Créditos ECTS Créditos ECTS: 6
Horas ECTS Criterios/Memorias Traballo do Alumno/a ECTS: 99 Horas de Titorías: 3 Clase Expositiva: 24 Clase Interactiva: 24 Total: 150
Linguas de uso Castelán, Galego
Tipo: Materia Ordinaria Grao RD 1393/2007 - 822/2021
Departamentos: Fundamentos da Análise Económica
Áreas: Fundamentos de Análise Económica
Centro Facultade de Administración e Dirección de Empresas
Convocatoria: Segundo semestre
Docencia: Con docencia
Matrícula: Matriculable | 1ro curso (Si)
No curso de Microeconomía I preténdese ofrecer unha visión completa, pero accesible, da economía de mercado como mecanismo de asignación de recursos. Iso supón analizar a conduta das unidades económicas individuais e a solución do problema asignativo mediante a interacción no mercado de axentes económicos individuais que actúan racionalmente. As nocións de racionalidade e equilibrio constitúen os principios organizadores do estudio. A partir da comprensión básica destes principios úsase a análise microeconómica como un instrumento para abordar de forma rigorosa diferentes problemas económicos; entre outros, a toma de decisións empresariais, xeitos da política microeconómica e da intervención pública, e, mais en xeral, os distintos elementos e institucións que conforman o funcionamento dunha economía moderna.
A conduta dos consumidores.
Demanda individual e de mercado.
Elección intertemporal.
Produción.
Custos de produción.
Maximización de beneficios.
Mercados competitivos.
Bibliografía básica:
Varian, H. R. (2015), Microeconomía Intermedia. Un Enfoque Actual, 9ª edición, Editorial Antoni Bosch, Barcelona.
Bibliografía complementaria:
Perloff, J.M. (2018): 8ª edición, Microeconomía. Ed. Pearson.
Pindyck, R, y Rubinfeld, D. (2018), Microeconomía, 9ª edición, Editorial Pearson, Madrid
Core Team (2020): La Economía, https://www.core-econ.org/the-economy/book/es/text/0-3-contents.html
Libros de exercicios:
Congregado, E., Golpe, A. y Leal, Mª T. (2002), Microeconomía. Cuestiones y Problemas Resueltos, Editorial Prentice Hall, Madrid
Reboredo, J.C. (2017): Microeconomía. Teoría y cuestiones tipo test. Editorial Pirámide.
COMPETENCIAS BÁSICAS E XENERAIS
CB1 - Que os estudantes demostrasen posuír e comprender coñecementos nunha área de estudo que parte da base da educación secundaria xeral, e adóitase atopar a un nivel que, aínda que se apoia en libros de texto avanzados, inclúe tamén algúns aspectos que implican coñecementos procedentes da vangarda do seu campo de estudo.
CB2 - Que os estudantes saiban aplicar os seus coñecementos ao seu traballo ou vocación dunha forma profesional e posúan as competencias que adoitan demostrarse por medio da elaboración e defensa de argumentos e a resolución de problemas dentro da súa área de estudo.
CB3 - Que os estudantes teñan a capacidade de reunir e interpretar datos relevantes (normalmente dentro da súa área de estudo) para emitir xuízos que inclúan unha reflexión sobre temas relevantes de índole social, científica ou ética.
CB4 - Que os estudantes poidan transmitir información, ideas, problemas e solucións a un público tanto especializado como non especializado.
CB5 - Que os estudantes desenvolvesen aquelas habilidades de aprendizaxe necesarias para emprender estudos posteriores cun alto grao de autonomía.
CG1 - Posuír e comprender os coñecementos que definen á Administración e Dirección de Empresas como disciplina científica, incluíndo as súas teorías, historia, métodos, técnicas e áreas de aplicación, a un nivel que se apoia nas publicacións máis avanzadas e inclúe algúns dos aspectos máis relevantes que están na vangarda do coñecemento neste campo.
CG2 - Saber elaborar e defender argumentos sobre cuestións económicas a un nivel xeral, así como resolver problemas sobre estas cuestións, facendo uso dos seus coñecementos sobre a realidade empresarial, as teorías, os modelos e os métodos científicos propios.
COMPETENCIAS TRANSVERSAIS
CT1 - -Análise e síntese.
CT3 - -Comunicación oral e escrita.
CT4 - -Xestión da información.
CT5 - -Coñecementos de tecnoloxía da información relativos ao ámbito de estudo.
CT6 - -Resolución de problemas.
CT7 - -Toma de decisións.
CT8 - -Razoamento crítico.
CT9 - -Autonomía na aprendizaxe
CT10 - -Traballo en equipo
CT11 - -Traballo en equipo de carácter interdisciplinar
CT12 - -Habilidades nas relacións interpersoais
CT13 - -Sentido ético
CT14 - -Adaptación á contorna e ao cambio
CT15 - -Coñecemento doutras culturas e costumes, e traballo nun contexto internacional
CT16 - -Sensibilidade cara a problemas sociais e ambientais
CT17 - -Negociación e tratamento de conflitos
CT18 - -Iniciativa e espírito emprendedor
CT19 - -Creatividade e capacidade innovadora
CT20 - -Xestión por obxectivos
CT21 - -Xestión de proxectos
CT22 - -Desenvolvemento da calidade
CT23 - -Estimulación intelectual
COMPETENCIAS ESPECÍFICAS
A1 - A escaseza e a asignación de recursos, o sistema de prezos, teoría do consumo e da produción, equilibrio competitivo, mercados non competitivos, eficiencia económica e teoría do benestar.
D7 - Entender as institucións económicas como resultado e aplicación de representacións teóricas ou formais acerca de como funciona a economía.
O alumno debe desenvolver o coñecemento básico dos conceptos relacionados co consumo, a produción e o funcionamento dos mercados a nivel microeconómico.
Será capaz de analizar o comportamento do consumidor de acordo coa análise da utilidade ordinal, dominando os conceptos de utilidade e maximización, podendo deducir a curva de demanda dun ben.
Debe coñecer a proposta básica da tecnoloxía de produción e as regras que dominan esta a curto e longo prazo, comprendendo e sendo capaz de aplicar os conceptos de rendementos marxinais decrecentes e rendementos a escala. O alumno debe relacionar o anterior cos conceptos de custo a curto e a longo prazo para unha empresa. Por último, os alumnos deberán desenvolver a súa capacidade analítica e de investigación para relacionar situacións reais cos modelos abstractos estudados na materia, identificando os problemas e suxerindo posibles solucións.
As clases de pizarra en grupo grande serán clases expositivas que consistirán basicamente en leccións impartidas polo profesor, dedicadas á exposición dos contidos teóricos e á resolución de problemas ou exercicios. Estas sesións estarán destinadas a representar e explicar de maneira simplificada a realidade usando os conceptos de equilibrio de mercado e comportamento racional dos axentes económicos. Utilizando as ferramentas matemáticas e a dedución lóxica, explicarase como levar a cabo análise económico utilizando estes modelos para comprender a economía real. As clases de pizarra, ademais de transmitir coñecementos, teñen como propósito mostrar o alumno o método e a forma en que traballa un analista económico. Habilidades que o alumno terá que pór posteriormente en práctica nas clases en grupo reducido e o tempo dedicado a traballar de maneira autónoma.
As clases en grupo reducido estarán destinadas a propor e resolver aplicacións da teoría, problemas, exercicios e a analizar casos e exemplos que ilustren as teorías. Estas sesións tamén servirán para facer unha revisión dos coñecementos adquiridos que permita a interacción en forma crítica e a discusión de dúbidas expostas polos estudantes sobre os conceptos, método e técnicas de análise introducidas nas clases expositivas en grupo grande. Nestas sesións tamén se inclúen probas de avaliación se as houber.
Os alumnos disporán dunha guía docente con información específica sobre os contidos dos temas na que se lles informará sobre a súa importancia relativa e interrelación. Asimesmo, conterán referencias bibliográficas e pautas relacionadas cos contidos dos temas que servirán de apoio e orientación para o seu traballo individual e en grupo.
A guía docente detallada do curso (na que se describe de forma pormenorizada o sistema de avaliación, as guías docentes para cada tema, os boletíns de exercicios, material de apoio, actividades complementarias...) proporcionarase a través da aula virtual do curso.
A avaliación da materia ten en conta todas as actividades que se realizarán durante o semestre considerando diversos aspectos da adquisición de competencias ás que contribúe.
Todas as competencias sinaladas, á marxe da CT5 avalíanse no exame final.
A avaliación continua avalía as competencias transversais CT5, CT6, CT7, CT8 e as específicas A1 e D7.
O sistema de avaliación da materia basearase en dous compoñentes:
a) A proba final, que consiste nun exame escrito que se celebrará na data e hora que determine o calendario oficial do centro, e na que, para superar a materia, é preciso obter como mínimo un 2,8 sobre 7
b) A valiación continua, que resultará da participación activa e dos resultados obtidos nas actividades e tarefas realizadas nas clases, tanto expositivas como intercativas, ao longo do curso, e que contemplará distintos medios de avaliación: resolución de exercicios, cuestionarios tipo test, comentarios e preguntas de resposta curta.
A cualificación final terá en conta os requisitos anteriores, coa seguinte valoración:
a) 70% da puntuación total.
b) 30% da puntuación total.
A relación das diferentes actividades avaliables ao longo do curso, a súa ponderación, e como se vai facer o seu seguimento indicaranse na guía docente da materia que estará publicada na aula virtual ao comezo do curso.
A avaliación das actividades contidas no apartado b) terase en conta unicamente para o curso académico correspondente (é dicir, para as oportunidades de maio e xullo) e non se manterá para cursos posteriores.
Ao alumnado ao que lle sexa concedida dispensa de asistencia, seguindo a Instrución Nº 1/2017 da Secretaría Xeral sobre a dispensa de asistencia a clase en determinadas circunstancias, avaliarase cunha proba final específica para este caso que suporá o 100% da cualificación.
Seguindo a normativa oficial (DOG Núm. 136 Martes, 17 de xullo de 2012), a cualificación dunha convocatoria en que o alumno non se presenta ou non supera os obxectivos establecidos será de suspenso, salvo que o estudante non realice ningunha actividade académica avaliable conforme ao establecido na programación ou guía docente, caso en que constará como non presentado/a.
Para os casos de realización fraudulenta de exercicios ou probas será de aplicación o recollido na Normativa de avaliación do rendemento académico dos estudantes e de revisión de cualificacións.
Unha valoración estimativa do tempo de traballo, á marxe das clases, para a adecuada preparación da materia estaría ao redor das 90 horas. Distribuídas como segue:
TRABALLO PRESENCIAL NA AULA
Clases expositivas: 31 horas
Clases interactivas: 17 horas
Total 48 horas
TRABALLO PERSOAL DO ALUMNO
Estudo autónomo, individual ou en grupo 40 horas
Elaboración de exercicios 25 horas
Preparación de exames 25 horas
Total 90 Horas
A materia de Microeconomía caracterízase polo seu contido analítico e conceptual, polo que, para o seu dominio, se precisa o manexo de conceptos precisos dentro dun modelo matemático de interrelación. Non é preciso o dominio de técnicas matemáticas avanzadas, pero si a súa plena comprensión. É frecuente que algúns alumnos se atopen con dificultades na comprensión da materia polo grao de abstracción e razoamento lóxico que require. Para solucionar estas dificultades, recoméndase un estudo ordenado e metódico, que leva unha absorción progresiva dos conceptos e técnicas. Deste modo, é conveniente realizar os maiores esforzos de estudo ao comezo do curso, xa que, desta forma, os problemas poden ser resoltos polo alumno, coa axuda do profesor, nunha fase ceda, posibilitando o avance no coñecemento da microeconomía, que se facilita progresivamente unha vez entendidos os esquemas conceptuais básicos.
E necesario ter coñecementos a un nivel básico de matemáticas e estatística.
As titorías poderán realizarse presencialmente ou por vía telemática.
Roberto Bande Ramudo
Coordinador/a- Departamento
- Fundamentos da Análise Económica
- Área
- Fundamentos de Análise Económica
- Teléfono
- 982824436
- Correo electrónico
- roberto.bande [at] usc.es
- Categoría
- Profesor/a: Titular de Universidade
Yago Atrio Lema
- Departamento
- Fundamentos da Análise Económica
- Área
- Fundamentos de Análise Económica
- Correo electrónico
- yago.atrio.lema [at] usc.es
- Categoría
- Profesor/a: Axudante Doutor LOSU
| Venres | |||
|---|---|---|---|
| 11:00-12:45 | Grupo /CLE_01 | Castelán | Aula 1 |
| 26.05.2025 09:00-12:00 | Grupo /CLE_01 | Aula Magna |
| 30.06.2025 09:00-12:00 | Grupo /CLE_01 | Aula Magna |