A cargo do director de Equantum Ciberseguridad & Blockchain S.L
Os riscos de seguridade asociados co uso de blockchain e criptografía serán obxecto de análise do sexto seminario do programa formativo que a Cátedra Economía da Ciberseguridade USC-INCIBE organiza en colaboración coa Aula Profesional ECOADE. Nesta ocasión, será o director de Equantum Ciberseguridad & Blockchain S.L., Pablo López Gutiérrez, quen pronuncie o 26 de marzo a charla ‘Riscos e Ciberseguridade: Blockchain, Criptografía e Criptoactivos’.
No seminario, para o que é preciso inscribirse previamente, analizaranse os riscos do uso de blockchain e criptografía así como o seu papel na protección de datos e activos dixitais e profundarase nos perigos derivados da utilización de criptoactivos, incluíndo vulnerabilidades e ameazas comúns. Ademais, abordarase a importancia da monitorización continua e o uso de ferramentas de forensics no contexto da ciberseguridade, para detectar e previr posibles incidentes de seguridade relacionados coas criptomonedas e a tecnoloxía blockchain.
