Entrega do premio do concurso de creación do logotipo oficial para celebrar o 150 Aniversario da Facultade de Farmacia da USC

O licenciado en Historia pola USC José Luís Álvarez Fernández recollerá este venres, día 12, o premio de 750 euros que lle correspondeu por gañar o Concurso de creación dun logotipo oficial para a celebración do 150 Aniversario da Facultade de Farmacia da USC. O acto de entrega celebrarase ás 13:00 horas no Salón de Graos da Facultade de Farmacia baixo a presidencia do decano do centro, José Miñones Trillo.
O traballo que presentou José Luís Álvarez, de A Guarda (Pontevedra), levaba por lema ‘Alfer’ e nel utiliza a serpe como referente simbólico, relacionando ao espectador coa actividade científica en cuestión.