Todos os espazos de docencia están equipados con ordenador e canón videoproxector. Disponse dun salón de actos para 188 persoas totalmente equipado e dun salón de graos para 55 persoas.
A Facultade conta cunha aula de informática con 25 postos, unha sala de lecturas e un estudo de TV (e-Terra) para a gravación das clases. Conta cun espazo de lactación na segunda planta do edificio.
A cafetería ten comedor para 200 persoas. Ademais, o centro dispón de local de alumnos, sala de investigadores e laboratorio de idiomas. Todas as instalacións dispoñen de acceso wifi e están adaptadas para persoas con diversidade funcional.