Cambios de nome e de mención relativa ao sexo na USC

Obxectivos

• Dar a coñecer o Protocolo de actuación para os cambios de nome e de mención relativa ao sexo das persoas transexuais, transxénero e interxénero da USC, a fin de garantir a seguridade xurídica e o bo trato en toda a comunidade universitaria.
• Erradicar as linguaxes de odio e reflexionar sobre os diversos problemas de xénero que se verifican nas aulas e na interacción investigadora.
• Fomentar dinámicas sociais amables e respectuosas, destinadas a evitar calquera tipo de discriminación.

Contidos

1. Coñecermos o protocolo en vigor na USC, a través dunha exposición razoada e da resolución de eventuais dúbidas.
2. Reflexionarmos sobre as causas sociais, políticas e éticas que xustifican a aparición dunha sensibilidade sobre o xénero que loita polos dereitos dun colectivo dentro da comunidade.
3. Coñecermos os principais recursos para incorporar unha linguaxe inclusiva, para alén de tentar resolver a ansiedade que, como falantes, poden producirnos eses novos modelos.

Metodoloxía

O curso desenvolverase a través dunha metodoloxía participativa en dúas sesións presenciais de dúas horas e media a través da plataforma Teams e cinco horas de traballo autónomo utilizando os recursos que se porán a dispor do alumnado en Moodle. Para a avaliación terase en conta a asistencia e participación activa durante o mesmo e a realización da actividade práctica relacionada que as profesoras propoñan.

Docentes

• Teresa Moure Pereiro. Dpto. de Lingua e Literatura Españolas, Teoría da Literatura e Lingüística Xeral. USC
• Alicia Villalba Sánchez. Dpto. de Dereito Público Especial e da Empresa. USC

Colectivo ao que vai dirixido

Persoal Docente e Investigador 

Duración

10 horas (5 presenciais e 5 de traballo)