Traballos pendentes de presentar

Resumo
O constituínte temático en galego é un tema moi descoidado na lingüística galega e practicamente só se trata nas seccións de morfoloxía das gramáticas do galego: os traballos dedicados enteiramente a esta materia son poucos. Ademais, sempre recibiu máis atención a vogal temática dos verbos cós outros tipos de constituíntes temáticos. Neste traballo búscanse alternativas ós problemas que se detectan nas descricións tradicionais dos constituíntes temáticos, que a miúdo pasan inadvertidos a causa da desatención ó tema. Trátanse, ademais do constituínte temático dende unha perspectiva global, a vogal temática dos verbos irregulares de pretérito forte, a noción da flexión de xénero e os procesos derivativos de conversión, parasíntese e circunfixación. Examino a natureza léxica do constituínte temático, a súa función como seleccionador da clase temática, o seu funcionamento nas distintas clases léxicas e as particularidades do seu comportamento en cada unha delas. Disputo a asociación entre os índices temáticos e morfemas de xénero en substantivos, adxectivos e pronomes e rexeito a idea de que existe a flexión de xénero no galego. Tamén exploro o papel do constituínte temático nos procesos derivativos de conversión e parasíntese (ou circunfixación).

Dirección
Dubert García, Francisco Xosé (Titoría)

Tribunal
MARIÑO PAZ, RAMON (Presidente/a)
ZAS VARELA, MARIA LUZ (Secretario/a)
PREGO VAZQUEZ, GABRIELA (Vogal)

Resumo
Este estudo investiga as dificultades específicas que os estudantes sinofalantes enfrontan ao aprender os verbos de movemento en español. Baseándose na teoría da semántica cognitiva de Talmy, analízase a diverxencia tipolóxica entre o español, como lingua de marco verbal, e o chinés mandarín e o inglés, como linguas de marco satélite. Mentres que o español codifica a traxectoria na raíz verbal (p. ex., entrar, saír), o chinés e o inglés priorizan a maneira no verbo principal, expresando a traxectoria mediante elementos periféricos. Esta diferenza estrutural provoca unha transferencia cognitiva negativa e erros predicibles. Mediante unha análise cualitativa dos verbos nos libros de texto Nuevo Sueña (A1-B1), identifícanse os principais desafíos conceptuais. O estudo demostra que o problema non é meramente léxico, senón que require unha reconceptualización do evento de movemento por parte do aprendiz. Como solución, propóñense estratexias pedagóxicas prácticas centradas en facilitar este cambio cognitivo. Estas inclúen o uso de esquemas visuais, o ensino por colocacións (chunks), a análise contrastiva explícita e a simulación de contextos reais. Destácase o rol do profesor como un mediador que debe enriquecer os materiais didácticos, clarificar os patróns gramaticais e conectar o aprendizaxe co uso auténtico do idioma. En conclusión, o ensino eficaz dos verbos de movemento a sinofalantes esixe ir máis aló da tradución, guiando o estudante na construción de novos modelos mentais para lograr unha comunicación máis fluída e natural en español.

Dirección
LUBKE , BARBARA (Titoría)

Tribunal
Dubert García, Francisco Xosé (Presidente/a)
MIGUEZ REGO, VITOR (Secretario/a)
Gamallo Otero, Pablo (Vogal)

Resumo
O presente Traballo de Fin de Máster analiza o uso do modo subxuntivo en textos escritos por aprendentes de español como lingua estranxeira dos niveis B1 e B2 do Marco Común Europeo de Referencia para as Linguas (MCER), a partir de datos extraídos do Corpus de Aprendices de Español (CAES). O estudo adopta un enfoque mixto e examina como varía o uso do subxuntivo segundo o nivel, a lingua inicial (L1) e o xénero das aprendentes, así como o tipo de oración na que aparece e a función que cumpre. Neste sentido, analízanse os tempos máis frecuentes do modo: presente, pretérito imperfecto, pretérito perfecto e pretérito pluscuamperfecto, e identifícanse tamén algúns dos usos incorrectos na alternancia modal. O obxectivo é achegar datos que permitan comprender mellor como empregan o subxuntivo as aprendentes en niveis intermedios e ofrecer claves que poidan resultar útiles para a súa ensinanza.

Dirección
CONDE NOGUEROL, MARIA EUGENIA (Titoría)

Tribunal
MARIÑO PAZ, RAMON (Presidente/a)
ZAS VARELA, MARIA LUZ (Secretario/a)
PREGO VAZQUEZ, GABRIELA (Vogal)

Resumo
Este Traballo de Fin de Mestrado analiza o activismo lingüístico nas redes sociais como un fenómeno emerxente vinculado á promoción das linguas minoritarias en España. Estúdase a actividade de trece organizacións que traballan pola normalización do asturiano, do galego e do leonés. O obxectivo do estudo é examinar como estas entidades empregan as plataformas dixitais para visibilizar, promover e reivindicar o uso da lingua. Para iso, aplícase unha metodoloxía mixta que combina análise cuanti-tativa coa análise dos temas das publicacións e o ton discursivo. O corpus inclúe publicacións reali-zadas en tres redes sociais (Facebook, Instagram e X) durante o primeiro trimestre de 2025. Estable-céronse criterios específicos para distinguir entre publicacións lingüísticas e xerais, e propóñese unha clasificación funcional dos perfís dixitais segundo o seu enfoque.

Dirección
Ramallo Fernández, Fernando (Titoría)

Tribunal
MARIÑO PAZ, RAMON (Presidente/a)
ZAS VARELA, MARIA LUZ (Secretario/a)
PREGO VAZQUEZ, GABRIELA (Vogal)