Máster Universitario en Lingüística Aplicada

5.1 Condicións de terminación:

Obrigatorias: 24
Optativas: 24
Prácticas externas 6
Traballo fin de máster: 6
Total: 60

Para obter o mestrado os/as estudantes deberán cursar obrigatoriamente unha especialidade, para o cal deberán elixir dous módulos da súa especialidade. As especialidades ofertadas son as seguintes:

-Especialidade en Lingüística aplicada á adquisición de linguas

Módulos:
- Lingüística aplicada á adquisición de linguas
- Ensino de segundas linguas
- Lingua de signos española

Proporciona formación avanzada e actual en lingüística aplicada e teoría lingüística así como recursos metodolóxicos que permiten abordar nos novos contextos multilingües e multimodais a adquisición de linguas ou o desenvolvemento lingüístico atípico (patoloxías lingüísticas). Os contidos teóricos e prácticos desta especialidade permiten a especialización profesional a logopedas ou graduados en linguas ou en tradución e interpretación, que queiran orientarse a ámbitos como a lingüística clínica, o ensino de segundas linguas ou os usos profesionais da lingua de signos.

-Especialidade en Comunicación e recursos lingüísticos

Módulos:
- Linguas e tecnoloxías
- Comunicación profesional
- Mediación e planificación

Proporciona formación lingüística avanzada para actuar en contornos multidisciplinares, tendo como obxectivos fundamentais o desenvolvemento de habilidades comunicativas, o coñecemento e manexo de linguaxes específicas, o dominio do contorno virtual e as novas tecnoloxías, a xestión e organización da información, a creación de contidos para calquera medio ou soporte e o coñecemento dos principais conceptos de planificación e política lingüística. Os contidos teóricos e prácticos desta especialidade preparan ao estudante para actuar en ámbitos profesionais multidisciplinares e diversificados.

-Especialidade en Léxico, gramática e variación

Módulos:
- O universo do léxico
- Semántica, gramática e pragmática
- Lingüística contrastiva e variación

Oferece unha especialización no campo de estudo do léxico, da semántica, gramática e pragmática, así como nas interrelacións entre estes compoñentes, e no ámbito da lingüística contrastiva e da variación. O seu obxectivo é familiarizar o alumno tanto coas teorías científicas actuais como coas súas aplicacións prácticas, de modo que adquiran a capacidade de deseñar, planificar e desenvolver temas e proxectos de investigación neste campo.

O máster, de carácter interuniversitario, proporciona formación en lingüística avanzada a graduados en Filoloxía, Linguas, Lingüística, Tradución e Interpretación, Humanidades e Socioloxía, para especializalos nas áreas aplicadas de Adquisición e Ensino de Linguas, Comunicación e Recursos Lingüísticos, e Léxico, Gramática e Variación.

• Perfil de ingreso

  Resulta recomendábel, como perfil de ingreso, a existencia dunha formación académica previa no ámbito de Artes e Humanidades ou das Ciencias Sociais, especialmente ter cursado un título de graduado ou equivalente que contemple unha formación específica nos estudos lingüísticos, no ámbito da comunicación, etc.

• Número mínimo de créditos ECTS de matrícula por estudante e período lectivo

  5.1 Condicións de terminación:

  Obrigatorias: 24
  Optativas: 24
  Prácticas externas 6
  Traballo fin de máster: 6
  Total: 60

• Acción titorial e acollida

  As Facultades participantes contan cun Plan de acción tutorial (PAT) para os estudantes de máster. A través do PAT, a facultades asignarán profesores titores a todo o alumnado de novo ingreso. Inicialmente o estudante deberá responder un cuestionario específico que permitirá coñecer con máis precisión o perfil de ingreso real do estudantado e as súas necesidades. Ao longo de todo o curso, a través de entrevistas específicas entre o/a estudante e o profesor/a titor/a, realizarase un seguimento do estudante que, ademais, terá a ocasión de dispoñer dun/a profesor/a de referencia para todas as cuestións sobre as que necesite orientación.

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Acceso

  Acceso

  Para acceder aos ensinos oficiais de Máster será necesario estar en posesión de:
  A.1. Un título universitario oficial español.
  A.2. Un título expedido por unha institución de educación superior pertencente a outro Estado integrante do Espazo Europeo de Educación Superior que faculte no mesmo para o acceso a ensinos de Máster.
  A.3. Un título pertencente a un sistema educativo alleo ao Espazo Europeo de Educación, previa comprobación pola Universidade de que o citado título acredita un nivel de formación equivalente aos correspondentes títulos universitarios oficiais españois e faculta no país expedidor do título para o acceso a ensinos de posgrao.
  A.4. Un título superior das Ensinanzas Artísticas Superiores do sistema educativo español.

  Admisión

  Modalidade: con límite de prazas e criterios específicos

  TITULACIÓNS DE ACCESO

  Por orde de preferencia:

  1º Lic. ou Grao en Filoloxía ou títulos equivalentes da rama de humanidades. Lic. ou Grao en Tradución e Interpretación ou títulos equivalentes da rama de humanidades.

  2º Lic. ou Grao en Humanidades; Comunicación; Filosofía; Historia ou titulacións equivalentes da rama de humanidades.

  3º Lic. ou Grao da rama de Ciencias Sociais e Xurídicas

  Os alumnos procedentes de países de lingua diferente ao galego, portugués ou español deberán acreditar o nivel de lingua galega: Celga II, ou española: B2, consonte o Acordo do Consello de Goberno da USC do 30 de xullo de 2018.

  De non posuíren algún dos títulos, a USC realizaralles unha proba de nivel e, de non superala, deberán asistir a un curso intensivo de galego ou español no primeiro semestre até acadaren o nivel requirido

  CRITERIOS DE SELECCIÓN:

  - Expediente académico: 75%
  - Curriculum: 20%
  - Estar en posesión dunha Licenciatura o dun grao en Filoloxía, Lingüística, Tradución e Interpretación, Linguas / Letras e noutras licenciaturas ou graos das áreas de Humanidades ou Ciencias Sociais: 5%

  Información actualizada en cada convocatoria de matrícula

Este máster está deseñado para oferecer unha formación sólida aos estudantes en materia de lingüística, tanto teórica como aplicada. Queremos formar especialistas altamente cualificados en lingüística, que saiban desenvolverse en contornos multidisciplinares, posúan habilidades comunicativas, coñezan e manexen linguaxes específicas, dominen o contorno virtual e as novas tecnoloxías, e saiban xestionar e organizar a información, tal como demanda o mercado laboral. O máster tamén está pensado como período de formación previa para acceder a un programa de doutoramento no ámbito lingüístico.

• Competencias xerais

  1 - Capacitación dos estudantes para adquiriren coñecementos lingüísticos especializados e habilidades para analizar críticamente as propostas máis relevantes no ámbito dos estudos lingüísticos.
  2 - Adquisición dos fundamentos metodolóxicos e críticos que permitan aos estudantes accederen ao exercicio da actividade profesional cunha formación versátil e interdisciplinar.
  3 - Capacidade dos estudantes no manexo das novas tecnoloxías da información e da comunicación aplicadas ao campo dos estudos lingüísticos.
  4 - Capacidade dos estudantes para abriren vías de investigación novidosas no ámbito dos estudos lingüísticos, dotándoas de aplicación práctica para a súa transferencia a distintos ámbitos profesionais
  5 - Capacidade dos estudantes para comprenderen as interrelacións pertinentes entre os diversos ámbitos de estudo que integran o máster.

• Competencias específicas

  1 - Coñecemento dos principios básicos, as técnicas fundamentais e algúns resultados destacados da investigación actual en lingüística
  2 - Capacidade para comprender a diversidad teórica e metodolóxica das escolas lingüísticas.
  3 - Capacidade para distinguir e aplicar adecuadamente os distintos métodos de investigación en lingüística.
  4 - Capacidade dos estudantes para aplicaren a metodoloxía da lingüística baseada na análise de corpus lingüísticos.
  5 - Capacidade para a selección adecuada de datos lingüísticos en función do método de investigación elixido.
  6 - Coñecemento das principais áreas da lingüística aplicada.
  7 - Capacidade para aplicar os coñecementos lingüísticos adquiridos aos problemas do mundo profesional (docencia, asesoramento e mediación lingüística, tradución, lexicografía, planificación lingüística, etc).
  8 - Obtención dun nivel de formación teórica que permita comprender e xulgar críticamente a bibliografía lingüística especializada.
  9 - Capacidade para xestionar os recursos lingüísticos e a información lingüística para propósitos académicos e de investigación (identificación e acceso á bibliografía, utilización apropiada de recursos e equipamentos, utilización de tecnoloxía para rexistrar datos, manexo de bases de datos, etc.)
  10 - Capacidade no manexo das diferentes tecnoloxías lingüísticas que conforman a actual sociedade do coñecemento: dicionarios electrónicos, correctores e tradutores automáticos, e sistemas de aprendizaxe de lingua asistida por ordenador.

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa): Portal Internacional

Prácticas

A materia ten como obxectivo principal achegar o alumnado ao ambiente laboral nos distintos ámbitos profesionais sobre os que podería orientar a súa actividade futura. Por iso, proporcionaráselle a posibilidade de realizar prácticas en empresas relacionadas cos sectores de planificación e asesoramento lingüístico e literario, xestión e asesoramento en medios de comunicación, relacións internacionais, ámbito editorial, empresas e administración pública, ensino de linguas, etc.

Na avaliación terase en conta a actividade realizada polo alumnado na empresa ou institución en que realizou as prácticas. Para isto a persoa que o titorice na empresa ou institución remitirá un informe final da súa actividade.

O traballo fin de máster versará sobre algún aspecto relacionado coas materias obrigatorias ou optativas que curse o alumnado.

Para poder defender o traballo de fin de máster será necesario superar os restantes 54 créditos da titulación e realizarase de acordo coas directrices que aprobará a Comisión Académica a partir da normativa xa existente nas universidades participantes. O acto de defensa do traballo será público e o alumno terá de realizar unha exposición resumida do seu traballo nun tempo máximo de 20 minutos e deberá responder as cuestións que lle formulen os membros da Comisión. As características formais do traballo recolleranse nas devanditas directrices.

O equipo docente está composto por profesorado altamente cualificado, así como profesorado invitado de recoñecido prestixio e a titorización e seguimento do alumnado realízase de xeito individualizado.

A experiencia docente, investigadora e profesional do profesorado implicado nos másteres dos cales procede este, proporciona unha formación innovadora que pode preparar aos alumnos para o mundo da investigación, pero tamén para o mundo empresarial.