Tecnoloxías da producción animal

Coñecemento de sistemas vinculados á tecnoloxía da produción animal: mecanización do muxido e do manexo de alimentos. Coñecemento de instalacións para garantir a hixiene e benestar animal. Saber deseñar aloxamentos para gando e coñecemento dos elementos específicos que forman parte das súas instalacións.

A memoria do título contempla para esta materia os seguintes contidos:

Sistemas de muxido mecanizado: salas e robots. Mecanización da recolección de forraxe. Distribución mecanizada de alimentos e camas. Deseño de naves para produción animal. Deseño de salas de muxido. Deseño de silos de forraxe. Particularidades da instalación eléctrica e de fontanería en aloxamentos gandeiros. Instalacións complementarias: sistemas de limpeza, fosa de zurro, camiños, cercas, almacéns, colares para alimentación, dispositivos para detección de celos, ventiladores, amamantadoras, etc.

Estes contidos serán desenvoltos de acordo ao seguinte temario (a duración asignada a cada tema é aproximada):

A) CLASES MAXISTRAIS (32 horas de traballo non presencial)
Tema 1. Distribución mecanizada de alimentos e camas (2h).
Tema 2. Instalacións de muxido: construción, funcionamento, ensaios mecánicos (8 h).
Tema 3. Os sistemas de muxido robotizados (4h).
Tema 4. Mecanización do tratamento e distribución de residuos (2h).
Tema 5. Deseño de naves para produción animal (8 h).
Tema 6. Deseño de salas de muxido (4h).
Tema 7. Deseño de silos de forraxe (2h).
Tema 8. Instalacións complementarias(2h).

B) PRÁCTICAS (32 horas de traballo non presencial)
Práctica 1. Identificación e compoñentes das instalacións de muxido (4 h).
Práctica 2. Funcionamento e ensaios mecánicos de instalacións de muxido (4 h).
Práctica 3. Ensaios dinámicos (4 h).
Práctica 4. Dimensionado de naves tendo en conta a hixiene e o benestar animal (6 h) .
Práctica 5. Deseño integrado da explotación (8 h).
Práctica 6. Particularidades da instalación eléctrica e de fontanería (2 h).

Bibliografía básica:

AENOR. 1998. Instalaciones de ordeño: construcción y funcionamiento, ensayos mecánicos, vocabulario. Norma española UNE 68050 - 68061 - 68048 = ISO 5707 - 6690 - 3918. AENOR. Madrid.

Blanco, I.; Cantalapiedra, J.J.; Carreira, X.C.; Fernández, Mª.E.; Mariño, R.; Méndez, M.; Pereira, J.M.; Pérez, X.C.; Veiga, J.A.; Torres, M.L. 2013. Benestar animal e instalacións. Gando vacún leiteiro. Xunta de Galicia. Consellería do Medio Rural e do Mar. Santiago de Compostela 96pp.

Buxadé Carbó, C. 2002. El ordeño en el ganado vacuno: Aspectos clave. Mundi-prensa. Madrid.

Callejo Ramos, A. 2009. Cow comfort. Ed. Servet, Zaragoza.

Giordano, J.M.; Gallardo, M.; Bragachini, M.; Peiretti, J.; Cattani, P.; Casini, C. 2010. Mecanización de la alimentación. INTA E.E.A. Manfredi. Córdoba (AR) 100 pp.

Hulsen, J.; Rodenburg, J. 2012. Robotic milking. Roodbont publishers. Zutphen 52 pp.

ISO 3918: 2007. Milking machine installations – Vocabulary. International Standards Organization, Geneva, Switzerland.

ISO 5707: 2007. Milking machine installations – Construction and performance. International Standards Organization, Geneva, Switzerland.

ISO 6690: 2007. Milking machine installations – Mechanical test. International Standards Organization, Geneva, Switzerland.

Pereira, J.M.; Bueno, J. 2011. Gestión de residuos orgánicos de uso agrícola: Manipulación y tratamiento de purines en las explotaciones ganaderas. Servizo de Publicacións e Intercambio Científico, Universidade de Santiago de Compostela pp. 85-96.

Pereira, J.M.; Castro, A. 2014. Una visión actual de los sistemas de ordeño robotizado. Rev. AFRIGA, vol. 112, pp. 32-46. Asociación Frisona Galega.

Bibliografía complementaria:

BTPL (Bureau Technique de Promotion Laitière). 2011. Le logement du troupeau laitier. Ed. France Agricole, Paris, Francia.

Holmes, B.; Cook, N.; Funk, T.; Graves, R.; Kammel, D.; Reinemann, D.; Zulovich, J. 2013. Dairy Freestall Housing and Equipment. MidWest Plan Service, Iowa State University, Iowa, USA.

Competencias básicas, xerais e transversais:

• CB7 - Que os estudantes saiban aplicar os coñecementos adquiridos, capacidade de resolución de problemas novos ou pouco coñecidos dentro de contextos amplos (ou multidisciplinares) relacionados coa área de estudio.
• CB8 - Que os estudantes sexan capaces de integrar coñecementos e enfrontarse á complexidade de formular xuízos a partir dunha información incompleta ou limitada.
• CB9 - Que os estudantes saiban comunicar súas conclusións e os coñecementos e razóns últimas que as sustentan a públicos especializados e non especializados dun modo claro e sen ambigüidades.
• CB10 - Que os estudantes adquiran as habilidades de aprendizaxe que lles permitan continuar estudando dun modo autodirixido ou autónomo.

• CG1 - Capacidade para planificar, organizar, dirixir e controlar os sistemas e procesos produtivos desenvolvidos no sector agrario e na industria agroalimentaria, nun marco que garanta a competitividade das empresas sen esquecer a protección e conservación do medio ambiente e a mellora desenvolvemento sostible do medio rural.
• CG3 - Capacidade para propoñer, dirixir e realizar proxectos de investigación, desenvolvemento e innovación en produtos, procesos e métodos empregados nas empresas e organizacións vinculadas ó sector agroalimentario.
• CG4 - Capacidade para aplicar os coñecementos adquiridos para a resolución de problemas en situacións novas, analizando a información do entorno para facilitar o proceso de toma de decisións en empresas e organizacións profesionais do sector agroalimentario.
• CG5 - Capacidade para transmitir os seus coñecementos e as conclusións dos seus estudos ou informes, utilizando os medios que a tecnoloxía das comunicacións permita e tendo en conta os coñecementos do público receptor.
• CG7 - Aptitude para desenvolver as habilidades necesarias para a aprendizaxe de forma autónoma ou dirixida, incorporando á actividade profesional os novos conceptos, procesos ou métodos derivados da investigación, o desenvolvemento e a innovación.

• CT1 - Capacidade de análise e síntese.
• CT2 - Capacidade para o razoamento e a argumentación.
• CT3 - Capacidade de traballo individual, con actitude autocrítica.
• CT4 - Capacidade para traballar en grupo e abarcar situacións problemáticas de forma colectiva.
• CT5 - Capacidade para obter información adecuada, diversa e actualizada.
• CT6 - Capacidade para elaborar e presentar un texto organizado e comprensible.
• CT7 - Capacidade para realizar unha exposición en público de forma clara, concisa e coherente.
• CT8 - Compromiso de veracidade da información que ofrece ós demais.
• CT9 - Habilidade no manexo de tecnoloxías da información e da comunicación (TIC).
• CT10 - Utilización de información bibliográfica e de Internet.
• CT11 - Utilización de información en lingua estranxeira.
• CT12 - Capacidade para resolver problemas mediante a aplicación integrada de coñecementos.

Competencias específicas:

• CE11 - Coñecementos axeitados e capacidade para desenvolver e aplicar tecnoloxía propia en sistemas vinculados á tecnoloxía da produción animal.

Materia en extinción no curso 2024/25 sen docencia presencial, polo que a metodoloxía de ensinanza se baseará na documentación aportada na aula virtual e a disponibilidade que ten o alumnado para a consulta de contidos nas tutorías individuais.

A utilización da plataforma da USC virtual permitirá axilizar o fluxo de información entre alumnado e profesor, imprimindo axilidade á docencia da materia, e facilitando o acceso á documentación por parte do alumnado.

- Probas orais e/ou escritas (70%): Competencias CG1, CB7, CB8, CB9, CT1, CT2, CT3, CT4, CT6, CT7, CT12, CE11.

- Traballos entregados / expostos (30%): (Aplicación de ferramentas informáticas para control de sistemas de muxido. Descripción dunha instalación de gando vacún para produción de leite -con uso de información en inglés e francés-). Competencias CG1, CB7, CB8, CB9, CB10, CG5, CT1, CT2, CT3, CT4, CT5, CT6, CT7, CT8, CT9, CT10, CT11, CE11.

Os criterios de avaliación son os mesmos para todos o alumnado da materia: estudantes repetidores e estudantes matriculables de primeira e segunda oportunidade.

Observacións:
Para os casos de realización fraudulenta de exercicios ou probas será de aplicación o recollido na “Normativa de avaliación do rendemento académico dos estudantes e de revisión de cualificacións”.

Materia en extinción no curso 2024/25 sen docencia presencial. O alumnado deberá desenvolver traballo non presencial, preparando documentación para as clases, realizando traballos, resolvendo problemas da materia e preparando as probas escritas obxecto de avaliación. A estas tarefas dedicaranse 64 horas de traballo persoal.

• Consulta da bibliografía recomendada.
• Facer uso frecuente das titorías para calquera tipo de cuestión relacionada coa materia.

Materia en extinción no curso 2024/25, sen docencia pero con dereito á avaliación co sistema especificado para estudantes repetidores.