Premio extraordinario de doutoramento 21-22

De acordo coa Normativa de Concesión do Premio Extraordinario e co Regulamento de Estudos de Doutoramento da Universidade de Santiago de Compostela, convócanse os premios extraordinarios de doutoramento correspondentes ao curso 2021-22.

Calquera dúbida ou consulta sobre o procedemento débese realizar por correo electrónico, indicando a grande área de coñecemento correspondente ao enderezo da EDIUS edius@usc.es.

No Taboleiro electrónico da USC pódese atopar a normativa pola que se rexe a concesión dos premios neste ano, a convocatoria, o Anexo I coas teses que optan ao premio,  e o Anexo II cos criterios de valoración.

A edición deste ano inclúe un cambio de procedemento en relación ás anteriores, en función do cal se abre un prazo de alegacións á lista de teses candidatas a premio e aos datos consignados nesa lista, previo ao prazo de presentación de solicitudes:

1. Prazo de presentación de alegacións ao Anexo I (Teses candidatas): 5 días hábiles desde o día seguinte ao da publicación da convocatoria e os seus anexos no Taboleiro oficial. Do 13 ao 19 de setembro de 2023.
    
2. Prazo de presentación de solicitudes ao Premio Extraordinario: o prazo para que os e as candidatos/as presenten a súa solicitude dará comezo unha vez que, estimadas as alegacións que procedan, publíquese, de ser o caso, un novo Anexo I. Desde o día seguinte ao da publicación deste novo Anexo I as persoas interesadas contarán con dez días hábiles para presentar a súa solicitude. Ampliación de prazo por corrección de erros (ver documentación da convocatoria): do 10 ao 24 de outubro.

• Modelo de solicitude (galego)
• Modelo de Solicitud (español)
•  Formulario de sede para subir o modelo e a documentación anexa*

  * O formulario de sede só estará aberto durante o prazo de presentación de solicitudes.

Documentación da convocatoria

• Normativa
• Convocatoria
  
  • Anexo I - Teses candidatas. Segunda corrección de erros
  • Anexo II - Criterios de valoración
• Relación de candidaturas presentadas
• Nomeamento dos membros das comisións de avaliación
• Relación de candidaturas presentadas - Corrección de erros
• Listaxe provisoria de concesión
• Listaxe provisoria de concesión - Corrección de erros
• Resposta ás alegacións recibidas:
  
  • Artes e Humanidades
  • Ciencias e Enxeñarías
  • Ciencias da Saúde
  • Ciencias Sociais e Xurídicas
• Listaxe definitiva de concesión de premios extraordinarios
  As puntuacións desagregadas definitivas de todas as persoas candidatas publicaranse nunha carpeta de OneDrive con acceso restrinxido a estas, a través dunha notificación que recibiredes por correo electrónico. No caso de que non a recibades, por favor, poñédevos en contacto coa Escola a través do enderezo de correo edius@usc.gal
• Aprobación dos Premios extraordinarios de doutoramento 21-22 polo Consello de Goberno ^novo

• Destinatarios e requisitos

  • Destinatarios: Doutorandos/as con teses defendidas na USC no curso académico 2021-2022 no período comprendido entre o 1 de setembro de 2021 e o 31 de agosto de 2022.
     
  • Requisitos: Que na defensa obtivese a mención cum laude e que a suma das puntuacións emitidas polos membros do tribunal na súa valoración da tese de doutoramento para os premios extraordinarios sexa igual ou superior a 12 puntos.

• Número de premios extraordinarios

  Na convocatoria deste ano daranse un total de 35 premios, distribuídos nas catro grandes áreas do seguinte xeito:

  • Artes e Humanidades : 5
  • Ciencias Sociais e Xurídicas: 8
  • Ciencias e Enxeñarías: 10
  • Ciencias da Saúde: 12

• Prazo de solicitude

  As solicitudes, xunto coa documentación xustificativa asociada, presentaranse a través da Sede electrónica da USC, nun formulario pendente de publicación.

• Alegacións e recursos

  Pendente de fixación de prazos segundo publicación de listas provisionais