O Centro de Linguas Modernas ofrece desde 1976 cursos de lingua alemá.
Así mesmo organiza as probas para a acreditación das competencias lingüísticas.
Velaquí a equivalencia dos niveis dos cursos do CLM cos do MECRL.
-
O Centro de Linguas Modernas da USC ofrécelles á comunidade universitaria e ás persoas interesadas maiores de 18 anos os Cursos de alemán, adaptados a diversos niveis do Marco Europeo Común de Referencia para as Linguas (MECRL).
Abarcan 50 horas, combinando presencialidade (40 h) e o traballo autónomo tutelado (10 h), e teñen carácter semestral.
-
O nivel inicial é o A1.1. As persoas que queiran realizar un curso de alemán deste nivel, poden matricularse directamente na Secretaría Virtual.
As persoas que teñen acreditado un nivel no CLM porque aprobaron un curso no semestre anterior, poden matricularse directamente no nivel inmediatamente seguinte.
As persoas que non teñen acreditado un nivel no CLM, deben inscribirse antes nun test de nivel, que é gratuíto e se realiza en liña.
O test de nivel só autoriza para matricularse no nivel acadado, pero non serve como acreditación do nivel correspondente segundo o MECRL.
De ofrecerse varias datas para realizar o test de nivel, recoméndase acudir á primeira porque as prazas nos cursos se cobren por orde de inscrición.
O test de nivel non ten custo para as/os estudantes.
-
Non hai datos dispoñibles para o curso académico seleccionado.
-
Para acreditar os teus coñecementos de alemán na USC, a universidade ofréceche varias vías:
- Aprobar un curso de alemán no CLM da USC que complete un nivel do MECRL.
- Presentarte ás probas de competencia lingüística de alemán do CLM.
- Achegar un título ou diploma que estea recoñecido pola institución diante da que te debas acreditar.
-
Nos estudos de grao da USC poden recoñecerse créditos por competencias transversais, por exemplo, por actividades de formación en linguas.
A realización dos cursos de alemán no CLM dá dereito ao recoñecemento de créditos ECTS nos estudos de grao, desde os 3 ECTS do B1 ata os 6 ECTS do C2.
-
- Non hai información dispoñible neste momento.