Créditos ECTS Créditos ECTS: 6
Horas ECTS Criterios/Memorias Traballo do Alumno/a ECTS: 99 Horas de Titorías: 3 Clase Expositiva: 24 Clase Interactiva: 24 Total: 150
Linguas de uso Castelán, Galego
Tipo: Materia Ordinaria Grao RD 1393/2007 - 822/2021
Departamentos: Economía Financeira e Contabilidade
Áreas: Economía Financeira e Contabilidade
Centro Facultade de Administración e Dirección de Empresas
Convocatoria: Segundo semestre
Docencia: Con docencia
Matrícula: Matriculable
O obxectivo da materia é proporcionar ao alumno os coñecementos relativos ás modernas técnicas de dirección e xestión financeira, baixo unha perspectiva empresarial e dun modo integrador, situando a área financeira no contexto global da xestión empresarial, e tratando ao mesmo tempo de contrastar a investigación científica coa realidade da práctica empresarial. Dentro do ámbito das decisións financeiras esta materia céntrase basicamente nas decisións de investimento. Ao concluír con aproveitamento a materia os alumnos saberán:
• Distinguir os distintos tipos de decisións que conforman a actividade financeira da empresa, así como as súas interrelacións e obxectivos.
• Valorar os activos financeiros básicos, obrigacións e accións, e determinar a súa rendibilidade..
• Estimar correctamente os fluxos de caixa dun proxecto de investimento e aplicar correctamente os métodos de avaliación e selección de proxectos de investimento e as súas interaccións.
• Identificar as variables estratéxicas das decisións de investimento e realizar unha análise do risco asumido.
• Estimar a rendibilidade e o resigo dos investimentos financeiros.
• Analizar as particularidades das finanzas operativas referidas á xestión do circulante da empresa.
• Utilizar programas de folla de cálculo para resolver problemas financeiros.
O obxectivo financeiro da empresa. As decisións financeiras e o valor da empresa. Evolución histórica das finanzas. Principios básicos da xestión financeira. Valoración de activos financeiros. O concepto de investimento: tipoloxía. O proceso de análise de viabilidade dun proxecto de investimento. A dimensión financeira do investimento. Estimación dos fluxos de caixa: fluxo de caixa do proxecto, do accionista e incremental. Modelos clásicos de avaliación e selección de investimentos. Investimentos en bens de equipo. Restricións de capital. Incerteza e flexibilidade na análise de proxectos. Risco e rendibilidade dos investimentos financeiros. Administración de efectivo e valores negociables. Administración do crédito.
Tema 1. Introdución ás finanzas
Tema 2. Valoración de activos financeiros
Tema 3. O Valor Actual Neto e outros criterios de investimento
Tema 4. A determinación dos fluxos de caixa dun investimento
Tema 5. Aplicacións prácticas do VAN
Tema 6. A análise do risco na avaliación de proxectos
Tema 7. Introdución á relación entre rendibilidade e risco
Tema 8. Finanzas operativas: xestión do activo e pasivo circulante
BÁSICA:
BREALEY, MYERS y MARCUS (2007): Fundamentos de Finanzas Corporativas, 5ª edición, Mc-Graw Hill-Interamericana de España. Libro básico para los contenidos teóricos de la materia.
BREALEY, MYERS y ALLEN (2020): Principios de Finanzas Corporativas, 13ª edición, Mc-Graw Hill-Interamericana de España.
PINDADO, J. (Coord.) (2012): Finanzas Empresariales, Paraninfo, Madrid
ROSS, WESTERFIELD, JAFFE, JORDAN (2022): Finanzas Corporativas, 13ª edición, Mc-Graw Hill-Interamericana de España.
SESIONES INTERACTIVAS:
RODRÍGUEZ SANDIÁS, A. (2023): Dirección Financiera Aplicada: Inversiones, 5ª ed. Editorial Andavira.
COMPLEMENTARIA:
EMERY, D.R. y FINNERTY, J.D. (2001): Administración Financiera Corporativa, Pearson Educación.
KEOWN, A.J. y otros (1999): Introducción a las finanzas, Prentice Hall.
RODRÍGUEZ, A. (2013): Modelos de Análisis y Valoración de Proyectos, Ed. Andavira
Nota: Hay ediciones más recientes en inglés de los siguientes textos:
BREALEY, MYERS y MARCUS (20223): Fundamentals of Corporate Finance, 111ª edición, Mc-Graw Hill.
BREALEY, MYERS, ALLEN y EDMANS (20223): Principles of Corporate Finance, 141ª edición, Mc-Graw Hill.
Básicas e Xenerais
CB1 - Que os estudantes demostrasen posuír e comprender coñecementos nunha área de estudo que parte da base da educación secundaria xeral, e adóitase atopar a un nivel que, aínda que se apoia en libros de texto avanzados, inclúe tamén algúns aspectos que implican coñecementos procedentes da vangarda do seu campo de estudo
CB2 - Que os estudantes saiban aplicar os seus coñecementos ao seu traballo ou vocación dunha forma profesional e posúan as competencias que adoitan demostrarse por medio da elaboración e defensa de argumentos e a resolución de problemas dentro da súa área de estudo
CB3 - Que os estudantes teñan a capacidade de reunir e interpretar datos relevantes (normalmente dentro da súa área de estudo) para emitir xuízos que inclúan unha reflexión sobre temas relevantes de índole social, científica ou ética
CB4 - Que os estudantes poidan transmitir información, ideas, problemas e solucións a un público tanto especializado como non especializado
CB5 - Que os estudantes desenvolvesen aquelas habilidades de aprendizaxe necesarias para emprender estudos posteriores cun alto grao de autonomía
CG1 - Posuír e comprender os coñecementos que definen á Administración e Dirección de Empresas como disciplina científica, incluíndo as súas teorías, historia, métodos, técnicas e áreas de aplicación, a un nivel que se apoia nas publicacións máis avanzadas e inclúe algúns dos aspectos máis relevantes que están na vangarda do coñecemento neste campo
CG6 - Abordar a súa actividade profesional desde o respecto e promoción dos dereitos fundamentais das persoas, a igualdade entre as persoas, os principios de accesibilidade universal e deseño para todos e os valores democráticos e dunha cultura de paz
Transversais
CT1 - -Análise e síntese
CT2 - -Organización e planificación
CT5 - -Coñecementos de tecnoloxía da información relativos ao ámbito de estudo.
CT6 - -Resolución de problemas.
CT7 - -Toma de decisións.
CT8 - -Razoamento crítico
CT9 - -Autonomía na aprendizaxe
CT13 - -Sentido ético
CT21 - -Xestión de proxectos
Específicas
B4 - Selección de proxectos de investimento, modelos de carteira, estrutura de financiamento en canto a medios e políticas, custo do capital e combinación risco-rendibilidade
D2 - Integrarse en calquera área funcional dunha empresa ou organización e desempeñar con soltura calquera labor de xestión nela encomendada
D11 - Comunicarse con fluidez na súa contorna e traballar en equipo
Sesións expositivas
As sesións dedicadas a clases expositivas (24 horas) teñen como obxectivo a introdución e explicación dos aspectos básicos de cada tema proporcionando ao alumno a información adicional necesaria que permita un adecuado desenvolvemento do proceso de aprendizaxe. Nas mesmas explicaranse os conceptos básicos de cada tema así como as implicacións para a toma de decisións financeiras.
Para facilitar o seguimento das sesións úsanse proxeccións de diapositivas cos contidos fundamentais desenvolvidos en cada clase.
As clases expositivas levan a cabo con sesións de 1 hora e 45 minutos.
Sesións interactivas
As sesións interactivas (24 horas) están encamiñadas a resolver casos nos que o alumno se ten que enfrontar á toma de decisións financeiras. Trátase de poñer en práctica e en valor os coñecementos adquiridos nas sesións expositivas tratando de mostrar as diferentes alternativas ás que habitualmente ha de enfrontarse un decisor ante calquera problema financeiro, e mostrando como abordar a súa resolución da forma máis adecuada. Nas clases, e seguindo as instrucións e explicacións do profesor, os alumnos construirán os modelos financeiros en folla de cálculo necesarios para cada caso a partir de diferentes plantillas postas á súa disposición. Tamén se pon a disposición dos alumnos os diferentes casos adecuadamente resoltos. Este sistema de traballo permite reforzar as cuestións teóricas dos diferentes temas, previamente abordados nas sesións expositivas, necesarias para levar a cabo a resolución de cada caso, así como incidir na aplicabilidade dos devanditos coñecementos teóricos e a destreza do alumno na súa resolución.
As clases interactivas levan a cabo en sesións de 1 hora e 45 minutos semanais. Ademais impártese unha hora adicional ao comezo do cuadrimestre na cal se explica aos alumnos o propósito das sesións interactivas, como abordalas e mellorar o seu aproveitamento.
Os alumnos recibirán o apoio do campus virtual da USC, a través da páxina do curso na que se ofrecerá a programación periódica das clases e o material de apoio correspondiente, tanto para as sesións expositivas como interactivas. Cabe añadir, que dado o enfoque da materia e de aplicación a expresión de que “aprendese facendo”.
O sistema de avaliación terá dúas posibles alternativas
Alternativa A
Esta alternativa de avaliación requirirá que o estudante asista polo menos ao 80% das horas lectivas, agás o alumnado exento que poida beneficiarse desta sen cumprir o requisito de asistencia. Estará formada polos dous elementos seguintes:
Exame final (40%): proba escrita con enfoque teórico que se realizará nos días de exame oficial da materia, tanto na primeira como na segunda oportunidade. Esta proba consistirá en preguntas tipo test ou preguntas de resposta curta, podendo requirir algún cálculo.
Avaliación continua (60%): probas a realizar durante o curso. Estas probas poden ser escritas e/ou nunha folla de cálculo. O resultado da avaliación continua terase en conta na cualificación tanto da primeira como da segunda oportunidade.
En concreto:
EC1. (20%) Proba teórica que se realizará a mediados do curso sobre os tres primeiros temas da materia. Liberador.
EC2. (20%). Proba de folla de cálculo que se realizará ao final do curso. Exercicios dos temas 3 e 5.
EC3. (20%). Proba de folla de cálculo que se realizará ao final do curso. Un caso dos temas 4 e 6.
Para superar a materia será necesario obter polo menos un 5, e acadar polo menos o 40% da nota en cada unha das dúas partes (1,6 no exame final e 2,4 na avaliación continua).
Alternativa B
Aqueles alumnos que non opten pola alternativa A realizarán un exame teórico práctico de 8 puntos tanto na primeira como na segunda oportunidade. Tamén poderán beneficiarse desta modalidade aqueles alumnos que, optando inicialmente pola alternativa A, non acaden unha cualificación suficiente nas probas de Avaliación Continua.
O sistema de avaliación será o mesmo para todos os alumnos que cursen a materia, sexan de primeira matrícula ou de posterior matrícula.
Nos supostos de realización fraudulenta de exercicios ou probas, aplicarase o disposto na Normativa de avaliación do rendemento académico do alumnado e revisión das cualificacións.
En canto á avaliación de competencias:
a) Nas probas escritas poderán ser avaliados:
CB1, CB2, CB3, CB4, CB5, CG1, CG6, CT1, CT2, CT6, CT7, CT8, CT13, B4, D2, D11
b) Nas probas de follas de cálculo poderán avaliarse os seguintes:
CB1, CB2, CB3, CB5, CG1, CG6, CT2, CT5, CT6, CT7, CT9, CT21, B4, D2
Horas de docencia presencial (48)
Como xa foi indicado as horas presenciais en clase son 48 (24 expositivas e 24 interactivas)
Traballo individualizado do alumno (102)
O alumno debería dedicar de forma individual o seguinte número de horas para un adecuado aproveitamento da materia:
Lectura da bibliografía básica recomendada: 35 horas
Resolución autónoma dos casos prácticos desenvolvidos nas sesións interactivas: 25 horas
Titorías individuais: 2 horas
Preparación de probas: 37
Realización de probas (fora de horario de clase): 3
Total: 150 horas, 6 créditos ECTS
Recoméndase a asistencia e participación activa nas clases presenciais e utilización das titorías. Resulta importante ir fixando os coñecementos a medida que se vaian impartindo debido ao carácter continuo da materia e á estreita relación entre os distintos temas. Desta forma obterase un maior rendemento e proveito dos contidos teóricos e prácticos.
Para un mellor aproveitamento da materia é oportuno ter coñecementos de análises e cálculo financeiro e de contabilidade financeira, que se imparten en materias de primeiro e segundo curso no grao de ADE. Ademais, tamén é necesario ter un coñecemento suficiente do uso de programas de folla de cálculo en tanto que todas as sesións interactivas da materia desenvólvense a través da realización de modelos financeiros en folla de cálculo. Dada a importancia que o uso da folla de cálculo ten no desenvolvemento da materia elaborouse unha monografía, Fundamentos de Excel para Finanzas, que se pon a disposición dos alumnos a través do campus virtual.
Jacobo Feas Vazquez
Coordinador/a- Departamento
- Economía Financeira e Contabilidade
- Área
- Economía Financeira e Contabilidade
- Teléfono
- 982824466
- Categoría
- Profesor/a: Profesor Contratado/a Doutor
| Venres | |||
|---|---|---|---|
| 11:00-12:45 | Grupo /CLE_01 | Castelán | Aula 3 |
| 29.05.2025 12:00-15:00 | Grupo /CLE_01 | Aula Informática 1 |
| 29.05.2025 12:00-15:00 | Grupo /CLE_01 | Aula Informática 2 |
| 03.07.2025 16:00-19:00 | Grupo /CLE_01 | Aula Informática 2 |