fisica: C00 112
- HANSELMAN, Duane C., LITTLEFIELD, Bruce, 2005. Mastering MATLAB 7. International Edition. Upper Saddle River (New Jersey): Pearson/Prentice Hall. ISBN: 0-13-185714-2. Dispoñible na Biblioteca ETSE: A012 22 B

Distribúense ademais as transparencias utilizadas na clase para a explicación da materia.

Competencias básicas:
CB.1. Que os estudantes teñan demostrado posuír e comprender coñecementos nun área de estudo que parte da educación secundaria xeral, e soe encontrarse a un nivel que, se ben se apoia nos libros de texto avanzados, inclúe tamén algúns aspectos que implican coñecementos procedentes da vangarda do seu campo de estudo.
CB.3. Que os estudantes teñan a capacidade de reunir e interpretar datos relevantes (normalmente dentro da súa área de estudo) para emitir xuízos que inclúan unha reflexión sobre temas relevantes de índole social, científica ou ética.

Competencias específicas – Módulo de formación básica:
FB.1. Capacidade para a resolución dos problemas matemáticos que poidan plantexarse na enxeñaría. Aptitude para aplicar os coñecementos sobre:
FB.1.3. Métodos numéricos; algoritmia numérica.
FB.3. Coñecementos básicos sobre o uso e programación dos ordenadores, sistemas operativos, bases de datos e programas informáticos con aplicación na enxeñaría.

Competencias xerais:
CG.3. Coñecemento en materias básicas e tecnolóxicas, que lles capacite para a aprendizaxe de novos métodos e teorías, e lles dote de versatilidade para adaptarse a novas situacións.
CG.4. Capacidade de resolver problemas con iniciativa, toma de decisión, creatividade, razonamento crítico e de comunicar e transmitir coñecementos, habilidades e destrezas no campo da enxeñaría química industrial.

Competencias transversais:
CT.1. Capacidade de análise e síntese
CT.4. Habilidades para o uso e desenvolvemento de aplicacións informáticas.
CT.6. Resolución de problemas
CT.13. Capacidade de aplicar os coñecementos á práctica
CT.19. Aprendizaxe autónomo

Trátase dunha materia que comeza a súa extinción neste curso 2024-2025, polo que se trata dunha materia sen docencia.

A avaliación se levará a cabo mediante a realización dun exame cuxa nota corresponderá ao 100% da materia.

O exame terá 2 partes claramente diferenciadas:

Parte 1. Exame teórico que constará de preguntas curtas relacionadas cos distintos contidos da materia. A súa nota será o 30% da nota global.

Parte 2. Exame de problemas que constará de varios problemas relacionados cos contidos da materia. A súa nota será o 70% da nota global.

Para o estudo da materia, recoméndase realizar a totalidade dos exercicios dos boletíns de problemas e de prácticas, tanto os que se resolvan nas propias sesións de prácticas coma os que queden propostos.

Recoméndase encarecidamente utilizar as titorías para a resolución das dúbidas respecto destes problemas ou de calquera contido da materia. Isto é especialmente importante co modelo de avaliación continua das prácticas, xa que uns contidos van asentándose sobre os anteriores, o que fai moi conveniente ter asimilados os temas anteriores antes de intentar comprender os novos.