Un equipo de Economía Financeira estuda a xestión do risco e o aseguramento nas empresas galegas
O reitor Antonio López e o presidente do Padroado da Fundación Inade (Instituto Atlántico del Seguro), Antonio Cobián Varela, asinaron este luns 25 un contrato para o desenvolvemento dun estudo sobre ‘Xestión do Risco e o aseguramento nas Empresas Galegas’.
Cunha duración prevista dun ano, o responsable do desenvolvemento e supervisión dos traballos por parte da USC, será o profesor Luís Otero González, membro do grupo de investigación VALFINAP-Valoración financeira aplicada e adscrito ao Departamento de Economía Financeira e Contabilidade da Facultade de Ciencias Económicas e Empresariais.
O traballo consistirá nun estudo sobre a Xestión do Risco e o aseguramento nas Empresas Galegas incluíndo unha avaliación da xestión do risco na empresa; estándares da xestión de riscos (COSO II e ISO 31.000); o proceso de xestión e a gobernanza do risco; a situación da xestión do risco nas empresas galegas; e o seu impacto nos resultados da empresa.
