Créditos ECTS Créditos ECTS: 6
Horas ECTS Criterios/Memorias Horas de Titorías: 3 Clase Expositiva: 21 Clase Interactiva: 30 Total: 54
Linguas de uso Castelán, Galego
Tipo: Materia Ordinaria Grao RD 1393/2007 - 822/2021
Centro Facultade de Administración e Dirección de Empresas
Convocatoria: Segundo semestre
Docencia: Sen docencia (En extinción)
Matrícula: Non matriculable (Só plans en extinción)
No curso de Ferramentas de análise económica preténdese ofrecer unha visión completa, pero accesible, da economía de mercado como mecanismo de asignación de recursos. Iso supón analizar a conduta das unidades económicas individuais e a solución do problema asignativo mediante a interacción no mercado de axentes económicos individuais. As nocións de racionalidade e equilibrio constitúen os principios organizadores do estudo. A partir da comprensión básica destes principios úsase a análise microeconómica como un instrumento para abordar de forma rigorosa diferentes problemas; entre outros, a toma de decisións empresariais, métodos da política microeconómica e da intervención pública, e, máis en xeral, os distintos elementos e institucións que conforman o funcionamento dunha economía moderna. Na última parte da materia introdúcese a análise de fallos de mercado debido á información asimétrica e mercados non competitivos con estudo de comportamentos estratéxicos por parte das empresas.
Teoría elemental da oferta e a demanda
A conduta dos consumidores.
Demanda individual e de mercado.
Produción e custos de produción.
Maximización de beneficios.
Mercados competitivos.
Competencia imperfecta. Monopolio e oligopolio
Informacion asimétrica: fallos de mercado e economía do comportamento
Bibliografía básica:
Pindyck, R, e Rubinfeld, D. (2018), Microeconomía, 9ª edición, Editorial Pearson, Madrid
Bibliografía complementaria:
Perloff, J.M. (2018): 8ª edición, Microeconomía. Ed. Pearson.
Varian, H. R. (2015), Microeconomía Intermedia. Un Enfoque Actual, 9ª edición, Editorial Antoni Bosch, Barcelona.
Core Team (2020): La Economía, https://www.core-econ.org/the-economy/book/es/text/0-3-contents.html
Libros de exercicios:
Congregado, E., Golpe, A. e Leal, Mª T. (2002), Microeconomía. Cuestiones y Problemas Resueltos, Editorial Prentice Hall, Madrid
Reboredo, J.C. (2017): Microeconomía. Teoría y cuestiones tipo test. Editorial Pirámide.
Ao completar a materia o alumno será capaz de:
Coñecer os conceptos económicos básicos: custo de oportunidade, vantaxe comparativa, utilidade, beneficio.
Entender o funcionamento do mercado e o papel dos prezos como portadores da información, relevante para a toma de decisións económicas, especialmente en mercados dixitais.
Coñecer as diferentes tipoloxías de mercado e as súas características básicas de funcionamento.
Competencias específicas da materia:
CE13 - Identificar fontes de información fiable, elaborar e interpretar dita información utilizando as técnicas de análise e as ferramentas matemáticas, estatísticas e tecnolóxicas apropiadas para dar apoio á toma de decisións
CE1 - Entender os aspectos fundamentais da contorna social e económica a nivel macro e micro, con especial atención ao comportamento do consumidor e a evolución dos sectores produtivos, no marco global da nova economía e a sociedade da información
Competencias básicas e xerais:
CX2 - Identificar, reunir, analizar e interpretar datos relevantes sobre cuestións relacionadas co ámbito empresarial e tecnolóxico
CX5 - Capacidade de análise do comportamento dos axentes económicos e do funcionamento dos mercados e o seu papel nos procesos de transformación dixital
CB1 - Que os estudantes demostrasen posuír e comprender coñecementos nunha área de estudo que parte da base da educación secundaria xeral, e adóitase atopar a un nivel que, aínda que se apoia en libros de texto avanzados, inclúe tamén algúns aspectos que implican coñecementos procedentes da vangarda do seu campo de estudo
CB2 - Que os estudantes saiban aplicar os seus coñecementos ao seu traballo ou vocación dunha forma profesional e posúan as competencias que adoitan demostrarse por medio da elaboración e defensa de argumentos e a resolución de problemas dentro da súa área de estudo
CB3 - Que os estudantes teñan a capacidade de reunir e interpretar datos relevantes (normalmente dentro da súa área de estudo) para emitir xuízos que inclúan unha reflexión sobre temas relevantes de índole social, científica ou ética
CB4 - Que os estudantes poidan transmitir información, ideas, problemas e solucións a un público tanto especializado como non especializado
CB5 - Que os estudantes desenvolvesen aquelas habilidades de aprendizaxe necesarias para emprender estudos posteriores cun alto grao de autonomía
Competencias transversais:
CT1 - Pensar de xeito integrado e crítico, e abordar os problemas desde diferentes perspectivas
CT5 - Capacidade de resolver problemas e tomar decisións aplicando os coñecementos teóricos á práctica
CT9 - Capacidade para a aprendizaxe autónoma e autoavaliación
A docencia impartirase de xeito semipresencial, empregando como apoio as plataformas corporativas da USC: Campus Virtual (Moodle) e Office 365.
O estudo e aprendizaxe desta materia apoiarase nas seguintes actividades:
a) Estudo autónomo po parte do alumnado dos materiais didácticos correspondentes a cada tema, que o profesorado facilitará a través do Campus Virtual.
b) Realización por parte do alumnado de actividades prácticas preferentemente de carácter individual. Estas actividades, detalladas na guía docente da materia, deberán ser entregadas nas datas fixadas polo profesorado dacordo co cronograma establecido. A información e entrega destas materias articularase a través do Campus Virtual.
c) Participación activa do estudantado en actividades colaborativas (por exemplo, foros de debate).
d) Sesións presenciais. Estas sesións, que de desenvolverán nos horarios establecidos pola facultade, impartiranse na aula correspondente. Nestas sesións levarase a cabo unha revisión breve dos contidos xerais de cada tema e desenvolveranse outras actividades complementarias ás realizadas de xeito individual polo alumnado, orientadas a fomentar a participación e posta en común de todo o grupo.
O profesorado establecerá un horario de atención ao alumnado para a orientación do traballo autónomo do alumnado. Estas titorías desenvolveranse de xeito preferente a través de MS Teams
A avaliación terá en conta todas as actividades desenvolvidas polo alumnado (realización de actividades prácticas individuais, participación en actividades colaborativas, exames, etc.)
Para os casos de realización fraudulente de exercicios ou probas será de aplicación o recollido na Normativa de Avaliación de Rendemento Académico do Estudantado e de Revisión de Cualificacións.
Para superar a materia hai dúas oportunidades. O alumnado que non supere a materia na primera oportunidade terá dereito a unha segunda, que será a que figure no seu expediente académico no suposto de que a calificación obtida fose superior á da primeira oportunidade.
O sistema de avaliación en ambas oportunidades será o seguinte:
1. Avaliación continua: realización de actividades prácticas individuais, participación en actividades colaborativas, etc. Terá un peso do 50% na calificación final. As actividades avaliables estarán recollidas na aula virtual, xunto coa súa ponderación. Nesta parte avalíanse as seguintes competencias: CE1, CE13, CB1, CB2, CB3, CB4, CB5, CT1, CT5
2. Examen final de contidos: proba de carácter obrigatorio na que se avaliarán os resultados da aprendizaxe. A guía docente detallará as características desta proba. Terá un peso do 50% na calificación final. Nesta parte avalíanse as seguintes competencias: CG2, CG5, CT9. Esta proba final terá carácter presencial, a celebrar na data hora fixada pola facultade.
Para poder engadir á nota da proba final de contidos a puntuación correspondente á avaliación continua, o alumnado deberá acadar unha nota mínima de 2 puntos sobre 5 no exame final de contidos, e ter participado alomenos no 70% nas actividades propostas. Para superar a materia é preciso obter unha nota conxunta mínima de 5 puntos.
No caso de non superar a materia, a puntuación correspondente á avaliación contínua nonserá gardada para cursos posteriores.
Dacordo coa Normativa de Permanencia vixente da USC para os estudos de grao e máster, a mera asistencia e/ou participación en calquera das actividades suxeitas a avaliación suporá que a nota final do alumnado sexa distinta de Non Presentado.
O alumnado ao que se lle teña concedida a dispensa de asistencia a clase será avaliado cun exame final específico, que suporá o 100% da cualificación final.
“Para os casos de realización fraudulenta de exercicios ou probas será de aplicación o recollido na Normativa de avaliación do rendemento académico dos estudantes e de revisión de cualificacións”.
A materia é de 6 créditos ECTS, o que supón unha carga de traballo de 150 horas en total. Estas distribúense do seguinte xeito:
a) Sesións presenciais: 12 horas
b) Titorías: 6 horas
c) Exame presencial: 3 horas
d) Traballo autónomo do/a alumno/a: 129 horas
- Revisión dos contidos didácticos antes de cada sesión presencial.
- Participación activa en todas as actividades individuas e colectivas propostas.
- Consulta da bibliografía recomendada para cad tema.
- Emprego da titoría sempre que sexa necesario.
Roberto Bande Ramudo
- Departamento
- Fundamentos da Análise Económica
- Área
- Fundamentos de Análise Económica
- Teléfono
- 982824436
- Correo electrónico
- roberto.bande [at] usc.es
- Categoría
- Profesor/a: Titular de Universidade
| 23.05.2025 19:00-22:00 | Grupo de exame | Seminario 1 |
| 03.07.2025 19:00-22:00 | Grupo de exame | Seminario 1 |