O Grao en Xestión Cultural ten como obxectivo principal formar a profesionais que desenvolverán a súa actividade no ámbito da xestión da cultura, ben ao servizo de institucións públicas ou privadas ou orientando a súa actividade ao mundo da empresa.
Duración:
4 anos académicos
Código RUCT: 2504332
Número prazas: 20
Decano/a ou director/a do centro:
GONZALO FRANCISCO FERNANDEZ SUAREZ
gonzalofrancisco.fernandez@usc.es
Linguas de uso:
Castelán, Galego
Nivel MECES: 2
Universidade coordinadora:
Universidade de Santiago de Compostela
Universidade(s) participante(s):
Universidade de Santiago de Compostela
Data da autorización de implantación do título pola Xunta de Galicia:
Orde do 8 de xullo de 2021 (DOG 16/07/2021)
Data de publicación no BOE:
17/01/2022
Data da última acreditación:
24/05/2021
O itinerario formativo deste Grao, de clara orientación profesionalizante, combina materias de diversas áreas das ciencias humanas e sociais así como outras de natureza instrumental. Estas materias no seu conxunto proporcionan a formación requirida a un xestor cultural en ámbitos tan diversos como a economía da cultura, as políticas culturais, o marketing e a comunicación cultural, os proxectos culturais, o patrimonio e a antropoloxía, a socioloxía, o turismo cultural e o desenvolvemento sostible, a dixitalización do patrimonio, as Tic, a cultura e patrimonio de Galicia, a historia da arte, os sectores audiovisuais e editorial, o patrocinio e o mecenado, a lexislación sobre patrimonio, a literatura ou as artes escénicas.
Non se contemplan
As actividades docentes online realizaranse a través do programa MS Teams (Microsoft) e da aula virtual no Campus Virtual da USC. Para o seu correcto seguimento o equipamento informático necesario para as actividades formativas será o seguinte: computador con sistema operativo actualizado, webcam, auriculares e micrófono, conexión a Internet ou teléfono móbil. A Universidade achegará os programas informáticos necesarios para o acceso ás ferramentas formativas (Office 365, TEAMS, etc.).
Aínda que non se esixe ningunha formación previa específica, para o ingreso no grao en Xeografía e Ordenación do Territorio recoméndase que a formación do alumnado sexa de Ciencias Sociais (R.D. 1467/2007, BOE do 6 de novembro, polo que se establece a estrutura do bacharelato e fíxanse as ensinanzas mínimas).
Calidades desexábeis do futuro estudante do grao en Xeografía e Ordenación do Territorio:
- Que teña capacidade de observación, análise, interpretación e síntese.
- Que manifeste interese polas novas tecnoloxías.
- Que teña sensibilidade social e medioambiental.
- Que goce coa lectura.
- Que saiba traballar en equipo.
- Que sexa dialogante e teña dotes para redactar e falar en público.
1.- O alumnado de primeiro curso por primeira vez a tempo completo ten que matricular 60 créditos.
Un 15% do alumnado poderá cursar estudos a tempo parcial (30 créditos).
2.- Continuación de estudos : libre cun máximo de 75 créditos
A USC realiza todos os anos, ao comezo do curso, xornadas de acollida organizadas polo vicerreitorado con competencias en asuntos estudiantís, que se desenvolven na primeira quincena do curso en todos os centros universitarios, e que teñen por obxecto presentar aos novos estudantes as posibilidades, recursos e servizos que lle oferece a Universidade.
Para o alumnado da modalidade semipresencial a benvida e orientación efectuarase através da plataforma docente, mediante a difusión de materiais audiovisuais e a creación dun foro de benvida que sirva para resolver dúbidas iniciais ou para outros fins.
Cada ano desde a Comisión de Calidade de Centro planifícanse as actividades que se van a levar a cabo para acoller, orientar e tutelar o alumnado desde a súa incorporación á facultade e durante todo o período formativo, coa finalidade de favorecer tanto a aprendizaxe e desenvolvemento do estudante como a súa orientación face a un futuro mercado laboral.
Estas actividades oriéntanse a tres vías:
- Programa de alumnos/as titores/as
- Apoio tutorial extraordinario
- Actividades de orientación e formación
Ademais, a USC conta cos seguintes servizos para os/as estudantes matriculados/as:
1) Oficina de Información Universitaria (OIU)
2) Servizo Universitario de Residencias (SUR)
3) Área de Orientación Laboral e Emprego
4) Servizo de Relacións Exteriores (SRE)
5) Servizo de Participación e Integración Universitaria (SEPIU)
6) Área de Valorización, Transferencia e Emprendemento (AVTE)
Por outro lado, a USC ten un programa de alumnos titores para as titulacións de grao, de forma que alumnos de últimos cursos, logo dunha formación que lles facilita a Universidade, realizan tarefas de orientación aos alumnos que inician os estudos.
Información programa alumnos titores:
Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:
• A admisión de matrículas de novo ingreso na titulación.
• A supresión gradual da impartición da docencia.
• Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.
Os xerais para as titulacións de grao.
Non se contemplan condicións nin probas de acceso especiais
A Facultade de Humanidades conta con seis aulas de propósito xeral no propio edificio. Todas as aulas están equipadas con computador con conexión a internet, canón videoproxector e multiplexores de sinal para usar estes canóns cos portátiles, tablets ou smartphones dos usuarios. Dous delas dispoñen de taboleiro dixital. A capacidade destas aulas varía dos 32 postos, a máis pequena, a 88, a máis grande. A iluminación principal das aulas é artificial. Todas as aulas contan con climatización por aire, programable, con renovación segundo a normativa aplicable. Existe cobertura Wifi en todas elas.
Unha das aulas (aula 14) utilízase como aula multimedia, xa que dispón, ademais do mencionado anteriormente, unha TV de 49” e un dispositivo de autograbación ( Galicaster Totem Kit), que permite a gravación sincronizada da imaxe e voz do docente e a pantalla do computador que estea a usar. Os vídeos resultantes úsanse como material académico.
Actualmente, o edificio conta con cinco seminarios para o seu uso en docencia, catro dos cales posúen ordenador e canón videoproxector. Sitúanse na primeira e segunda planta do edificio principal da Facultade de Humanidades. Son espazos de capacidade reducida ( aprox. 20 postos) para traballo en grupo en materias con contido fundamentalmente interactivo. Todos os seminarios contan con amplas cristaleiras que permiten gozar dunha iluminación completamente natural. Existe cobertura de Wifi en todos os seminarios.
O Grao en Xestión Cultural ten como obxectivo principal formar profesionais que desenvolvan a súa actividade profesional no ámbito da xestión da cultura e que unha vez terminados os seus estudos poidan incorporarse ao mercado de traballo quer ao servizo de institucións públicas ou privadas, quer orientando a súa actividade face ao mundo da empresa.
- Que os estudantes demostren posuír e comprender coñecementos nunha área de estudo que parte da base da educación secundaria xeral, e adóitase atopar a un nivel que, aínda que se apoia en libros de texto avanzados, inclúe tamén algúns aspectos que implican coñecementos procedentes da vangarda do seu campo de estudo
- Que os estudantes saiban aplicar os seus coñecementos ao seu traballo ou vocación dunha forma profesional e posúan as competencias que adoitan demostrarse por medio da elaboración e defensa de argumentos e a resolución de problemas dentro da súa área de estudo
- Que os estudantes teñan a capacidade de reunir e interpretar datos relevantes (normalmente dentro da súa área de estudo) para emitiren xuízos que inclúan unha reflexión sobre temas relevantes de índole social, científica ou ética
- Que os estudantes poidan transmitir información, ideas, problemas e solucións a un público tanto especializado como non especializado
- Que os estudantes desenvolvan aquelas habilidades de aprendizaxe necesarias para emprender estudos posteriores cun alto grao de autonomía
- Mostrar flexibilidade e dinamismo e, por tanto, ser capaces de adaptarse a novas situacións, mantendo unha actitude positiva e proactiva.
- Adquirir a capacidade de análise e crítica necesaria para achegar solucións e novas ideas, así como para transmitir información e coñecementos.
- Organizar o traballo, con iniciativa e capacidade de liderado, e tendo en conta as características do proxecto e a súa función nunha estrutura organizativa.
- Recoñecer e asumir un sólido compromiso cos valores democráticos e cos dereitos fundamentais do ser humano, atendendo, especialmente, á igualdade de xénero, á multiculturalidad e á non discriminación de persoas con diversidad funcional.
- Coñecer e poñer en valor o patrimonio cultural, nas súas vertentes material e inmaterial
- Comprender e interpretar os fundamentos históricos, antropolóxicos, sociais e artísticos dos procesos culturais, desenvolvendo unha actitude crítica a respeito deles e cunha especial atención á igualdade de xénero
- Coñecer os principais conceptos relacionados coas actuacións en materia de patrimonio e cultura, examinándoos desde unha perspectiva crítica e con miras á súa aplicabilidade no traballo cultural
- Coñecer as posibilidades que oferecen as linguas para a transmisión de contidos culturais, tanto na súa dimensión oral como escrita e nos distintos niveis (local, nacional e internacional) de traballo no mundo da cultura
- Coñecer e comprender os procesos culturais así como as últimas tendencias no mundo da cultura tanto en contextos próximos como internacionais
- Comprender o funcionamento das industrias culturais e creativas así como o seu marco lexislativo
- Coñecer o valor da cultura como ferramenta de transformación social e resposta aos principais problemas das sociedades contemporáneas
- Coñecer os aspectos básicos de planificación, deseño, organización e difusión de proxectos culturais, tanto no ámbito privado como no público e tanto na súa vertente física como dixital
- Coñecer os aspectos básicos de planificación, deseño, organización e difusión de eventos culturais, tanto no ámbito privado como no público e tanta na súa vertente física como dixital
- Xestionar os recursos humanos, materiais e económicos necesarios para a posta en marcha de proxectos e eventos culturais
- Comprender e aplicar as estratexias da comunicación cultural no contorno dixital para difundir e visibilizar a cultura e os proxectos culturais mediante o manexo das TIC
- Coñecer as posibilidades que os novos contornos digitais oferecen para a reinterpretación da experiencia cultural, tanto en termos de difusión e xeración de materiais complementarios, como propiamente de creación dixital
- Identificar e analizar as distintas políticas culturais, con especial atención á súa proxección económica e ás súas posibilidades para o desenvolvemento das comunidades
- Coñecer as diferentes dimensións do territorio e analizar as estratexias para un desenvolvemento sustentábel mediante actividades culturais (turismo, xestión e conservación do patrimonio, espectáculos, etc.)
- Comprender o funcionamento dos repositorios culturais (museos, arquivos, bibliotecas, etc.) e aplicar os procedementos da cultura dixital á súa xestión
- Recoñecer a diversidade de culturas comunicativas e desenvolver estratexias para facilitar a comunicación entre colectivos humanos diversos
- Recoñecer a diversidad do consumo cultural por parte de distintos sectores da sociedade, con especial atención ás persoas con necesidades específicas, e adaptar os produtos culturais para o seu goce por parte de cada colectivo
- Adquirir habilidades para analizar e sintetizar información procedente de distintas fontes, valorando a súa relevancia e interese en función dos obxectivos que se persigan
- Coñecer a norma e uso coherente, correcto e adecuado da lingua española, tanto de forma oral como escrita
- Coñecer a norma e uso coherente, correcto e adecuado da lingua galega, tanto de forma oral como escrita
- Coñecer a norma e uso coherente, correcto e adecuado de dúas linguas estranxeiras, tanto de forma oral como escrita
- Coñecer e aplicar correctamente as ferramentas informáticas e manexar as novas tecnoloxías relacionadas cos campos de coñecemento propios do grao, tanto para finalidades de investigación como de docencia e exercicio profesional
- Organizar e planificar o traballo en función dos obxectivos e recursos dispoñíbeis
- Traballar en equipo, compartindo os coñecementos e sabéndoos comunicar ao resto do equipo, á organización e á sociedade
- Desenvolver a creatividade, a iniciativa e o espírito emprendedor
- Manter un compromiso ético e mostrar sensibilidade cara a temas sociais ou ambientais
A selección de candidatos/as, nas convocatorias de intercambio académico en que a asignación de destinos sexa realizada polo Centro, desenvolverase de acordo coa normativa. Así, será presidida polo responsable académico de movilidad do Centro e integrado polos coordinadores académicos e por o/a responsable da Unidade de xestión de centro e departamento, que actuará como secretario/a.
A Facultade, ademais dos\/as responsables citados arriba, conta coa colaboración de varios profesores/as que actúan como coordinadores académicos, e cuxa función é tutorizar e asistir nas súas decisións académicas aos estudantes propios e de acolleita.
A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):
O plan de estudos do Grado en Xestión Cultural contempla a realización de prácticas externas no primeiro semestre do último curso cunha extensión de 6 ECTS. O obxectivo fundamental é oferecer ao estudante a oportunidade de efectuar unha inmersión no mundo profesional e, así mesmo, de aplicar de xeito integrado e consolidar o conxunto de competencias e aprendizaxes que traballou ao longo do itinerario formativo.
Durante a realización das prácticas, o/a estudante dispón dun seguimento docente personalizado mediante un profesional que actúa como titor/a de centro de prácticas e un membro do profesorado que exerce como titor/a académico/a, os cales garanten que as prácticas se levan a cabo respeitando o proxecto formativo acordado, seguindo os principios de inclusión, igualdade de oportunidades, non discriminación e accesibilidade universal.
Poderán realizarse en entidades colaboradoras tales como empresas, institucións e entidades públicas e privadas, relacionadas co ámbito da xestión cultural tanto nacionais como internacionais, oferecendo aos estudantes a posibilidade de realizar prácticas formativas en países europeos participantes no programa Erasmus co obxectivo de contribuír a os estudantes se adaptaren ás esixencias do mercado laboral a nivel europeo e a desenvolveren competencias de tipo lingüístico, cultural e profesional.
Estableceranse procedementos de configuración da oferta, difusión, solicitude e adxudicación das prácticas externas tanto na modalidade presencial como na semipresencial.
Esta titulación contempla a elaboración dun traballo fin de grao de 6 ECTS.
Trátase de profundar nos coñecementos, capacidades e actitudes vinculando os alumnos á realidade da xestión cultural, tanto do sector público como privado, completando a súa formación teórica coa experiencia práctica. A materia ten como finalidade que durante o período de prácticas os/as estudantes se formen e que ademais teñan a oportunidade de observar o funcionamento e dinámica xeral das empresas e institucións.
Tras cursar esta materia os/as alumnos/as han de ser capaces de:
1. Realizar con coñecemento e responsabilidade unha práctica profesional e, de ser o caso, de investigación no marco de entidades públicas ou privadas dedicadas ao sector da xestión cultural.
2. Traballar coas tecnoloxías da información e as comunicacións (TIC) nos distintos ámbitos do sector cultural.
3. Aplicar os coñecementos adquiridos a futuras situacións profesionais.
A avaliación do Traballo Fin de Grado será levada a cabo mediante defensa pública perante un tribunal ou segundo os procedementos recollidos no “Regulamento de Traballo de Fin de Grado” que estea en vigor en cada momento.